Шералӣ Мирзо. акс аз бойгонӣ

Вазири мудофиа аз ҳисоби худ дар деҳа Маркази саломатӣ сохту мошин туҳфа кард (АКС)

1312
Генерал-полковник Шералӣ Мирзо, вазири мудофиаи Тоҷикистон дар яке аз деҳаҳои дурдасти ноҳияи Балҷувон деҳаи Дошмандии ҷамоати Сари-Хосор бинои нави Маркази саломатӣ бунёд кардааст

ДУШАНБЕ, 26 ноя — Sputnik. Тибқи иттилои дафтари матбуоти Вазорати мудофиа, иқдоми мазкур дар доираи супоришҳои раисиҷумҳур барои истиқболи сазовори 30-солагии Истиқлолият ва беҳтарсозии шароити иҷтимоии сокинони деҳот амалӣ шудааст.

Бинои Маркази саломатии бунёдкардаи Шералӣ Мирзо дар Балҷувон
сомонаи Вазорати мудофиаи Тоҷикистон
Бинои Маркази саломатии бунёдкардаи Шералӣ Мирзо дар Балҷувон

Манбаъ афзуд, ки лоиҳаи бинои Маркази саломатӣ дар мувофиқа бо Вазорати тандурустӣ ва ҳифзи иҷтимоии аҳолӣ аз сифр бунёд гардида, дорои 6 ҳуҷра - қабулгоҳ, ҳуҷраи ташхис, доругузаронӣ, таваллудхона, нигоҳубини кӯдак ва хатнакунӣ мебошад, ки бо таҷҳизоти тиббӣ таъмин шудаанд.

Инчунин Шералӣ Мирзо барои сари вақт расонидани беморон ба ин Марказӣ саломатӣ автомашинаи ёрии таъҷилии муҷаҳҳаз бо ҳама ашёву лавозимоти тиббиро тақдим кардааст.

Шералӣ Мирзо зимни суханронияш дар ифтитоҳи Марказу тақдими мошини ёрии таъҷилӣ изҳор доштааст, ки инҳо туҳфаи раисиҷумҳур ба аҳолии ин деҳа ба муносибати Рӯзи Парчам маҳсуб меёбанд.

1312