Встреча главы МИД Таджикистана с руководителем ОБСЕ

Мулоқоти вазири хориҷаи Тоҷикистон бо мақомоти баландпояи САҲА

113
(Таҷдидшуда 14:04 07.12.2018)
Сироҷиддин Муҳриддин, вазири корҳои хориҷаи Тоҷикистон бо Дабири кулли САҲА, Мудири Дафтари САҲА доир ба ниҳодҳои демократӣ ва ҳуқуқи инсон ва Комисари Олии САҲА доир ба ақаллиятҳои миллӣ мулоқот кард

ДУШАНБЕ, 7 дек — Sputnik.  Дар ҳошияи ҷаласаи 25-уми Шӯрои вазирони кишварҳои ширкаткунандаи САҲА 6 декабри соли равон дар шаҳри Милан, Вазири корҳои хориҷии Тоҷикистон Сироҷиддин Муҳриддин бо Дабири кулли САҲА Томас Гремингер мулоқот кард, иттилоъ додааст дафтари матбуоти вазорати хориҷаи кишвар.

Бино бар иттилои манбаъ, дар рафти вохӯрӣ тарафҳо дар масъалаҳои марбут ба дурнамои ҳамкории Тоҷикистону САҲА, аз ҷумла раванди таҳияи Ёддошти тафоҳум, фаъолияти минбаъдаи Дафтари барномавии САҲА дар Душанбе, раёсати Тоҷикистон дар Форуми амниятии САҲА дар соли 2019 ва дигар масоили мавриди таваҷҷуҳ мубодилаи афкор намуданд.

Инчунин, вазорати корҳои хориҷа хабар додааст, ки вазири корҳои хориҷии Тоҷикистон Сироҷиддин Муҳриддин бо Комиссари Олии САҲА оид ба ақаллиятҳои миллӣ Ламберто Занниер мулоқот анҷом дод.

“Зимни мулоқот тарафҳо роҷеъ ба масъалаҳои ҳамкории Дафтари Комиссари Олии САҲА бо мақомоти дахлдори Тоҷикистон дар раванди татбиқи лоиҳаҳои минтақавии марбут ба ҳимояи ҳуқуқи ақаллиятҳои миллӣ дар кишварҳои Осиёи Марказӣ табодули афкор намуданд”, -таъкид намудааст манбаъ.

Илова бар ин, ҷонибҳо ба мувофиқа расиданд, ки ҷиҳати таҷдиди санади ҳамкорӣ миёни ниҳоди мазкури САҲА ва Вазорати маориф ва илми Ҷумҳурии Тоҷикистон иқдом намоянд.

Имрӯз ҳамчунин Сироҷиддин Муҳриддин бо Мудири Дафтари ниҳодҳои демократӣ ва ҳуқуқҳои инсон (ДНДҲИ) хонум Ингибёрг Гисладоттир мулоқот намуд.

Бино бар иттилои манбаъ, дар рафти вохӯрӣ ҷонибҳо роҷеъ ба самтҳои асосии ҳамкорӣ миёни мақомоти дахлдори Тоҷикистон бо ДНДҲИ, аз ҷумла мусоидати  ниҳоди мазкури САҲА дар татбиқи уҳдадориҳои кишвар дар чаҳорчӯби ченаки инсонии созмон, инчунин ширкати намояндагони Тоҷикистон дар ҳамоишҳои ин ниҳод табодули назар карданд.

 

113
Барчаспҳо:
баррасӣ, ҳамкорӣ, Сироҷиддин Аслов, ВКХ ҶТ, мулоқот, САҲА, Тоҷикистон
Сотрудники пограничной службы на пункте пропуска Кен-Булун автодорожный на границе Кыргызстана и Казахстана. Архивное фото

Марзи Тоҷикистон ба рӯйи кадом ҳамсоягонашбоз мондааст?

24
(Таҷдидшуда 17:33 28.05.2020)
Тоҷикистон дар пайи таҳдиди паҳншавии коронавирус ҳанӯз аввалҳои моҳи апрел гузаргоҳҳои марзиро баста буд

ДУШАНБЕ, 28  май — Sputnik. Мудири идораи ҳамлу нақли заминии Вазорати ҳамлу нақли Тоҷикистон Фарух Неъматзода гуфтааст,  ба далели шуюи Корона фақат 7 гузаргоҳи ҳамлу нақли байналмилаллӣ дар ин кишвар бозаст.

