Озода Раҳмон, роҳбари Дастгоҳи иҷроияи раисиҷумҳури Тоҷикистон, акс аз бойгонӣ

Таъиноти кадрӣ дар дастгоҳи Президент: аз мақоми Ҷумъа Қудус то мудири "Маркази тиббӣ”

6284
(Таҷдидшуда 20:12 15.11.2018)
Эмомалӣ Раҳмон, раисиҷумҳури Тоҷикистон бо имзои қарорҳои Ҳукумат, роҳбарони корхонаю муассисаҳои навтаъсис дар назди дастгоҳи Президентро таъин кард

ДУШАНБЕ, 15 ноя — Sputnik. Тибқи қарори имзонамудаи раисиҷумҳури Тоҷикистон,  Холмаҳмад Раҳимзода, директори муассисаи давлатии “Маркази тиббӣ”-и назди дастгоҳи Президент таъин гардид.

Бо қарорҳои дигари Ҳукумат, Маликиён Ҷумъа Қудус, роҳбари муассисаи давлатии “Қароргоҳи Искандаркӯл” дар Айнӣ, Роҳбар Майдонзода, мудири КВД “Савдо ва хӯроки умумӣ”,  Ҳайдаров Сафармуҳаммад Давлатшоев, роҳбари КВД “Лучоб” дар шаҳри Душанбе, Мирзоалӣ Қаландаров, роҳбари КВД “Зиғиртӣ” дар шаҳри Сарбанд  ва Баҳром Шарифзода, роҳбари КВ “Таъмиру сохтмон”-и назди дастгоҳ таъин шудаанд.

Корхонаҳои мазкур навтаъсис буда, бо қарори Ҳукумат дар назди дастгоҳи Президент ташкил шудаанд.  

Феълан теъдоди корхонаю муассисаҳои назди дастгоҳи раисиҷумҳури Тоҷикистон ба 25 адад мерасад.

Ба ин феҳраст, аз ҷумла “Кохи Борбад”, “Кохи Ваҳдат”, “Қасри миллат”, Маҷмааи таъбу нашри “Шарқи озод”, “Китобхонаи миллӣ”, “Осорхонаи миллӣ”, “Боғи парчами миллӣ”, “Боғи ботаникии Хуҷанд”, маҷмӯи меҳмонхонаҳои Дастгоҳи иҷроия, “Боғи ботаникӣ”, “Кохи Истиқлол”, меҳмонхонаи “Истиқлол”, тарабхонаи “Чаманоро”, “Боғи миллӣ”, меҳмонхонаи “Авесто”, қароргоҳи мавзеи “Сайёд” дар Данғара ва  хоҷагии зотпарварии “Ҳисор” дар ноҳияи Фархор шомил мебошанд.

6284
Мужчина совершает молитву на кладбище

Даргузашти Фотима Ғуломова, ҳунарманди тоҷик пас аз як моҳи марги шавҳар

518
(Таҷдидшуда 22:08 01.03.2021)
Фотима Ғуломова, ҳунарманди номии тоҷик, модари коргардони тавонои тоҷик Барзу Абдураззоқов ва ҳамсари Ҳабибулло Абдураззоқов аст

ДУШАНБЕ, 1 мар – Sputnik. Фотима Ғуломова, ҳунарпешаи номдори театру синамо, модари коргардони машҳур Барзу Абдураззоқов ва ҳамсари Ҳабибулло Абдураззоқов, ҳунарманди номии театру синамо пас аз бештар аз як моҳи марги шавҳараш даргузашт.

Фотима Ғуломова, ҳунарманди номии тоҷик
Акс аз саҳифаи фейсбукии Хуршед Мустафоев
Фотима Ғуломова, ҳунарманди номии тоҷик

Аз даргузашти ҳунарпеша корбарони шабакаҳои иҷтимоӣ, ҳаводорони саҳна ва дӯстони фарзандаш Барзу Абдураззоқов хабар додаанд.

Писари дигари ҳунарманд Шаҳбоз Абдураззоқов ин хабарро тасдиқ карда, гуфтааст, модараш дар пайи беморӣ ҷон ба Ҷонофарин супурд.

