Истиқболи гуруҳи вакилони Думаи давлатии Русия таҳти роҳбарии Владимир Жириновский дар Қалъаи Ҳисор

Бо нону намак ва карнай зери чатри "ЛДПР": истиқболи Жириновский дар Ҳисор (АКСУ ВИДЕО)

6710
(Таҷдидшуда 14:04 31.10.2018)
Владимир Жириновский, раиси Ҳизби либерал - демократи Русия дар садри як ҳайати вакилони Думаи давлатӣ аз Қалъаи Ҳисор боздид кард

ДУШАНБЕ, 31 окт — Sputnik. Тибқи навори нашркардаи Михаил Дегтярёв, вакили Думаи давлатӣ, яке аз аъзои ҳайати Русия, Жириновский ва ҳамроҳонашро дар Қалъаи Ҳисор бо нону намак зери навои карнайу сурнай ва қатори ҷавонони миллипӯш пешвоз гирифтанд.

Михаил Дегтярёв навори истиқбол аз вакилони Думаи давлатиро дар саҳифаи фейсбукияш нашр кардааст.

 

Қаблан дафтари матбуоти Маҷлиси намояндагони Тоҷикистон иттилоъ дода буд, ки меҳмононро дар фурудгоҳ Абдуҷаббор Азизӣ, муовини аввали раиси палатаи поёнии парлумон истиқбол гирифт. 

Боздиди ҳайати меҳмонон аз қалъаи Ҳисор ва инчунин шаҳри Турсунзода ва ноҳияи Шаҳринав дар назар аст.

Боздиди Жириновский аз ангурзорҳои Шаҳринаву Турсунзода дар ҳоле дар назар аст, ки мақомоти тоҷик бисёри  меҳмонҳои воломақомро ба ин токзорҳо мебаранд. Дар ин навоҳӣ токзорҳои маъруф, аз ҷумла "Боғи Сомон", “Ҳоҷӣ Неъмат” ва “Ватан” ҷойгир мебошанд, ки ба кишоварзони шинохта – Ҳоҷӣ Неъмат Усмонов ва Камол Мадумаров тааллуқ доранд.

Инчунин ба ҳайати вакилони Русия, таҳти роҳбарии Жириновский, Осорхонаи миллии Тоҷикистон, Кохи Наврӯз ва бозори навбунёди шаҳри Душанбе – “Меҳргон”-ро нишон хоҳанд дод.

Қаблан Жириновский аз маҳсулоти кишоварзии Тоҷикистон, аз ҷумла қулфинай, ё “клубник” тавсиф карда, изҳор дошт, ки Русия бояд ба ин навъи маҳсулот, ки аз нигоҳи экологӣ тоза мебошанд, рӯй орад.

Бар асоси иттилои котиботи Маҷлиси намояндагон, 1 ноябр мулоқоти вакилони Русия таҳти роҳбарии Жириновский бо Шукурҷон Зуҳуров, раиси Маҷлиси намояндагон дар назар аст. Инчунин вохӯрӣ бо Сироҷиддин Муҳриддин, вазири умури хориҷии Тоҷикистон пешбинӣ шудааст.

Дар доираи сафари дурӯза, мулоқоти вакилон бо донишҷӯёну омӯзгорони Донишгоҳи славянии Тоҷикистону Русия тарҳрезӣ гардидааст.

 

6710
Председатель ГБАО Ёдгор Файзов

Файзов дар бораи норозигияш аз раисӣ, бузургии мардум, бемории худ ва роҳ ба ҷавонон-видео

19
Ёдгор Файзов, раиси Вилояти Мухтори Куҳистони Бадахшон мегӯяд, тайи роҳбарияш дар вилоят ягон рӯз аз раисияш розӣ набуд ва танҳо дар замони пандемия, дар бистари беморӣ хушбахтии будан бо мардумро дарк намуд

ДУШАНБЕ, 7 июл — Sputnik. Умедшо Мирзоширин, коргардони шинохтаи тоҷик, ки дар бораи кори ризокорон дар замони пандемия дар вилоят филмбардорӣ дорад, порае аз суҳбат бо Ёдгор Файзовро низ дар саҳифааш нашр кардааст.

Файзов мегӯяд, хушбахтияшро дар рӯзе дарк кард, ки гирифтори беморӣ шуду аз халқ, ки барояш ҳанӯз коре накардааст, ҳазорҳо дуо гирифт. Ӯ гуфт, фаҳмид, ки барои мардум шуда ҷон додан ҳам меарзад.

“Ҷон ҳам диҳӣ меарзад”: хушбахтии Файзов дар бистари беморӣ-навор

“Он рӯз эҳсос кардам, ки бо халқ будан, на ҳамчун раис, балки танҳо худи будан бо мардум ифтихори бузург аст. Худам ҳайрон мондам, ки охир барои мардум ман чӣ кор кардаам, ки ин қадар дастгирию дуоҳо дар ҳаққи ман мекунанд”.

Ба суол дар мавриди ҷавонон, Ёдгор Файзов изҳор дошт, ки дар Тоҷикистон 65 дарсад ҷавонанд.

Ӯ таъкид кард, ки агар майлу ҳаваси ҷавонон ба тарафе бошаду мо ҷониби дигар талош кунем, ба ҷое намерасем.

Хоҳу нохоҳ месупорем: раиси ВМКБ гуфт, ҷавононро ҷавон хуб мефаҳмад

“Хоҳу нохоҳ ҷавононро бояд фаҳмид, ба фикру хоҳишҳояшон бояд тавҷҷуҳ кард. Аз тарафи дигар ҷавононро ҷавон хуб мефаҳмад. Ман синнам таги 60 аст, барои ояндаи дурахшон бояд бо ҷавонон машаварат  кард, онҳоро фаҳмид.  Бе ҷавонон ба ҷое рафтан наметавонем, хоҳем нахоҳем, фардо месупорем”, - таъкид кард Файзов.

19
Барчаспҳо:
беморӣ, помир, Бадахшон, ВМКБ, ВМКБ, раисҷумҳур, раис, Тоҷикистон
Маҳмадҷон Ҳабибуллоев, сармураббии дастаи Регар ТадАЗ, аз чап

Маҳмадҷон Ҳабибуллоев сармураббии нави дастаи "Куктош" таъйин шуд

39
(Таҷдидшуда 12:45 07.07.2020)
Маҳмадҷон Ҳабибуллоев, мураббии муваффақ ва шинохтаи тоҷик ба вазифаи сармураббии дастаи “Куктош”-и ноҳияи Рӯдакӣ таъйин шуд

ДУШАНБЕ, 7 июл — Sputnik. Ӯ дар ин вазифа Раҳматулло Фузайловро иваз кард, хабар медиҳад сомонаи varzishtv.tj.

Ҳабибуллоеви 55-сола аз соли 2001 то 2013 дар бошгоҳи “Регар ТадАЗ” фаъолият намуда, шаш карат чемпиони Тоҷикистон (солҳои 2001, 2002, 2003, 2004, 2006, 2007, 2008), се карат барандаи Ҷоми Президенти КФО (2005, 2008, 2009) ва Ҷоми Тоҷикистон (2001, 2005, 2006) шудааст.

 Номбурда  соли 2014 дар вазифаи сармураббии “Делерон-Уротеппа”-и Истаравшан фаъолият намуда, дар соли нахуст дастаро ба зинаи сеюми ҷадвал баровард.

Ҳамчунин моҳи феврали соли 2015 як муддат тими “Равшан”-и Кӯлобро тамрин дод ва июли ҳамон сол пас аз чанд моҳи сармураббӣ шуданаш истеъфо дод.

Баъдан, худи ҳамон сол  ба вазифаи сармураббии дастаи “Ҳосилот” даъват шуда, тими мазкурро аз Лигаи якум ба Лигаи олӣ баровард, медалҳои нуқраи мусобиқаро ба даст овард.

Ӯ соли 2007 як муддат сармураббии тими миллии кишвар ва баъдан яккачини ҷавонони Тоҷикистон оид ба футбол (U-21) буд.

39
Пациенту ставят капельницу, архивное фото

Ҳушдори сарвазир аз афзоиши коронавирус дар минтақаҳо: "маводи доруворӣ захира кунед"

0
Кубатбек Боронов сарвазири Қирғизистон аз эҳтимоли зиёд шудани ҳолатҳои сироятшавӣ ба коронавирус дар манотиқҳои ин кишвар ҳушдор дод

ДУШАНБЕ, 7 июл — Sputnik. Сарвазири Қирғизистон Кубатбек Боронов дар ҷаласаи ситоди марказии ҷумҳуриявӣ гуфт, ки мақомоти минтақавӣ бояд ба афзоиши мавориди мубталошавии шаҳрвандон ба коронавирус ва ё илтиҳоби шуш омода бошанд.

Ӯ таъкид намуд, ки аз ҳоло бояд дар минтақаҳо захираи маводи доруворӣ пурзӯр карда шавад. Ҳамчунин сарвазир ба таъмин намудани минтақаҳои Қирғизистон аз табибони ҳирфаӣ таъкид кард.

269 ҳолати ҷадид ва фавти 3 маризи коронавирус дар Қирғизистон давоми як рӯз

"Дар Бишкек, бинобар шумораи зиёди маризон, беморхонаҳо зуд пур мешаванд ва дар дармонгоҳҳо кормандони тиб намерасанд. Аз ин рӯ, мақомоти минтақавӣ бояд ба ҳолати афзун шудани шумораи сироятёфтагон аз коронавирус ва илтиҳоби шуш омода бошанд. Вазъияте, ки ҳоло дар пойтахт дида мешавад, набояд дар дигар минтақаҳо такрор шавад", - афзудааст Боронов.

Зимнан, сарвазири Қирғизистон тактикаи мубориза бурдан бо коронавирус дар минтақаҳоро баён намуд:

"Таҷриба нишон дод, ки ба мо танҳо катҳои хоб лозиманд. Мо бояд ҷойҳоро барои беморони вазнин ва беморони миёна омода кунем. Барои онҳое, ки шакли сабук доранд, бояд дар утоқҳои алоҳида бистарӣ шаванд. Ҳоло дар Бишкек духтурон ва ҳамшираҳои шафқат намерасанд. Ҳамаи ин нозукиҳоро дар минтақаҳо бояд ба назар гирифт", - илова намудааст сарвазир дар ҷаласа.

Дар Қирғизистон вазъият дар робита ба паҳншавии маризии коронавирус бисёр ваҳим аст. Теъдоди қурбониёни вируси COVID - 19 дар Қирғизистон наздик ба 100 нафар расидааст. Ҳамарӯза дар ин кишвар то 500 ҳолати ҷадиди сироятшавӣ ба ин маризӣ сабт мегардад.

0
Барчаспҳо:
сарвазир, захира, маводи доруворӣ, афзоиш, маризӣ, Қирғизистон