Дастури нави Эмомалӣ Раҳмон дар мавриди Душанбе

© Amir IsaevГлава администрации президента Озода Рахмон, мэр Душанбе Рустам Эмомали и председатель района Исмоила Сомони Душанбе Сами Шариф
Глава администрации президента Озода Рахмон, мэр Душанбе Рустам Эмомали и председатель района Исмоила Сомони Душанбе Сами Шариф - Sputnik Тоҷикистон
Обуна шудан
Эмомалӣ Раҳмон, раисиҷумҳури Тоҷикистон бо имзои фармоиши нав барои ҳамкории бештару самараноки Ҳукумати Душанбе бо ниҳодҳои дигари давлатӣ ва корхонаҳо дастур додааст

ДУШАНБЕ, 29 ноя — Sputnik. Тибқи фармоиши Ҳукумат, ки аз сӯи Эмомалӣ Раҳмон ҳафтаи гузашта имзо гардид, шаҳрдории Душанбе ва ниҳодҳои дигари давлатию корхонаҳо муваззаф шудаанд, ки барои зеботар кардани пойтахт ва ободкориҳои бештар ҳамкории самаранокро роҳандозӣ намоянд. Дар фармоиш таъкид шудааст, ки ҳадаф таҳкими ободкориҳо ва зеботар кардани симои Душанбе мебошад.

Эмомали Рахмон едет по обновленному парку на прогулочном авто - Sputnik Тоҷикистон
Эмомалӣ Раҳмон: соли 2019 дар Душанбе 8 гулгашту 58 майдончаи нав бунёд мешаванд

Раисиҷумҳури Тоҷикистон ҳамчунин нақшаҳои ҷадид барои сабзсозии кӯчаю гулгаштҳо ва бунёди варзишгоҳҳо дар пойтахтро тасдиқ намудааст. Масъулин муваззаф шудаанд, ки иншооти сохташавандаро бо сифати баланд анҷом диҳанд.

Эмомалӣ Раҳмон, дастгоҳи иҷроияи раисиҷумҳур ва шаҳрдорию дигар ниҳодҳои давлатиро муваззаф кардааст, ки нақшаҳои тасдиқкардааш барои сабзсозӣ ва бунёди майдончаҳои варзиширо бо сифати баланд амалӣ кунанд.

Фармоиши нав дар ҳолест, ки бо омадани Рустами Эмомалӣ ба мақоми шаҳрдори Душанбе ниҳодҳои гуногуни давлатӣ ва мансабдорони алоҳида боғҳоро навсозӣ карданду майдончаҳои варзишӣ бунёд намуданд. Тибқи иттилои расмӣ то ҳол аз ҷониби 86 вазорату идора ва шахсони алоҳида дар шаҳри Душанбе 92 майдончаи варзишию бозии кӯдакон бунёд ва таҷдиду навсозии 12 боғу гулгашт амалӣ гардид. 

Кохир Расулзода, архивное фото - Sputnik Тоҷикистон
"Ҳушдори сарвазир ба 41 мансабдори кӯлобӣ"

Аз ҷумла тибқи иттилои нашршуда, Озода Раҳмон, роҳбари дастгоҳи раисиҷумҳур Боғи ба номи Алишер Навоӣ, Қоҳир Расулзода, сарвазири Тоҷикистон боғи Кӯли ҷавонон ва Давлаталӣ Саид, ноиби аввали нахуствазир Боғи Восеъро тармим карда, вазорату кумита ва корхонаҳои дигар низ дар пойтахт ободкориҳо анҷом доданд.

Ҳукуматҳои вилояти Суғду Хатлон боғҳои ба номи Айнӣ ва Абдулқосими Фирдавсиро навсозӣ карданд.

Лентаи хабарҳо
0