Фотима Ғуломова 87 сол дошт ва бештар аз 40 сол дар саҳнаи Театри давлатии академии драмавии ба номи Лоҳутӣ фаъолият карда буд.

Фарзандонаш Барзу Абдураззоқов, коргардони тавонои тоҷик, корманди идораи Созмони Милал Шаҳбоз Абдураззоқов ва проффессори Консерваторияи Шветсия Ниссор Абдураззоқов ҳастанд.

Ӯ дар намоишҳои "Бой ва ғулом", "Шоҳ Лир", "Рӯдакӣ", "Рустам ва Суҳроб", "Мо аз боми ҷаҳон" нақшҳои асосӣ ва хотирмонро бозидааст.

Хомушии ситораи дигар: нақшҳои беҳтарини Ҳабибулло Абдуразоқов – видео

Марги Фотима Ғуломова дар ҳолест, ки ҳанӯз бештар аз як моҳ қабл, 19 январ ҳамсараш, ҳунарманди тавонои синамо ва театр Ҳабибулло Абдураззоқов даргузашта буд.

518
Эмомали Рахмон и Си Цзиньпин

Ваксинаи ройгони Чин: Раҳмон изҳори сипос кард

629
(Таҷдидшуда 22:04 01.03.2021)
Чин изҳор доштааст, ки омода аст Тоҷикистонро бо ваксинааш бепул таъмин кунад

ДУШАНБЕ, 1 мар – Sputnik.  Эмомалӣ Раҳмон, раисҷумҳури Тоҷикистон дар рафти сӯҳбати телефонӣ бо роҳбари Чин Си Ҷинпин барои омодагии Чин ба пешниҳоди ваксини ройгонаш ба Тоҷикистон изҳори сипос кардааст.

Тавре дафтари матбуоти раисҷумҳури Тоҷикистон хабар медиҳад, дар ҷараёни суҳбат ҷонибҳо самтҳои мубрами ҳамкориҳои дуҷонибаро дар доираи муносибатҳои шарикии ҳамаҷонибаи стратегии  Тоҷикистон ва Чин  муҳокима карданд.

Гуфта мешавад, масъалаҳои густариши ҳамкориҳои тиҷоративу иқтисодӣ, нақлиёт ва соҳаи кишоварзӣ, инчунин қадамҳои минбаъдаи муштарак дар ин самт ва бо мақсади коҳиш додани шиддати таъсири бӯҳрони натиҷаи пандемия баррасӣ шуданд.

Эмомалӣ Раҳмон ба Си Ҷинпин миннатдории Тоҷикистонро барои кӯмак ва дастгирӣ дар рафъи оқибатҳои пандемия, аз ҷумла омодагии Ҳукумати Чин барои ба Тоҷикистон ба таври ройгон додани  ваксинаи зиддивирусии истеҳсоли Чин иброз доштааст.

Ҷонибҳо ҷиҳати рушди минбаъдаи вазъи вобаста ба пандемия дар ду кишвар дар маҷрои муътадилгардонии устувори он изҳори умед намуданд.

Сарони  давлатҳо ҷонибдории худро аз рушди минбаъдаи робитаҳои фарҳангию гуманитарии Тоҷикистону Чин ва омодагии тарафҳоро ҷиҳати таҳкими ҳамкориҳои   судманд дар соҳаи амният изҳор карданд.

Раиси Ҷумҳурии Мардумии Чин муҳтарам Си Ҷинпин мардуми Тоҷикистонро ба муносибати  ҷашни Наврӯз табрик гуфтааст.

Тоҷикистон аз Чин чанд пул қарздор аст

Дар анҷоми суҳбат ҷонибҳо бори дигар тасмими худро оид ба пешбурди минбаъдаи муштараки рушди тамоми самтҳои муносибатҳои Тоҷикистону Чин дар рӯҳияи дӯстӣ, ҳамсоягии нек ва эътимоди тарафайн, таъйид карданд.

629
Барчаспҳо:
Си Ҷинпин, Эмомалӣ Раҳмон, Чин, Тоҷикистон