Кубок ФК Истиклол по мини-футболу. Архивное фото

Ифтитоҳи иншоотҳои гуногун аз тарафи соҳибкорони маҳалии ноҳияи Ашт

67
Дар ноҳияи Ашт Бахшида ба Рӯзи Президенти Тоҷикистон ва ифтитоҳи нахустин чархаи НБО-и "Роғун" аз тарафи соҳибкорони маҳаллӣ иншоотҳои гуногун ба истифода супорида шуд

ДУШАНБЕ, 19 ноя — Sputnik.  Бахшида ба Рӯзи Президенти Тоҷикистон ва ифтитоҳи нахустин чархаи НБО-и "Роғун" дар ноҳияи Ашт 10 иншооти ҷашнӣ ба истифода дода шуд.

Дар ин рӯз бо иштироки Ёрдамчии Президенти Ҷумҳурии Тоҷикистон оид ба масъалаҳои иқтисодӣ Ашурбой Солеҳзода, муовини Раиси вилояти Суғд Анвар Яъқубӣ ва роҳбарияти ноҳия дар маҳаллаи Ровакони Ҷамоати шаҳраки Шайдон майдончаи хурди варзишӣ, ки ба маблағи 110 ҳазор сомонӣ аз тарафи соҳибкори маҳаллӣ Пайрав Манозимов бунёд шудааст, ифтитоҳ гардид.

Дар Ҷамоати шаҳраки Шайдон низ як майдончаи варзишӣ ва бозии бачагона, ки бо харҷи 650 ҳазор сомонӣ аз тарафи соҳибкори бурунмарзӣ Муродҷон Мамадҷонов сохта шудааст, ба истифодаи мардум вогузор шуд.

Ҳамзамон дар деҳаи Марҳамати Ҷамоати деҳоти Ошоба туйхона, дар деҳаи Аппони Ҷамоати деҳоти Ошоба мағозаи хӯрокворӣ ва кошонаи ҳусн, дар деҳаи Янгиободи Ҷамоати деҳоти Ориён 4 синфхонаи иловагӣ, дар Ҷамоти деҳоти Пунук хонаи саломатӣ, чойхона, маркази савдо, бозорча ва мағоза ба истифода супорида шуд.

67
Барчаспҳо:
Суғд, Ашт, маҳаллӣ, соҳибкор, майдонҳои варзишӣ, Тоҷикистон
 Председатель Согдийской области Раджаббой Ахмадзода

Чаро раиси нави Бодканд ба Аҳмадзода занг зад

138
(Таҷдидшуда 10:04 07.03.2021)
Дар ҳамин ҳол, интизор меравад раисҷумҳури Қирғизистон Содир Ҷабборов бо сафари расмӣ ба Тоҷикистон равад

ДУШАНБЕ, 7 мар – Sputnik. Раиси тоза мансубшудаи вилояти Бодканд Омурбек Субҳоналиев бо раиси вилояти Суғд Раҷаббой Аҳмадзода сӯҳбати телефонӣ анҷом додааст.

Тавре "Парс тудей" менависад, Субҳоналиев ҳамчунин бо раиси вилояти Фарғонаи Ӯзбекистон сӯҳбат кардааст.

Гуфта мешавад, ӯ дар тамоси телефонӣ бо руасои вилоятҳои Суғди Тоҷикистон ва Фарғонаи Ӯзбекистон авзо дар марзҳои муштараки ин се кишвари ҳамсояро баррасӣ кард.

"Омурбек Субҳоналиев дар тамоси телефонӣ бо Раҷаббой Аҳмадзода раиси вилояти Суғди Тоҷикистон ва Хайруллоҳ Бозоров раиси вилояти Фарғонаи Ӯзбекистон дар бораи зарурати ҳифзи оромиш ва амният дар манотиқи марзӣ баҳсу табодули назар кард.", - менависад манбаъ.

Ҳамчунин мавзӯи густариши равобити иқтисодӣ ва тиҷорӣ, ҳамлу нақл ва транзит, об ва энергетика ва бозорчаҳои муштараки марзӣ аз дигар мавзӯоти ин тамоси телефонӣ буд. 

Раиси тоза мансуб шудаи вилояти Бодканд қаблан низ бар зарурати поён додани ба қочоқи сӯхт дар марз бо Тоҷикистон  таъкид карда буд  ва инак мақомоти Бишкек барои ҷилавгириӣ аз ин раванд ба минтақаи марзии Қирғизистон бо Тоҷикистон нерӯи низомӣ эъзом кардаанд, ки ин рӯйдод муҷиби афзоиши қиммат бензину гозоил дар Тоҷикистон шудааст. 

Аҳмадзода: оини ҳамсоядориро нигоҳ медорем, як ваҷаб заминро ноҳақ ба касе намедиҳем

Аз сӯи дигар Садир Ҷабборов раиси ҷумҳурии Қирғизистон ахиран эълон кардааст, ки барои дидор ва гуфтугӯ бо мақомоти Тоҷикистон дар бораи аломат гузории марзҳо ба Душанбе сафар хоҳад кард. 

