Встреча главы верхней палаты парламента Таджикистана Махмадсаида Убайдуллоева с узбекским коллегой Нуридинджон Исмоилов

Узбакистон мехоҳад ҳамкориҳои судмандашро бо Тоҷикистон тақвият бахшад

141
Маҳмадсаид Убайдуллоев бо ҳайати баландпояи парлумони Узбакистон масоили рушди муносибатҳои иқтисодию тиҷоратӣ дар соҳаҳои мухталифро баррасӣ намуданд

ДУШАНБЕ, 21 ноя — Sputnik. Раиси Палатаи қонунгузории Олии Маҷлиси Узбакистон Нурдинҷон Исмоиловро,  бо раиси Маҷлиси миллии Маҷлиси Олии Тоҷикистон Маҳмадсаид Убайдуллоев мулоқот намуд, иттилоъ додааст дафтари матбуоти Маҷлиси миллии Маҷлиси Олии Тоҷикистон.

Бино бар иттилои манбаъ, зимни мулоқоте, ки 20 ноябри соли равон баргузор шуд, раиси Маҷлиси миллии Маҷлиси Олии Тоҷикистон бо қаноатмандӣ таъкид намуд, ки бо  ташаббусҳои роҳбарони Узбакистону Тоҷикистон муносибатҳои гуногунҷабҳаи ду кишвар беш аз пеш тавсеа, тақвият, таҳким ва рушд намуда, барои пешрафти пайвастаи соҳаҳои гуногуни иқтисодию иҷтимоии кишварҳоямон саҳми беназир мегузоранд.

Маҳмадсаид Убайдуллоев такон бахшидани фаъолияти гуруҳҳои дӯстӣ ва комиссияҳои ҳамкории байнипарламентиро дар татбиқи созишномаю қарордодҳои баимзорасонида, муҳим арзёбӣ намудаааст.

"Парламентҳои кишварҳо барои ташкили заминаи мусоиди ҳуқуқӣ барои рушди муносибатҳои иқтисодию тиҷоратӣ дар соҳаҳои мухталиф чораҳои муассир хоҳанд андешид", - таъкид намудааст Маҳмадсаид Убайдуллоев.

Дар навбати худ зимни мулоқот Нурдинҷон Исмоилов бо қаноатмандӣ аз барқарор гардидани муносибот, бахусус дар бахши гидроэнергетика ва ба истифодадиҳии нахустин агрегати Нерӯгоҳи барқии обии “Роғун”, ёдовар шуд.

Вай гуфт, ки Узбакистон омода аст баҳри татбиқи ҳадафҳои мутақобилан судманд қадамҳои боз ҳам устувор ниҳода, бо истифода аз тамоми имкониятҳо, аз ҷумла тавассути гуруҳҳои дӯстӣ ва комиссияҳои байнипарламентии тарафҳо тадбирҳои мушаххасро ба анҷом мерасонад.

Дар мулоқот тарафҳо бо истифода аз дипломатияи парламентӣ омодагии худро барои истифодаи самараноки он дар доираи созмонҳои байналмилалию минтақавӣ ҷиҳати ҳифзи манфиатҳои миллӣ зикр намуданд.

Инчунин манбаъ таъкид намудааст, ки сафари ҳайатҳои парлумонии ҳарду кишвар дар оянда идома ёфта, барои ба сатҳи баланд расидани ҳамкорию робитаҳои гуногунҷанба нақши муассир хоҳад гузошт.

141
Барчаспҳо:
тақвият, душанбе, Парлумон, ҳамкорӣ, Узбакистон, Тоҷикистон
Новая эстакада в Душанбе

Бе ҳуҷҷати ронандагӣ ва бо суръати баланд: садама дар эстакадаи Душанбе - видео

317
Ронандаи 30 - сола, ки воситаи нақлиёташро бо суръати баланд меронд, нахуст ба монеасанги канори роҳ ва сипас ба поясутуни симчӯб бархӯрда автомашинаашро чаппа кард

ДУШАНБЕ, 14 авг — Sputnik. Раёсати Вазорати умури дохили дар шаҳри Душанбе, навор аз як садамаи нақлиётӣ дар эстакадаи пойтахтро шарҳ дод. Навори мазкур чанде пеш ба шабакаҳои иҷтимоӣ роҳ ёфт ва мавриди баҳси корбарон қарор гирифт.

Зимнан, кормандони пулис ронандаи автомашинаеро, ки пас аз бархӯрдан ба монеасанги канори роҳ ва поясутуни симчӯб чаппа шуда буд, дастгир намуданд.

