Ҷодугарӣ дар пойтахт: кашфи “бахткушоӣ”-и ғайриқонунӣ бо қулфу олоти гург (ВИДЕО)

© PixabayВолк, архивное фото
Волк, архивное фото - Sputnik Тоҷикистон
Обуна шудан
Мақомоти умури дохилии шаҳри Душанбе аз сеҳру ҷодукории Дилафзо Бобоева дар пойтахт иттилоъ доданд

ДУШАНБЕ, 18 окт — Sputnik. Тибқи гузориши мақомоти умури дохилӣ, Дилафзо Бобоева, сокини 42-солаи ноҳияи Шоҳмансур ба сеҳру ҷоду машғул шуда, бо воситаҳои гуногун, аз ҷумла қулфу олоти гург “бахткушоӣ” мекардааст.

Маъмурини милиса ташхис кардаанд, ки дуоҳои Бобоева - ғалат, табобаташ – дурӯғ ва тумору таштобаш ба Қуръон мувофиқат намекунанд.

ВУД аз шаҳрвандон даъват намудааст, ки фирефтаи чунин афрод нагарданд, чун аъмоли онҳо хилофи ҳам шариат ва ҳам қонунгузории Тоҷикистон мебошад.

Манбаъ афзуд, ки  алайҳи Бобоева протоколи ҳуқуқвайронкунии маъмурӣ тартиб дода шуда, нисбаташ ҷазо дар намудаи ҷарима таъин гардид.

Лентаи хабарҳо
0