Кохир Расулзода, архивное фото

Қоҳир Расулзода қасри фарҳанги навро дар ноҳияи Балҷувон ифтитоҳ кард

317
Сарвазири Тоҷикистон Қоҳир Расулзода дар маросими ифтитоҳи Қасри фарҳанг дар ноҳияи Балҷувон иштирок намуд

ДУШАНБЕ, 13 дек — Sputnik. Бино бар иттилои вазорати фарҳанги Тоҷикистон, дар ноҳияи Балҷувон бахшида ба 30 – солагии Истиқлолияти давлатии Тоҷикистон бо дастгирии Дирексияи сохтмони иншооти Ҳукуматии Дастгоҳи иҷроияи Президенти кишвар бинои Қасри фарҳанги нав ба истифода дода шуд.

Манбаъ таъкид намудааст, ки қасри фарҳанги нав дорои 360 ҷойи нишаст мебошад.  

Бинои нави Қасри фарҳанги ноҳия бо техникаи хозиразамон ба мисли компютерҳо ва принтерҳо, асбобҳои нави тақвияти овоз ва 12 номгӯи асбобҳои халқӣ (тор, аккордион, ғижак, най, таблак, дойра, рубоб, рубоби қашқарӣ, тутук, думра ва ситор) таъмин гардидааст.

Дар маросими ифтитоҳи бино Сарвазири Тоҷикистон Қоҳир Расулзода иштирок намуд. 

Манбаъ хабар додааст, ки сохтмони бинои нав соли 2016 оғоз гардида, он бо маблағи 5 миллиону 389 ҳазор сомонӣ дар маркази маъмурии ноҳия бунёд гардидааст.

317
Барчаспҳо:
Балҷувон, Қоҳир Расулзода, сарвазир, ифтитоҳ, Қасри фарҳанг, Тоҷикистон
Арест, архивное фото

Муноқишаи оилавӣ ба марг анҷомид: сокини Чиптеппа ҳамсари 30 - солаашро кушт

67
(Таҷдидшуда 11:52 14.08.2020)
Зани 30 - сола аснои муноқишаи оилавӣ аз дасти ҳамсари худ сахт ҷароҳатдор шуд ва дар беморхона ҷон аз даст дод

ДУШАНБЕ, 14 авг — Sputnik. Кормандони милитсияи сокини 34 - солаи  деҳоти Чиптеппаи ноҳияи Рӯдакиро боздошт намуданд, ки дар куштори ҳамсари ҷавони худ муттаҳам дониста мешавад.

Ба иттилои котиботи Вазорати умури дохилаи Тоҷикистон, ҳодисаи рӯзи 12 - уми август, тахминан соати 23:00 рух додааст.

Гуфта мешавад, куштор дар заминаи муноқишаи оилавӣ сар задааст.

Куштор дар Вахш: писар ба хотири ҳамсари худ падарашро бо қарабоӣ зада кушт

"Номбурда дар хонаи истиқоматиаш бо ҳамсари худ зани 30-сола ҷангу ҷанҷол карда, бо корд 1-маротиба ба рони пойи росташ задааст", - таъкид мешавад дар хабар.

Зимнан, ҷабридида ҷароҳати вазнини ҷисмонӣ бардошта, дар беморхонаи ноҳия ба ҳалокат расидааст.

ВУД Тоҷикистон мегӯяд, феълан аз рӯи ин ҳодиса тафтишот идома дорад.

67
Барчаспҳо:
ҳамсар, куштор, Рӯдакӣ
Туристы идут в поход

БОР барои дастгирии соҳаи сайёҳии Тоҷикистон 10 миллион доллар кӯмаки бебозгашт медиҳад

38
(Таҷдидшуда 11:11 14.08.2020)
Бонки Осиёгии Рушд ба Тоҷикистон барои татбиқи лоиҳаи рушди сайёҳӣ дар ҷумҳурӣ 10 миллион доллар ройгон медиҳад

ДУШАНБЕ, 14 авг — Sputnik.  Бино ба иттилои намояндагии доимии ин ташкилот дар Душанбе саозишномаи амалисозии лоиҳаи мазкур аз ҷониби Кумитаи рушди сайёҳии Тоҷикистон, Созмони ҷаҳонии сайёҳии Созмони милал ва ду ташкилоти ҷамъиятии маҳаллӣ: Фонди коҳиши камбизоатӣ ва Маркази таҳлилии “Наво” ба имзо расид.