Дастгиршуда Оев Қосими 30 - сола, сокини шаҳри Душанбе буда, санаи 13-уми август, тақрибан соатҳои 15:00 дақиқа ҳангоми ҳаракат аз кӯчаи Н.Махсум ба тарафи кӯчаи Б.Ғафуров дар рӯ ба рӯи истгоҳи воситаҳои нақлиёти мусофирбар, аз уҳдаи идораи воситаи нақлиёт набаромада, ба монеасанги (бардюр) канори роҳ ва сипас ба бетони поясутуни симчӯб бархӯрда, автомашинаи худро чаппагардон кард.

Садама дар шоҳроҳи Душанбе-Хуҷанд: ВУД аз қурбонии ҳодиса гуфт

Манбаъ меафзояд, дар садамаи мазкур касе осеби ҷиддӣ надид.

Зимни пурсиш маълум гардид, ки  ронанда бидуни ҳуҷҷати ронандагӣ худравашро бо суръати ниҳоят баланд идора мекард, ки дар натиҷа ба садама дучор шуд.

РВУД дар шаҳри Душанбе мегӯяд, вобаста ба ҳолати мазкур маводҳои лозима тартиб дода шуда, таҳқиқ дар ин самт ҷараён дорад.

317
Преступник за решеткой

Аз мошину бӯстонсаро то 5 зану 10 фарзанд: Эшон аз Данғара марди чиниро фиреб дод - навор

334
(Таҷдидшуда 18:33 14.08.2020)
Эшонқул Зоиров,  аз ҳисоби маблағҳои шарики чинияш барои худ шаш мошини хориҷӣ бо арзиши 190 ҳазор доллар, чорвои хурд, 15 ҳазор доллар аспи бузӣ, 25 ҳазор доллар мебел, ва беш аз ним миллион доллари дигарашро дар Душанбею Варзобу Данғара манзилу бӯстонсаро харидааст.

ДУШАНБЕ, 14 авг — Sputnik.  Вазорати умури дохилии Тоҷикистон аз боздошти Эшонқул Зоиров, мулаққаб ба Эшон сокини Данғара хабар медиҳад, ки барои қаллобӣ ба маблағи наздики 2 миллион доллар муттаҳам мешавад.

Тибқи гузориши телевизионии ВКД Эшонқул Зоиров соли 2017 бо шаҳрванди Чин Ли Хо Фу шинос шуда, якҷоя ҷамъияти масъулияташ маҳдуд (ҶММ)-и истихроҷи маъданҳои кӯҳии Тоҷикистону Хитойро таъсис дода, худашро раҳбару шарикашро муовин таъйин намудааст.

Ба иттилои манбаъ, Зоиров бо роҳи фиреб ба боварии Ли Хо Фу даромада, ба ӯ ваъда медиҳад, ки иҷозатномаи истихроҷи тилло ва ба расмият даровардани ҳуҷҷатҳои заруриро аз ҳукумати Тоҷикистон мегирад.

Ӯ тайи солҳо 2017 то моҳи майи 2020 аз шаҳрванди Чин 1 миллиону 602 ҳазору 927 доллар гирифта, ба эҳтиёҷоти шахсияш сарф кардааст.

Дар гузориши видеоӣ худи ҷабрдида Ли Хо Фу низ изҳор дошт, ки сар аз соли 2017 Эшон бо баҳонаи гирифтани иҷозатномаи барои коркарди кони тилло аз ӯ беш аз 1 миллиону 600 ҳазор доллар гирифт, аммо то ҳануз онро нагирифтаанд.

Ба иттилои манбаъ, боздоштшуда аз ҳисоби маблағҳои шарики чинияш барои худ шаш мошини хориҷии гаронбаҳо бо арзиши беш аз 190 ҳазор доллар,  8,5 ҳазо доллар чорвои хурд, 15 ҳазор доллар аспи бузӣ, 25 ҳазор доллар мебел, ва беш аз ним миллион доллари дигарашро дар Душанбею Варзобу Данғара манзилу бӯстонсаро харидааст.

Зоиров Эшонқул баъди оне аз сӯи кормандони пулиси ноҳияи Лахш боздошт мешавад, бо мақсади тарсондани шаҳрвандони Хитой ва барнагардондани маблағҳои гирифтааш санаи 8 майи соли 2020 ҳангоми дар деҳаи Қандоби ҷамоати Муксуи ноҳияи Лахш қарор доштанаш аз рӯи ҳиссиёти авбошӣ ба тарафи Ву Ли Гуа ва шаҳрванди Қирғизистон Баги Эдир аз милтиқи шикории ду маротиба тир холӣ кардааст, ки дар натиҷа Ву Ли Гуа зарари ҷисмонӣ бардоштааст, афзудааст манбаъ.

Гуфта мешавад, замони баррасии парвандаи ӯ маъмурини пулис панҷ ҳолати дигари фиребкориҳояшро ошкор кардаанд.

