Рамзи мубориза бо СПИД

Се соли зиндон барои сироят намудан бо вирус

254
Додситонии кулли Тоҷикистон аз маҳкум шудани як нафар ба 3 соли зиндон хабар додааст, ки барои қонеъ намудани ҳиссиёти шаҳвонии худ шаҳрванди дигарро гирифтори бемории СПИД кардааст

ДУШАНБЕ, 15 окт — Sputnik. Тибқи иттилои Додситонии кулли Тоҷикистон, ҳангоми санҷишҳои прокурорӣ ошкор карда шуд, ки маҳкумшуда бар асоси хулосаи ташхис аз 5 апрели соли 2017 ба бемории вируси норасоии масунияти одам гирифтор будааст.

Манбаъ афзуд, ки дар пайи муайян шудани беморӣ, аз ин нафар ӯҳдадории хаттӣ дар бораи риояи талаботи моддаи 125 Кодекси ҷиноятии Ҷумҳурии Тоҷикистон, гирифта шудааст.

“Аммо, шаҳрванд А.А. бо мақсади қонеъ кардани нафси шаҳвонии худ, ӯҳдадории хаттии зикршудаи худро риоя накарда, дидаю дониста, моҳи ноябри соли 2017 шаҳрванд Б.А.- ро бо роҳи алоқаи ҷинсӣ, ба бемории мазкур сироят намуд”, - иттилоъ дод додситонӣ.

Додгоҳ шаҳрванд А.А-ро, бар асоси моддаи 125 қисми 2 Кодекси ҷиноятӣ, барои дидаю дониста бо вируси норасоии масунияти одам сироят кардани нафари солим гунаҳкор дониста, ба муҳлати 3 сол аз озодӣ маҳрум кард.

254
Самолет авиакомпании Таджик Эйр, архивное фото

Мақомот Тоҷикистон як қисми қарзҳои ширкати “Тоҷик Эйр”-ро мебахшад

4
(Таҷдидшуда 15:01 10.07.2020)
Мақомоти Тоҷикистон ба ширкати ҳавоии “Тоҷик Эйр”, ки дар даврони пандемия, шаҳрвандони кишварро аз хориҷ ба Ватан бозмегардонад, кумаки молиявӣ меросонад

ДУШАНБЕ, 10 июл — Sputnik. Тибқи қарори ҳукумати Тоҷикистон аз 25 июни соли 2020 як қисми қарзҳои ширкати ҳавоии “Тоҷик Эйр” аз ҳисоб хориҷ карда мешаванд.

Иттилоъ дода шудааст, ки давлат бо бахшидани як қисми қарзҳо ҳудуди 19 миллион сомонӣ ба ширкати ҳавоӣ кумаки молиявӣ мерасонад.

Маблағҳое, ки ширкати “Тоҷик Эйр” аз ду шикати Ватанӣ қарздор аст, аз ҳисоби озод кардани ин ду ширкат аз пардохти андозҳо ба маблағи 19 миллион сомонӣ бахшида хоҳад шуд.

Ёдрас мешавем, ки соли гузашта ширкати ҳавоии “Тоҷик Эйр” ба далели мушкилоти молиявӣ фаъолияти худро муваққатан қатъ карда буд.

"Тоҷик Эйр" ва "Сомон Эйр" 8 парвози чартерӣ аз шаҳрҳои Русияро анҷом медиҳанд

Дар даврони пандемия ин ширкати ҳавоӣ бо дархости шаҳрвандони Тоҷикистон танҳо рейсҳои чартерӣ анҷом медиҳад. 

4
Барчаспҳо:
кумак, Тоҷик Эйр, қарз, ширкати ҳавоии "Тоҷик Эйр", Тоҷикистон
Президент Республики Таджикистан Эмомали Рахмон

Тағйироти кадрӣ: Раҳмон масъулини мақомоти қудратӣ ва давлатиро ҷо ба ҷо кард

273
(Таҷдидшуда 15:16 10.07.2020)
Президенти Тоҷикистон Эмомалӣ Раҳмон имрӯз 10 июл, дар мақомоти қудратӣ ва давлатӣ тағйироти кадрӣ амалӣ кард

ДУШАНБЕ, 10 июл — Sputnik. Бо Фармонҳои Президенти Ҷумҳурии Тоҷикистон Пиракзода Ҳикматулло аз вазифаи муовини якуми Фармондеҳи Қӯшунҳои сарҳадӣ — сардори Сарситоди Қӯшунҳои сарҳадии Кумитаи давлатии амнияти миллии Ҷумҳурии Тоҷикистон озод ва Раҷабзода Насимҷон ба ин вазифа таъйин гардид, хабар медиҳад котиботи раисиҷумҳур.

Бо Қарорҳои Ҳукумати Ҷумҳурии Тоҷикистон Пиракзода Ҳикматулло Сардори Донишкадаи олии сарҳадии Кумитаи давлатии амнияти миллии Ҷумҳурии Тоҷикистон таъин гардида, Мирзозода Бадриддин бо сабаби ба кори дигар гузаштанаш аз ин вазифа озод карда шуд.

Ҳамзамон, Нурализода Нуриддин Директори муассисаи давлатии қароргоҳи «Искандаркӯл»-и Дастгоҳи иҷроияи Президенти Ҷумҳурии Тоҷикистон,

Мирзоён Нодир — муовини Директори Агентии омори назди Президенти Ҷумҳурии Тоҷикистон ва Зайнуддинзода Авазхон Сардори Маркази технологияҳои иттилоотӣ ва коммуникатсионии Дастгоҳи иҷроияи Президенти Ҷумҳурии Тоҷикистон таъйин гардиданд.

Зимни суҳбат раисиҷумҳур, аз вазъи душвори сиёсиву иқтисодӣ ва иҷтимоии минтақа ва ҷаҳон ёдовар шуда, таъкид кардааст, ки дар чунин шароити барои тамоми кишварҳои дунё ҳассосу печида ва пешгӯинашаванда ҳар як хизматчии давлатӣ ва низомӣ бояд бо ҳисси баланди миллӣ, ватандӯстӣ ва ватанпарастӣ хизмат намояд.

Барои пешгирии қонуншиканӣ дар сарҳади давлатӣ, пурзур намудани назорат ва роҳ надодан ба қочоқи маводи мухаддир, силоҳ, ва молу маҳсулоти пастсифат тамоми шароити зарурӣ муҳайё буда, танҳо масъулият ва ҳушёриву зиракии ҳар як сарҳадбон метавонад кишвари моро аз хавфу хатарҳои ҷаҳони имрӯза, аз ҷумла терроризму экстремизм ва ҷиноятҳои фаромиллӣ эмин нигоҳ дорад, гуфтааст Эмомалӣ Раҳмон.

273
Барчаспҳо:
тағйироти кадрӣ, Эмомалӣ Раҳмон, Тоҷикистон
Мавзуҳо:
Тағйироти кадрӣ дар Тоҷикистон