Бинои ВУД Тоҷикистон, акс аз бойгонӣ

"Давлатов рӯйи зани дуюми ҷавонашро сӯзонду бо теғ бурид" (ВИДЕО)

984
(Таҷдидшуда 09:56 18.10.2018)
Мақомоти умури дохилии шаҳри Бохтар аз боздошти Сайфиддин Давлатов иттилоъ доданд, ки дар латукӯби шадиди ҳамсари дуюмаш муттаҳам мешавад

ДУШАНБЕ, 18 окт — Sputnik. Тибқи иттилои Вазорати умури дохилии Тоҷикистон, Давлатов ҳамсари дуюмаш - Сафарова Таҳминаи 30-соларо, ки аз худаш 14 сол ҷавонтар мебошад, шаби 6 октябр латукӯб кардааст. 

“Дар пайи латукӯб, бо дастгоҳҳои барқии гармкунанда, аз қабили “кипятилник” ва “плита”-и барқӣ рӯйу бадани ҳамсарашро сӯзонда, бо алмоси ришгирӣ рӯяшро теғ зада, буридааст”, - омадааст дар гузориши ВУД.

Манбаъ афзуд, ки Таҳмина Сафаров, ҳамсари дуюми Давлатов буда, аз зиндагии якҷоя се фарзанд доранд.  Ҳодиса шаби 6 октябр, замоне рух додааст, ки Давлатов дар ҳолати мастӣ қарор доштааст.

 Муттаҳам гуфтааст, ки  қазия ҳангоми мастӣ сурат гирифтааст ва ӯ аз кардааш пушаймон мебошад.

Мақомоти умури дохилӣ афзуданд, ки феълан алайҳи Давлатов бар асоси моддаи 117-и Кодекси ҷиноии Тоҷикистон парванда оғоз гардида, тафтишот идома дорад.

984
Барчаспҳо:
зан, шавҳар, латукӯб, Тоҷикистон