ВУД мегӯяд, Зоиров Эшонқул бо баҳонаи тиҷорати муштарак аз Тоҷиддинов Амонхӯҷа, сокини Исфара 10 ҳазор доллар, аз Ибрагимов Илҳомҷон сокини Хуҷанд барои ҳуҷҷатгузории замини мағоза 12 ҳазор доллар гирифта, ҷои замини мағоза аз Қирғизистон як сар аспи бузкашӣ барои худ харидааст.

Боздоштшуда ҳамчунин аз Мирзоҳотам Абдуҳакимович, сокини ноҳияи Бобоҷон Ғафуров ба маблағи 32 ҳазор сомонӣ тунука гирифта, моҳи июни соли 2019 бо роҳи фиреб ба боварии сокини Душанбе Давлатов Фахриддин даромада, ба маблағи 213 ҳазор сомонӣ ва 41 ҳазор доллар ва аз сокини Ёвон Кенҷаев Қурбон 86 ҳазор доллар пули ангишт гирифта ба фоидаи худаш сарф кардааст.

Вазорат мегӯяд Зоиров дар умум беш аз  1,6 миллион доллар ба шаҳрвандони чинӣ ва 180 ҳазор доллар шаҳрвандони Тоҷикистон зарари молӣ расондааст.

Худро корманди Кумитаи замин мегуфт: боздошти 2 нафар ба иттиҳоми қаллобӣ

Эшонқул Зоиров сар аз соли 2014 то моҳи майи соли ҷорӣ  ба ғайр аз ҳамсари қонунияш 4 занро тариқи мусалмонӣ ба никоҳи худ даровардааст, ки дутои он шаҳрвандони Қирғизистону Чин ва дигарон шаҳрвандони Тоҷикистон буда, аз онҳо соҳиби 10 фарзанд мебошад, афзудааст манбаъ.

Ин ниҳод мегӯяд алайҳи Зоиров Эшонқул бо ду моддаи 237 (авбошӣ) ва 247 (қаллобӣ) парванда оғоз шуда, номбурда ҳоло дар ҳабси пешакӣ қарор дорад.

334

Таҳдиди навбатии Амрико ба Русия: Помпео ваъда дод, Маскав ҷазоӣ сахт мегирад

0
(Таҷдидшуда 18:53 14.08.2020)
Котиби давлатии Амрико ҳушдор дод, ки агар “созиши Маскав ва Толибон” тасдиқ ёбад, Русияро рӯзҳои сахт интизор аст

Майк Помпео, котиби давлатии Амрико таъкид кард, ки агар тасдиқ шавад, ки русҳо барои қатли сарбозони Амрико пул пешниҳод мекардааанд, Русияро ҷазоӣ сахт интизор аст.

“Агар русҳо барои қатли сарбозони Амрико ва мардуми Ғарб пул пешниҳод кунанд, онҳо арзиши гаронеро хоҳанд супорид. Инро ман ба вазири умури хориҷаи Русия Сергей Лавров расондам. Ман хабар дорам, ки низомиёни мо бо роҳбарияти низоимии Русия низ дар ин бора гуфтугӯ доштанд. Мо таҳаммули инро надорем”, - гуфт Майк Помпео.

Дар ҳамин ҳол, Сергей Лавров, вазири хориҷаи Русия таҳдидҳои Амрикоро ба вазъи сиёсии дохилии ин кишвар рабт дод.

Вай гуфт, дар арафаи интихобот ҳукумати Трамп дар баробари демократҳо мехоҳад аз “корти Русия” истифода кунад

Ёдрас мешаҷвем, ки нашрияи “The New York Times” бо такя ба манобеи дар хадамоти махсуси Амрико рӯзи 26-уми июн хабар дода буд, ки мақомоти Русия ба гурӯҳи Толибон барои куштани сарбозони нерӯҳои эътилоф таҳти сарварии Амрико дар Афғонистон пул пешниҳод мекардааст.

Нашрияи “The Times” навиштааст, ки Толибон ва ё “гурӯҳҳои мусаллаҳи ҷиноии алоқаманд ба онҳо” як қисми пулро дастрас кардаанд. Аммо дар гузориш гуфта мешавад, ки рӯшан нест, ки ин пардохтҳо ба 20 сарбози кушташудаи амрикоӣ дар соли гузашта дар Афғонистон рабт дорад, ё не.

Иддао Амрико дар ҳолест, ки ин кишвар пас аз имзои созишномаи сулҳ бо Толибон дар моҳи феврал тасмим гирифтааст, ки соли оянда сарбозонашро аз хоки Афғонистон берун кунад.

Нашрияи “The Times” навиштааст, ки мақомоти Амрико намедонистанд, ки то чӣ андоза амалиёти пинҳонии ҳукумати Русия тасдиқ шудааст ва он чӣ ҳадафро дунбол мекунад.

Мақомоти Русия ин иттиҳоми навбатиро “бепояву беасос” хонд.

0
Барчаспҳо:
Толибон, Маскав, таҳдид, Русия, Амрико