138
Барчаспҳо:
марз, Ворух, Бодканд, Қирғизистон, Тоҷикистон
Цветы в городе Душанбе

Ҳаво 8 март дар Тоҷикистон чигуна мешавад

61
(Таҷдидшуда 09:19 07.03.2021)
Аз рӯйи маълумоти мутахассисони Агентии обуҳавошиносии мамлакат, дар Рӯзи Модар Тоҷикистонро ҳавои бебориш интизор аст.

ДУШАНБЕ, 7 мар – Sputnik.  Имрӯз ҳаво дар шаҳри Душанбе қисман абрнок шуда, борон меборад.  8 март ҳаво тағйирёбандаи бебориш мешавад.

Шамол аз самти ғарб бо суръати 3-8 метр дар як сония мевазад. Дар ин рӯз ҳаво шабона 3+5 ва рӯзона 15+17 дараҷа гарм мешавад, менависад "Ховар" дар истинод ба агнетии обуҳавошиносӣ.

Дар Вилояти Мухтори Кӯҳистони Бадахшон 7 март ҳавои тағйирёбанда шуда, дар ноҳияҳои ғарбии вилоят боридани  борон ва барф дар назар аст.  8 март ҳаво тағйирёбандаи бебориш мешавад.

Шамол аз самти ғарб бо гузариш ба шарқ бо суръати 3-8 метр дар як сония мевазад. Ҳаво дар ғарби вилоят шабона ва рӯзона 3+8 дараҷа гарм  мешавад.

Дар шарқи вилоят ҳаво шабона аз 18-23 то 26-31 дараҷа хунук ва рӯзона аз 1-6 то 7-12 дараҷа хунук мешавад.

Ҳаво дар вилояти Суғд 7 март тағйирёбанда шуда, дар баъзе ноҳияҳо борони бошиддат меборад.  Боридани жола аз эҳтимол дур нест.

8 март ҳавои камабр ва тағйирёбандаи бебориш дар назар буда, дар баъзе ноҳияҳо туман мефарояд. Шамол аз самти ғарб бо гузариш ба шарқ бо суръати 3-8 метр дар як сония мевазад. Ҳаво дар водиҳо шабона 3+8 ва рӯзона 12+17 дараҷа гарм мешавад.

Дар вилояти Xатлон 7 март ҳаво тағйирёбанда шуда, дар ноҳияҳои алоҳида борони кӯтоҳмуддат меборад.  Дар баъзе ноҳияҳо бориши борон  бошиддат шуда, ба амал омадани жола аз эҳтимол дур нест.

8 март дар ин вилоят ҳаво камабри бебориш  мешавад. Дар ноҳияҳои доманакӯҳӣ туман мефарояд. Шамол аз самти ғарб бо гузариш ба шарқ бо суръати 3-8 метр дар як сония мевазад.

Ҳарорати ҳаво дар водиҳо шабона 4+9 ва рӯзона 18+23 дараҷа гарм мешавад. Дар ноҳияҳои доманакӯҳӣ ҳаво шабона аз 1 дараҷа хунук то 4 дараҷа гарм ва рӯзона 10+15 дараҷа гарм мешавад.

7 март дар ноҳияҳои тобеи марказ ҳаво тағйирёбанда шуда, борон меборад. 8 март ҳавои камабр ва тағйирёбандаи бебориш мешавад. Ҳарорати ҳаво дар водиҳо шабона 3+8 ва рӯзона 13+18 дараҷа гарм мешавад.

61
Барчаспҳо:
Рӯзи модар, ҳаво, Тоҷикистон

Ин хелашро надида будед: сӯхтор дар рӯди Об - навор

0
Падидаи бесобиқа - оташсӯзӣ дар миёнаи дарё - аз ҷониби шоҳидон, ки дар соҳили рӯди Об сайди моҳидорӣ доштанд, ба навор гирифта шуд

Дар Русия дарёе оташ гирифт: наворе аз шоҳидони ҳодиса дар саросари интернет паҳн шуд.

Тавре ки маълум шуд, дар ин сӯхтар омехтаи пропан-бутан дар ҳудуди тақрибан аз 120 то 200 метр оташ гирифтааст.  Он маҳлул аз лӯлаи об, ки аз қаъри дарё мегузарад, хориҷ шудааст.

Бино бар маълумоти пешакӣ, сабаби оташ гирифтани маҳлул шарораи мошини барфи яке аз моҳидорон будааст.

Хаӣбар дода мегавад, ки дар натиҷаи ҳодиса як мард ҷароҳат бардоштааст.

Сӯхтор дар Бозори "Султони Кабир" - видео

Сӯхор бартараф карда шуда, худи ҳамон шаб маҷрои лӯлуро муваққатан бозистонданд.

0
Барчаспҳо:
Русия, рӯд, сӯхтор