Бинои нави ВКД: туҳфаи Раисҷумҳур ба милисаҳо дар ид

Обуна шудан
Дар арафаи таҷлили рӯзи милисаҳо дар Тоҷикистон Эмомалӣ Раҳмон, раисҷумҳури Тоҷикистон ва Рустами Эмомалӣ раиси шаҳри Душанбе дар як маросими тантанави бинои нави маъмурии ВКД Тоҷикистонро ифтитоҳ намуданд.

ДУШАНБЕ, 9 ноя — Sputnik.   Имрӯз Эмомалӣ Раҳмон ҳамроҳ бо Раиси шаҳри Душанбе Рустами Эмомалӣ дар пойтахти кишвар бинои нави маъмурии Вазорати корҳои дохилии Тоҷикистонро ифтитоҳ намуданд, иттилоъ додааст дафтари матбуоти раисҷумҳури кишвар.

Эмомалӣ Раҳмон корхонаи муштараки МАНАС-ро ифтитоҳ намуд  - Sputnik Тоҷикистон
Эмомалӣ Раҳмон дар ноҳияи Данғара дар арафаи рӯзи Сарқонун як қатор иншоот ифтитоҳ намуд

Бино бар иттилои манбаъ, бинои мазкур иборат аз 9 ошёна ва таҳхона буда, бо муосиртарин шароити корӣ ва дастгоҳу таҷҳизоти зарурӣ муҷаҳҳаз гардонида шудааст.

Корҳои сохтмонӣ дар ин иншоот соли 2016 оғоз ёфта, дар зарфи ду сол бунёд гардид.

Бинои нави маъмурӣ дорои 118 утоқи корӣ буда,бо дастгоҳу таҷҳизоти ҳозиразамон таъмин гардидааст.

Раисҷумҳури кишвар бо шароит ва утоқҳои кории бинои маъмурӣ ошно шуда, кормандонро ба хизмати софдилонаву содиқона ба нафъи халқу Ватан даъват кард.

Инчунин, Эмомалӣ Раҳмон, раисҷумҳури кишвар дар ҳамин ҷо дар вазъияти тантанавӣ ба як қатор кормандони вазорат рутбаҳои махсуси навбатиро супорид.

 

Лентаи хабарҳо
0