Фуры на трассе, архивное фото

Барфи зиёд аст: ҳаракати "Фура"-ҳо дар шоҳроҳи Душанбе-Чаноқ мамнӯъ шуд

103
Феълан кормандони намояндагии ширкати IRS роҳро аз барф тоза мекунанд ва бо маводи зиддилағжиш коркард мекунанд

ДУШАНБЕ, 22 ноя — Sputnik. Дар шоҳроҳи Душанбе-Чаноқ ҳаракати нақлиёти боркаши присепдор ва "Фура" муваққатан мамнӯъ шуд, хабар медиҳад намояндагии ширкати IRS дар Тоҷикистон.

Бино бар иттилои манбаъ, ин иқдомро ширкат ба хотири бехатарии ҳаракати дигар воситаҳои нақлиёт дар роҳ пеш гирифтааст.

Гуфта мешавад, дар ҳудуди шоҳроҳ боришоти бошиддат ва беисти барф идома дорад, ки вазъиятро печидатар мегардонад.

"Айни замон коркарди роҳ бо маводи зиддилагжиш ва тоза кардани он аз барф босуръат ҷараён дошта, кормандони филиали ширкат тамоми кӯшишҳоро ба харҷ дода истодаанд, то ҳаракати воситаҳои нақлиёт таъмин бошад", - менависад IRS.

Пештар Агентии обуҳавошиносии Тоҷикистон низ барои имрӯз ҳавои тағйирёбанда ва боришнок пешбинӣ карда буд. Ба иттилои манбаъ, дар бештари минтақаҳо бориши борон дар назар буда, дар минтақаҳои баландкӯҳ бориши барф пешбинӣ карда мешавад.

Дертар ширкат хабар дод, ки тамоми мамноятҳоро бартараф кардааст ва ҳаракати нақлиётҳои дар боло зикргардида иҷозат дода шуданд. IRS аз ронандагон хоҳиш мекунад, ки қоидаҳои ҳаракатро қатъият риоя кунанд.

103
Инветиционный форум между предпринимателями Узбекистана и Таджикистана

Дар Душанбе миёни Тоҷикистону Ӯзбекистон 15 созишномаи нави ҳамкорӣ ба имзо расид

7
(Таҷдидшуда 14:36 30.09.2020)
Дар Душанбе Форуми сармоягузории Тоҷикистону Ӯзбекистон баргузор гардид, ки дар чаҳорчӯби он доираҳои тиҷоратии ду кишвар қарордодҳои нав ба имзо расониданд

ДУШАНБЕ, 30 сен — Sputnik. Бино бар иттилои дафтари матбуоти Кумитаи давлатии сармоягузорӣ ва идораи амволи давлатии Тоҷикистон форуми мазкур дар доираи ҷаласаи 7-уми Комиссияи байниҳукуматии Тоҷикистон ва Ӯзбекистон оид ба ҳамкории тиҷоратию иқтисодӣ баргузор шуд.

Гуфта шудааст, ки дар форуми мазкур беш аз 300 нафар соҳибкорони ӯзбекистону Тоҷикистон, аз ҷумла роҳбарони мақомоти давлатӣ, корхонаву ташкилоти давлатӣ, сармоягузорон ва намояндагони бахши хусусии ду кигшвар ширкат варзиданд.

Ҳамзамон манбаъ зикр намудааст, ки ҷониби Тоҷикистон ба меҳмонон дар бораи фазо ва имкониятҳои  сармоягузорӣ дар соҳаҳои сайёҳӣ, саноат, энергетика, хизматрасонӣ ва дигар соҳаҳо дар Тоҷикистон пурра маълумот дода шуд.

Сипас ҷонибҳо лоиҳаҳои муштараки ҳамкориро баррасӣ намуданд.

Пас аз анҷоми қисмати расмии Форум вохӯриҳои дуҷонибаи соҳибкорон дар шакли “Соҳибкор бо Соҳибкор” (B2B) доир гардида, аз рӯйи натиҷаҳои он санадҳои нави ҳамкорӣ  мувофиқа ва ба имзо расонида шуданд.

Бино ба маълумоти Кумитаи давлатии сармоягузорӣ ва идораи амволи давлатии Тоҷикистон, дар доираи форум аз ҷониби субъектҳои бахши давлатӣ ва хусусии ҳар ду ҷониб 15 созишномаи ҳамкорӣ ба маблағи 50 миллион доллар созишномаҳо ба имзо расиданд, ки қариб ҳамаи соҳаҳои ҳамкории иқтисодиро фаро мегиранд.

7
Барчаспҳо:
ҳамкорӣ, созишнома, доираҳои тиҷорӣ, сармоягузорӣ, Форум, тиҷорат, Ӯзбекистон, Тоҷикистон
Президент Таджикистана Эмомали Рахмон

Ифтитоҳи боз як боғи Исмоили Сомонӣ: Раҳмон барои сокинон боғи навро ба истифода дод

97
(Таҷдидшуда 14:07 30.09.2020)
Дар идомаи сафари корӣ дар ноҳияи Шаҳринав имрӯз Президенти Тоҷикистон Эмомалӣ Раҳмон дар маркази ноҳияи Шаҳринав ҳамчунин боғи фарҳангӣ-фароғатии Шоҳ Исмоили Сомониро ифтитоҳ кард

ДУШАНБЕ, 30 сен — Sputnik. Бино бар иттилои дафтари матбуоти раисҷумҳур, иншооти мазкур аз ҷониби мақомоти ноҳияи Шаҳринав дар якҷоягӣ бо соҳибкорону шахсони саховатпеша дар масоҳати умумии 1,98 гектар бунёд шудааст.

Гуфта шудааст, ки корҳои сохтмонӣ ҳанӯз аввали соли равон оғоз гардида, иншоот дар муддати кӯтоҳ ва бо сифати баланд ба итмом расонида шуд.

“Инчунин дар ҳамин боғ Эмомалӣ Раҳмон ҳамчунин аз пайкараи тозабунёди Асосгузори аввалин давлати тоҷикон - Шоҳ Исмоили Сомонӣ пардабардорӣ намуданд”, - қайд кардааст манбаъ.

Тибқи маълумоти дафтари раисҷумҳур пайкараи Шоҳ Исмоили Сомонӣ бо дарназардошти зерибиноаш 5 метрро ташкил дода, он аз ҷониби рассом, ҳайкалтарош Сафарбек Қосимов таҳия шудааст.

Таъкид гардидааст, ки боғи Исмоили Сомонӣ дар ноҳияи Шаҳринав яке аз маконҳои асосии баргузории ҷашну чорабиниҳои давлатию миллӣ ба ҳисоб рафта, ҳамчунин барои истироҳату фароғати сокинон имконоти мусоид фароҳам гардидааст.

Ҳамзамон Президенти кишвар аз намоиши ҳунарҳои мардумӣ ноҳия дидан кард.

Инчунин манбаъ қайд кардааст, ки дар ноҳияи Шаҳринав то истиқболи  ҷашни 30 — солагии Истиқлолият бунёди беш аз 434 иншоот ба нақша гирифта шудааст.

Зикр шудааст, ки то ба имрӯз аллакай 285-тои он мавриди истифода қарор дода шуда, дар боқимонда иншоот корҳои сохтмонӣ бомаром идома доранд.

97
Барчаспҳо:
ифтитоҳ, Исмоили Сомонӣ, "Шаҳринав", боғ, Эмомалӣ Раҳмон, Тоҷикистон