Снег в парках и скверах Душанбе

Барф, меғ ва ҳавои сард: обу ҳаво барои имрӯз дар Тоҷикистон (АКС)

502
(Таҷдидшуда 10:19 17.10.2018)
Имрӯз дар бисёре аз ноҳияҳои Тоҷикистон боридани борон ва ба барфи тар табдил ёфтани он пешгӯӣ мешавад.

ДУШАНБЕ, 17 окт — Sputnik. Имрӯз дар ҷумҳурӣ ҳавои ноустувор боқӣ монда, боридани борон ва барфи тар дар назар аст.  Инчунин 18 октябри соли равон дар ҷумҳурӣ ҳаво   ноустувор   шуда, дар минтақаҳои кӯҳӣ   ҳарорат аз 10 то 17 дараҷа   паст мешавад.  Дар ин бора аз Агентии обуҳавошиносии Тоҷикистон ба мухбири АМИТ "Ховар" иттилоъ додаанд.

Ба иттилои манбаъ, имрӯз дар бисёре аз ноҳияҳои Тоҷикистон боридани борон ва ба барфи тар табдил ёфтани он пешгӯӣ мешавад.

Дар шаҳри Душанбе боридани борони ба барфи тар табдилёбанда пешгӯӣ шуда, ҳаво шабона 3+5 ва рӯзона 8+10 дараҷа гарм мешавад.

Дар шаҳру ноҳияҳои тобеи марказ низ борон   дар назар дошта шуда,  он ба барф табдил меёбад. Дар баъзе минтақаҳо фаромадани туман дар назар аст. Ҳарорат дар водиҳо шабона 0+5 ва рӯзона +7+12 дараҷа гарм мешавад.

Дар баъзе ноҳияҳои вилояти Суғд низ борон ва барфи тар пешгӯӣ шуда, фаромадани туман дар назар аст. Ҳаво дар водиҳо шабона -1+4  дараҷа ва рӯзона  +5+10 дараҷа гарм мешавад.

Дар   Вилояти Мухтори Кӯҳистони Бадахшон   борону барф борида, ҳаво дар ғарби вилоят шабона -4+1, рӯзона  5+10 ва дар шарқи ин вилоят шабона -8-13 ва рӯзона -2+3 дараҷа гарм мешавад.

Дар вилояти Хатлон  боридани борон дар назар дошта шуда,  дар минтақаҳои кӯҳӣ борон ба барфи тар табдил меёбад. Ҳарорат дар водиҳо шабона  2+7  ва рӯзона 10+15   дараҷа гарм мешавад.

Бештари корбарони шабакаҳои иҷтимоӣ низ аз боридани барф дар ноҳияҳои худ хабар додаанд.

502
Футболист на поле, архивное фото

Пирӯзии “Навбаҳор” бар “Равшан” и Кӯлоб: ҳисоби бозӣ 5:0

13
(Таҷдидшуда 19:15 26.09.2020)
Бозии даври чаҳоруми чемпионати Тоҷикистон оид ба футбол байни ҷавондухтарон U-17 бо пирӯзии “Навбаҳор” и ноҳияи Мастчоҳ бар “Равшан” и шаҳри Кӯлоб ба охир расидааст. Дар ин бозӣ соҳибони майдон бо ҳисоби 5:0 пирӯз шудаанд

ДУШАНБЕ, 26 сен – Sputnik. Тавре Аҳлиддин Юнусов, котиби Федератсияи футболи Суғд ба Sputnik Тоҷикистон иттилоъ дод, дар доираи даври чаҳоруми чемпионати футбол инчунин бозӣ миёни дастаҳои “Хатлон” ва “Мактаби махсуси футбол, чавгон ва асп” ё “ММФЧВА” и Суғд доир шуда, бо ҳисоби 3: 2 бо ғалабаи мизбонон тамом шудааст.мяч

Бино ба иттилоъи манбаъ дар чемпионати Тоҷикистон оид ба футбол миёни бонувон шаш даста ба ҳисоби “Навбаҳор” у “Равшан” ва “ММФЧВА” у “Хатлон” барои ба даст овардани Ҷом рақобат мекунанд.

Қарор аст, дар доираи давраи панҷуми бозиҳо “Навбаҳор” дар сафар бо дастаи “Ҳосилот” и Фархор бозӣ анҷом диҳанд.

 “Ҳоло дастаи “Хатлон” дар ҷои аввал ва дастаи “ММФЧВА” дар ҷои дуюм қарор дорад”, - гуфт Юнусов.

Соли гузашта дастаи “ММФЧВА” чемпион шуда буд. Зимнан соли сеюм аст, ки чемпионати футбол миёни бонувон мунтазам доир мегардад.

 Баъзеҳо аз баргузории футболи занона интиқод мекунанд, аммо бисёриҳо бо муҳимияти тарғиби тарзи ҳаёти солим роҳандозии ин намуди варзиш миёни бонувонро тасмими саривақтӣ медонанд. Федератсияи футболи Тоҷикистон ҳам бо мақсади тарғиби тарзи ҳаёти солим роҳандозии чемпионати футбол миёни бонувонро роҳандозӣ намуда, аз сӯи ин ниҳод сафархарҷ, туб ва либоси варзишии дастаҳо таъмин карда мешавад.

13
Барчаспҳо:
Кӯлоб, пирӯзӣ, Мастчоҳ, Футбол, Суғд, Тоҷикистон
Работники морга погружают гроб с погибшим от коронавируса, архивное фото

1 фавт ва 43 ҳолати ҷадиди гирифторшави ба коронавирус дар Тоҷикистон: вазорат тасдиқ кард

108
Шабонарӯзи гузашта аз маризии сироятии коронавирус дар Тоҷикистон боз як нафари дигар ҷон супорид. Вазорат низ хабари фавти маризи коронавирусро тасдиқ кард

ДУШАНБЕ, 25 сен - Sputnik. Вазорати тандурустӣ омори як рӯзи ахири гирифторшавӣ, фавт ва шифоёбӣ аз маризии коронавирусро нашр намуд.

Бар хабари котиботи вазорати мазкур, шабонарӯзи гузашта аз ин маризӣ боз як нафар ҷон бохта, ҳамзамон 43 мавриди нави гирифторшавӣ ба қайд гирифта шуд.

Манбаъ меафзояд, дар муддати аз 30 апрел то 26 сентябр шумораи гирифторони коронавируси нав ба 9 605 нафар расид.

Зимнан, аз ин беморӣ то кунун 8385  ё худ 87,3 дарсади гирифторон шифо ёфта, 75 нафар фавтиданд.

"Шабонарӯзи охир 97  нафар гумонбарон зери назорати табибон қарор дошта, 44 нафар баъд аз муолиҷа ба хонаҳояшон рухсат дода шуданд", - таъкид мешавад дар хабари манбаъ.

Феълан Ҳукумати  Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

108
Барчаспҳо:
омор, маризӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон