Женские ноги в баре, архивное фото

Тоҷикистон ҷазо барои ташкили фоҳишахонаҳоро сангинтар кард

163
Парлумони Тоҷикистон бо як овоз пешбинии муҷозотро барои ташкили фоҳишахона дар кишвар сангинтар кард

ДУШАНБЕ, 28 ноя — Sputnik. Дар Тоҷикистон барои ташкили такрории фоҳишахона муҷозотро сангинтар карданд.

Маҷлиси намояндагон тағйиру иловаҳо ба Кодекси ҷиноятии кишварро ҷонибдорӣ намудааст, ки мувофиқи он дар ҳолати такроран даст задан ба ин ҷиноят, муттаҳамонро аз 5 то 8 соли зиндон интизор аст.

Пештар Кодекси ҷиноӣ барои содир кардани ин ҷиноят ҷарима дар ҳаҷми аз 1 то 2 ҳазор нишондиҳандаи ҳисобӣ (50 сомонӣ - 1 нишондиҳандаи ҳисобӣ), ки он аз 50 то 100 ҳазор сомониро ташкил медиҳад, ё маҳрум намудан аз озодӣ ба мӯҳлати то 5 солро пешбинӣ мекард.

Афзун бар ин, мувофиқи тағйироти нав, дидаву дониста олуда кардани дигарон ба ВИЧ/СПИД низ ҷинояти сангин ба ҳисоб меравад.

Палатаи поёнии парлумон ҳамчунин ба қонуни ҶТ "Дар бораи мубориза бо савдои одамон ва кӯмак ба ҷабрдидагони савдои одамон" тағйирот ворид кардааст, ки мувофиқи он ваколати ба дамон додани статуси ҷабрдидаи савдои одамон ба сохторҳои давлатӣ (Додситони кулл, ВУД, КДАМ, Ожонси мубориза бо фасод) дода мешавад.

163
Барчаспҳо:
одамрабоӣ, ҷазо, фоҳишахона, Тоҷикистон