Ба нақл аз сомонаи "Парс тудэй", Фарух Неъматзода ин матлабро дар нишасти видио канфронсии интиқоли байналмилаллии коло дар шароити густариши Корона эълон кард.

Вай дар ин нишаст,ки бо талоши Бонки рушд ва бозсозии Аврупо баргузор шуд гуфтааст, ки дар ҳоли ҳозир аз 19 гузаргоҳи марзии Тоҷикистон бо Узбакистон фақат 3 гузаргоҳ фаол аст.

"Ҳамчунин дар марзҳои Тоҷикистон ва Қирғизистон ду гузаргоҳ ва Тоҷикистон бо Чин ва Афғонистон ҳам як гузаргоҳ боз аст", - афзудааст вай.

Ин мақоми Вазорати ҳамлу нақли Тоҷикистон таъкид кард,ки аз тамоми ронандагони мошинҳои боркаш ҳангоми вуруд ба Тоҷикистон озмоиши Корона гирифта мешавад ва дар сурати доштани алоими бемори карантина мешаванд.

Тоҷикистон дар пайи таҳдиди паҳншавии коронавирус ҳанӯз аввалҳои моҳи апрел гузаргоҳҳои марзиро баста буд.

24

Кумитаи кор бо ҷавонон мутахассиси касбӣ меҷӯяд, аммо маош 868 сомонӣ

45
(Таҷдидшуда 19:36 28.05.2020)
Кумитаи кор бо ҷавонон ва варзиши Тоҷикистон барои ишғоли мансабҳои холӣ озмуни кушода эълон намудааст

ДУШАНБЕ, 28  май — Sputnik. Кумитаи кор бо ҷавонон ва варзиши Тоҷикистон барои мансабҳои холӣ дар шаҳри  дар Душанбе, вилояти Хатлон, Суғд, ВМКБ, ва шаҳру ноҳияиҳои тобеи ҷумуҳрӣ озмун элон намудааст.

Масъулини кумитаи таъкид намудааснд, ки маоши вазифавии мутахассисоне, ки ба кор ҷалб карда мешаванд аз 868 то 1400 сомониро ташкил медиҳад. Манбаъ зикр намудааст, ки дар дастгоҳи марказӣ ба ҳафт мутахассис, дар вилояти Хатлон ба 6 мутахассис, Суғд  ба 5 нафар, дар ВМКБ ба 2 нафар ва дар Шаҳру ноҳияҳои тобеи ҷумҳурӣ ба 3 нафар дар Душанбе ба 2 нафар мутахассиси ҳирфаӣ, ки тариқи озмун интихоб мешаванд ниёз дорад. Дар маҷмӯъ ин Кумита ба  25 мутахассис ниёз дорад.

Манбаъ таъкид намудааст, ки нафароне, ки барои мансаби сардори Шуъба даъво хоҳанд кард, бояд дорои таҳсилоти олии касбӣ, чаҳор соли собиқаи хизмати давлатӣ ё 5 сол собиқаи умумии меҳнатӣ, донистани таърих, фарҳанг, муқаддасоти миллӣ, забони давлатӣ, як забони хориҷӣ бошанд.

Барои ишғоли мансаби сармутахассис, таҳсилоти олии касбӣ, ду сол собиқаи хизмати давлатӣ ё 3 сол собиқаи умумии меҳнатӣ, малакаи хуби муошират бо аҳли ҷомеа, аз ҷумла маҳорати ба роҳ мондани ҳамкорӣ ҳангоми татбиқи манфиатҳои давлатӣ лозим будааст.

Аммо барои ишғоли мансаби мутахассиси пешбар ва мутахассис таҳсилоти олии касбӣ,  ва як соли собиқаи умумии меҳнатӣ.

Рӯйхати пурраи вазифаҳои холӣ дар сомонаи расмии Кумитаи кор бо ҷавонон ва варзиши назди ҳукумати Тоҷикистон нашр шудааст.

45
Барчаспҳо:
маош, мутахассисон, озмун, мансаб, Кумитаи ҷавонон, Тоҷикистон