Рустам Эмомали

Рустам Эмомалӣ барои рушди соҳаи маориф як қарори дигар имзо кард

1420
Гуфта мешавад мақасад аз тасвиби қарор дастгирӣ ва ҳавасмандгардонии моддӣ-маънавии кормандони соҳаи маориф ва хонандагони муассисаҳои таҳсилоти миёнаи умумии пойтахт мебошад

ДУШАНБЕ, 13 дек — Sputnik. Раиси шаҳри Душанбе Рустам Эмомалӣ дар бораи тасдиқи низомномаҳои озмунҳои касбии соҳаи маорифи шаҳри Душанбе қарори нав ба имзо расид.

Тавре дар мундариҷаи қарор қайд мешавад, он бо мақсади дастгирӣ ва ҳавасмандгардонии моддӣ-маънавии кормандони соҳаи маориф ва хонандагони муассисаҳои таҳсилоти миёнаи умумии пойтахт ба тасвиб расидааст.

Тибқи қарор, низомномаҳо ва ҳайати Комиссияи озмунҳои касбии соҳаи маорифи шаҳри Душанбе "Омӯзгори сол", "Мураббии сол", "Хонандаи сол" бояд тасдиқ шавад.

"Муовини Раиси шаҳри Душанбе, сарпарасти соҳа, раисони ноҳияҳои шаҳр, Сарраёсати маорифи шаҳри Душанбе ҷиҳати ташкилу баргузорӣ ва ҷамъбасти озмунҳои "Омӯзгори сол", "Мураббии сол", "Хонандаи сол" тибқи тартиби муқарраргардида чораҷӯӣ намоянд", - гуфта мешавад дар банди дувуми санад.

Қарори мазкур барои тасдиқ ба Маҷлиси вакилони халқи шаҳри Душанбе пешниҳодмешавад.

Дар банди панҷуми қарор гуфта мешавад, ки қарорҳои раиси шаҳри Душанбе "Дар бораи чораҳои такмил бахшидани фаъолияти муассисаҳои таълимӣ дар шаҳри Душанбе" аз 12 октябри соли 2000, №136, "Дар бораи дастгирӣ ва ҳавасмандгардонии моддӣ-маънавии кормандони соҳаи маориф ва хонандагони мактабҳои таҳсилоти умумии пойтахт" аз 19 майи соли 2006, №224 "Дар бораи баргузории озмуни шаҳрии «Волидайни беҳтарини сол" аз 04 декабри соли 2012, №743 аз эътибор соқит дониста шаванд.

Пештар бо як қарори раиси шаҳри Душанбе дар пойтахт Шӯрои рушди маорифи назди мақомоти иҷроияи ҳокимияти давлатии шаҳри Душанбе таъсис дода шуда буд.

Раиси Душанбе муовинони худ ва раисони навоҳии пойтахтро муваззаф кардааст, ки дар ҳамкорӣ бо сохторҳои дахлдор ба фаъолияти самарабахши Шӯрои рушди маориф мусоидат намоянд.

1420
Инвалид на коляске, архивное фото

Кумаки раиси вилояти Суғд ба 77 наврасону донишҷӯёни маъюб

5
(Таҷдидшуда 14:18 10.07.2020)
Тибқи дастури раиси шаҳри Хуҷанд ба 20 нафар шахсони маъюб маводи ниёзи аввал пешниҳод карда шуд

ДУШАНБЕ, 10 июл – Sputnik. Кӯмакҳои пулии Раиси вилояти Суғд Раҷаббой Аҳмадзода ба 77 нафар кӯдакон ва донишҷӯёни шаҳри Хуҷанд бахшида ба “Рўзи маъюбон” пешниҳод шудааст, иттилоъ додааст дафтари матбуоти раиси шаҳри Хуҷанд.

Бино бар иттилои  манбаъ, Асрор Шарифзода, муовини Раиси шаҳри Хуҷанд ба 72 нафар маъюбони навраси синну солашон гуногун ва 5 нафар донишҷўёни шаҳри Хуҷанд кӯмакпулии яквақта, ки тибқи қарори Раиси вилояти Суғд ҷудо шуда буд ва ҳамзамон тӯҳфаҳои хотиравӣ дастрас карда шуданд.

Тибқи иттилои дафтари матбуоти мақомоти шаҳри Хуҷанд, худи ҳамон рӯз тибқи қарори дахлдори Мақомоти иҷроияи ҳокимияти давлатии вилояти Суғд ба маркази минтақавии хизматрасонии иҷтимоӣ ба пиронсолон ва маъюбон дар шаҳри Хуҷанд барои 62 нафар бошандагон низ кўмаки моддӣ ҷудо карда шуд.

Ҳамчунин, ба 2 нафар маъюбони шаҳри Хуҷанд аробачаи маъюбӣ дастрас гардид.

Тибқи дастури раиси шаҳри Хуҷанд Маъруф Муҳаммадзода 20 нафар шахсони маъюб аёдат карда шуда ба ҳамаи онҳо маводи ниёзи аввал пешниҳод кард.

5
Барчаспҳо:
донишҷӯён, маъюб, кумак, Раҷаббой Аҳмадзода, Суғд, Тоҷикистон
Сотрудники МВД Таджикистана

Рутбаи ғайринавбатӣ ва телевизор: қадрдонии корманди милиса барои наҷоти духтар дар Норак

120
(Таҷдидшуда 13:53 10.07.2020)
Маликшо Неъматзода, раиси шаҳри Норак милисае, ки аз ғарқшавӣ як духтарро наҷот додааст бо ифтихорномаву туҳфаи хотиравӣ қадрдонӣ кард

ДУШАНБЕ, 10 июл — Sputnik.  Бино бар иттилои дафтари матбуоти мақомоти вилояти Хатлон, ахиран дар бинои шуъбаи Вазорати умури дохилаи шаҳри Норак ҷамъомад баргузор гардид, ки дар он як корманди милиса барои наҷоти духтараки ғарқшуда аз дарёи Вахш қадрдонӣ шуд.

Неъматзода Маликшо, раиси шаҳри Норак рафтори наҷибонаи корманди милиса Анвар Сафаровро, ки аз ғарқшавӣ духтареро наҷот додааст, намунаи баланди хизмати содиқона ба касб ва қаҳрамони замон арзёбӣ кард.

Мақомоти Норак ба ин милиса ифтихорнома ва туҳфаи хотиравӣ тақдим кард.
Ҳамзамон, сардори шуъба подполковники милиса Саидаҳрор Мирзоев ба самъи ҳозирин фармон дар бораи додани рутбаи ғайринавбатӣ ва 1 адад телевизорро расонд.

Гуфта шудааст, ки Сафаров Анвар рӯзи 8 июли соли 2020 ҳангоми адои хизмат духтараки ғарқшударо аз дарёи Вахш наҷот дода, бо ин амали худ ҷасорату мардонагӣ ва ба касби худ содиқ буданро нишон дод.

120
Барчаспҳо:
туҳфа, ифтихорнома, наҷот, ғарқшавӣ, Норак, Тоҷикистон