Гуфта мешавад, Созмони ҷаҳонии сайёҳии Созмони милал (ЮНВТО) ва ду ташкилоти ҷамъиятӣ ба Кумитаи рушди сайёҳӣ дар таҳияи аввалин ҳисоби ёридиҳандаи сайёҳӣ дар Тоҷикистон, ташаккули соҳаи сайёҳии кишвар ва нақшаи рушди устувори туризм кӯмак хоҳанд кард.

Интизор меравад, қарордод давоми як сол иҷро гардад.

 Ба иттилои манбаъ, баъди барқарор шудани фаъолияти сайёҳӣ дар кишвар барои ҷамъоварии маълумот дар бораи демография, интизориҳо, фаъолият, манбаъҳои иттилоот, сатҳи қаноатбахшӣ, сохтори хароҷот ва муносибати сайёҳони хориҷӣ ва дохилӣ ба ин соҳа таҳқиқот гузаронида мешавад.

Маълумоти гирдоварда ба мустаҳкам намудани омори соҳаи туризм ва беҳтар муайян намудани саҳми сайёҳӣ ба иқтисодиёти Тоҷикистон мусоидат мекунанд.

“Нақшаи пешниҳодшаванда рушди устувори сайёҳӣ банақшагирӣ, маркетинг ва татбиқи туризмро такмил хоҳад дод, то Тоҷикистонро ҳамчун як макони умедбахши сайёҳӣ муаррифӣ кунанд”.

БОР моҳи октябри соли 2019 лоиҳаи Рушди сайёҳиро барои кӯмак ба рушди соҳаи туризм дар асоси стандартҳои байналмилалӣ тасдиқ намуда буд.

Таъкид мешавад,  ин нахустин лоиҳаи БОР дар самти сайёҳии Тоҷикистон мебошад.

38
Барчаспҳо:
рушди соҳаи сайёҳӣ, кумак, БОР, Тоҷикистон

Русия дар ҷаҳон аввалин шуда, ваксинаи зидди коронавирусро сохт - видео

0
(Таҷдидшуда 12:13 14.08.2020)
Кишвардори Русия Владимир Путин рӯзи 11 - уми август аз сабти ном шудани нахустин ваксина алайҳи коронавирус, ки сохти Русия мебошад, хабар дод

Зимнан, раисҷумҳури Русия изҳор дошт, ки ваксинаи мазкурро яке аз духтарони ӯ дар худ озмоиш намуд ва дар рӯзҳои аввал ҳарорати бадани ӯ аз 37 дараҷа баланд буд.

Ваксинаи алайҳи коронавирус, ки Русия дар ҷаҳон аввалин шула сохт номи "Спутник V" - ро гирифт.

Мутахассисон мегӯянд, дар сурати ду маротиба ваксин шудан, инсон алайҳи ин маризӣ то 2 сол масуният пайдо мекунад.

Русия аз омода шудани нахустин ваксина алайҳи коронавирус хабар дод

Ваксинаи мазкур сар аз моҳи сентябр мавриди истифода қарор мегирад.

Аммо кишварҳои Ғарб ваксини сохти Русияро мавриди танқид қарор додаанд, вале Вазорати тандурустии Русия дар ҷавоб изҳор доштааст, ки "эҳтимол ҳамкорони хориҷӣ, бартариҳои доруи русиро эҳсос мекунанд".

0
Барчаспҳо:
маризӣ, дору, ҷаҳон, Русия