Тағйироти кадрии Эмомалӣ Раҳмон аз ноҳияи Данғара то шаҳри Душанбе
ДУШАНБЕ, 23 ноя — Sputnik. Имрӯз раиҷумҳур Эмомалӣ Раҳмон бо натиҷагирӣ аз фаъолияти роҳбарони баъзе вазорату идора ва раисони шаҳру ноҳияҳои мамлакат тағйироти кадрӣ ба амал баровард, хабар медиҳад дафтари матбуоти президент.
Бо Фармонҳои Президенти Ҷумҳурии Тоҷикистон раисони ноҳияҳои Рӯдакӣ, Тоҷикобод, Данғара, Ховалинг ва ноҳияи Фирдавсии шаҳри Душанбе аз вазифаҳояшон озод гардиданд.
Мутобиқи моддаи 69 Конститутсияи Ҷумҳурии Тоҷикистон Юсуфӣ Муҳаммадраҳим – иҷрокунандаи вазифаи раиси ноҳияи Фирдавсии шаҳри Душанбе, Акрамзода Рустам – иҷрокунандаи вазифаи раиси ноҳияи Рӯдакӣ, Маҳмадшозода Ҳамидулло Ғайратшо – иҷрокунандаи вазифаи раиси ноҳияи Тоҷикобод, Раҳмон Исломиддин Хайриддин – иҷрокунандаи вазифаи раиси ноҳияи Данғараи вилояти Хатлон ва Акрамзода Парвиз Акрам – иҷрокунандаи вазифаи раиси ноҳияи Ховалинги вилояти Хатлон таъйин гардиданд.
Иктишофи нафту гази Тоҷикистон: танҳо ду ширкат, ҳарду ҳам кор намекунанд
(Таҷдидшуда 17:08 16.07.2020)
Дар Тоҷикистон танҳо ду ширкат бо иктишофи нафту газ машғуланд, ки ҳар ду ҳам дар ҳоли ҳозир кор намекунанд ДУШАНБЕ, 16 июл — Sputnik. Миралӣ Ташрипов, Саридораи геологияи назди ҳукумати Тоҷикистон зимни нишасти матбуотии ин ниҳод гуфт, дар Тоҷикистон танҳо ду ширкат – “Бохтар Оперейшн Компани” (BOC) ва “Сомон Ойл” – иҷозатномаи омӯзишу иктишофи захираҳои нафту газро дар даст доранд, ки дар ҳоли ҳозир ҳарду ҳам кор намекунанд.
“Бохтар Оперейшн Компани” дар ҷануби Тоҷикистон фаъолият мекунад ва 31 иҷозатнома дар 56 майдон дорад. “Сомон Ойл” дар шимоли Тоҷикистон дар ду майдон иҷозаномаи фаъолият доранд. Айни замон корҳо ба таъхир гузошта шудаанд. Яке се сол ба ин сӯ бо мушкили андоз мувоҷеҳ шудааст. Дигаре, наметавонад таҷҳизот барои шикофтани заминро ворид кунад, чун таври маълум, марзи миёни кишварҳо дар пайи пандемияи “вируси корона” баста шудаанд”, - гуфт Миралӣ Ташрипов.
“Бохтар Оперейшн Компани” (Bokhtar Operetion Company) як ширкати муштараки се ширкати бузурги нафту гази ҷаҳон – Total (Фаронса) CNPC (Чин) ва Tetys Petrolium (Бритониё, Канада) буда, “Сомон Ойл” бо сармоягузории Чин кор мекунад.
Тибқи иттилои Саридораи геологияи назди ҳукумати Тоҷикистон, дар ҳоли ҳозир дар кишвар 24 кони нафту газ дар навоҳии Исфара, Конибодом, Ҳисор, Балҷувон, Ховалинг, Кӯлоб, Қубодиён, Дӯстӣ, Восеъ, Ҷалолиддини Румӣ ва Варзоб фаъол буда, захираи онҳо 2,6 миллион тон нафт ва 3,4 миллиард метри мукааб газ ҳисоб шудааст.
Бино ба ин манбаъ, ҳамзамон беш аз 15 майдони озод дар Шаҳринав, Конибодом, Исфара, Ашт, Рудакӣ ва Турсунзода вуҷуд доранд, ки интизори кашфанд.
Барчаспҳо:
Дуэти Чоршанбе Аловатов ва Мадина Ақназарова: суруди "Парем" - ро бозхонӣ карданд - видео
(Таҷдидшуда 16:29 16.07.2020)
Ду сарояндаи ҷавону машҳури Тоҷикистон, Чоршанбе Аловатов ва Мадина Ақназарова суруди гурӯҳи "Парем"- ро бозхонӣ кардандДУШАНБЕ, 16 июл — Sputnik. Овозхонони ҷавон ва машҳури Тоҷикистон Чоршанбе Аловатов ва Мадина Ақназарова суруди дуэт иҷро карда, қисме аз сурудро дар саҳифаашон нашр карданд.
Онҳо яке аз сурудҳои машҳури гурӯҳи "Парем"- "Танҳо дар ёд" - ро бозхонӣ карданд. Дар ин бора Чоршанбе Аловатов дар саҳифаи расимаш дар Инстаграм хабар додааст.
Посмотреть эту публикацию в InstagramДорогие друзья очень скоро новая песня с @madinaaknazarova_ 🔥 Song - Tanho dar yod PAREM band
"Дӯстони азиз ба наздикӣ дуэти мо нашр мешавад, биёед ҳамроҳ интизор мешавем", - мегӯяд Чоршанбе Аловатов.
Ёдрас мешавем, ки чанде пеш Мадина Акназарова дар саҳифаи расмии Инстаграми худ ба мухлисон қисме аз суруди наваш таҳти унвони "Бадахшони зебо" -ро пешниҳод кард.
Хонум Акназарова таронаи навашро бо забони русӣ пешниҳоди ҳаводоронаш хоҳад кард ва дар навори видеоӣ чанд мисраи онро барои мухлисонаш пешкаш кардааст.
Посмотреть эту публикацию в Instagram@madinaaknazarovaofficial Прекрасный Бадахшан 🏔❤️ ______________________________
Ин яке аз он чанд сурудҳое мебошад, ки сарояндаҳо ба ватани худ ба забони русӣ бахшидаанд ва ба назар мерасад, ки порча бо тариқи замонавӣ бастубанд мешавад.
Барчаспҳо: