Муаррифии Зафарбек Давлатзода, и.в. раиси шаҳри Конибодом

Зафарбек Давлатзода раиси навтаъини шаҳри Конибодом

2045
(Таҷдидшуда 16:27 13.12.2018)
Имрӯз дар толори мақомоти иҷроияи ҳокимияти давлатии шаҳри Конибодом маросими муаррифии Зафарбек Давлатзода иҷрокунандаи вазифаи раиси шаҳри мазкур баргузор шуд

ДУШАНБЕ, 13 дек — Sputnik.  Дар толори мақомоти иҷроияи ҳокимияти давлатии шаҳри Конибодом бо иштироки Раиси вилояти Суғд Раҷаббой Аҳмадзода маросими муаррифии Зафарбек Давлатзода иҷрокунандаи вазифаи раиси шаҳр баргузор шуд.

Дар ин бора дафтари матбуоти ҳукумати вилояти Суғд хабар додааст.

Бино бар иттилои манбаъ, зимни муаррифӣ таъкид гардид, ки бо Фармонҳои Президенти Тоҷикистон аз 12 декабри соли равон Ғайбулло Боҳирӣ бо сабаби ба кори дигар гузаштанаш аз вазифаи раиси шаҳри Конибодом озод ва Зафарбек Давлатзода иҷрокунандаи вазифаи раиси шаҳри Конибодом таъин карда шуд.

Зафарбек Давлатзода филиали хуҷандии Донишгоҳи техникии Тоҷикистонро соли 1996 хатм намудааст. Ихтисосаш муҳандис-механик буда, дар гузашта дар вазифаҳои гуногун, аз ҷумла сардори КВД Канали Хоҷа-Боқирғон ва сардори Идораи давлатии беҳдошти замин ва обёрии ноҳияҳои Ҷаббор Расулов ва Бобоҷон Ғафуров фаъолият намудааст. Аз соли 2016 то декабри 2018 вазифаи сардори Раёсати беҳдошти замин ва обёрии вилоятро ба уҳда дошт.

Ёдрас мешавем, ки 12 декабри соли равон Эмомалӣ Раҳмон раисҷумҳури Тоҷикистон Тоҷикистон Эмомалӣ Раҳмон як қатор кадрҳои роҳбарикунандаи шаҳру навоҳии се вилояти Тоҷикистонро ҷо ба ҷо кард.

Тибқи фармони раисҷумҳур дар Бадахшон раиси ноҳияи Ванҷ, дар Суғд раиси шаҳри Гулистону Конибодом ва ноҳияи Шаҳристон ва дар Хатлон раиси ноҳияи Фархор барканор шуда, ба ҷойи онҳо кадрҳои дигар таъин шуданд.

Раиси ноҳияи Ванҷ Давлатбибӣ Раҷабова бино бар нафақа баромаданаш барканор шуда, ба ҷойи вай Ҷабори Қосим ба вазифаи иҷрокунандаи раиси ноҳияи Ванҷ таъин шуд.

Раиси шаҳри Гулистон Матлубахон Амонзода бо далели ба кори дигар гузаштан аз мақом барканор ва ба ҷойи вай Фирдавс Шарифзода таъин гашт.

Раиси шаҳри Конибодом Ғайбулло Боҳирӣ бино бар ба кори дигар гузаштанаш сабукдӯш ва ба ҷойи вай Давлатзода Зафарбек иҷрокунандаи вазифаи раиси шаҳр таъин гардид.

Ёқубзода Умар аз вазифаи раиси ноҳияи Шаҳристон озод шуда, ба ҷойи ӯ Ҷалилзода Ашӯралӣ таъин шуд.

Сулаймон Вализода аз вазифаи раиси ноҳияи Фархор озод ва ба ҷойи вай Рустам Раҳматзода таъин карда шуд.

2045
Барчаспҳо:
муаррифӣ, раиси шаҳр, раиси Суғд, Конибодом, Суғд, Тоҷикистон
В московском Музее Востока открылась выставка В тени вершин

Ифтитоҳи намоишгоҳи саноати дастӣ ва маҳсулоти кишоварзии Афғонистон дар Душанбе

68
(Таҷдидшуда 20:10 16.01.2021)
Намоишгоҳи саноати дастӣ ва маҳсулоти кишоварзии Афғонистон дар шаҳри Душанбе баргузор шуд

ДУШАНБЕ, 16 янв — Sputnik. Маҳсулоти 27 ширкати афғонистонӣ ва корҳои дастии афғонҳои муқими Тоҷикистон дар 40 ғурфаи ин намоишгоҳ арза шудааст, иттилоъ додааст АМИТ  “Ховар”.

Бино бар иттилои манбаъ, ширкатҳои афғонистонӣ дар ин намоишгоҳ колоҳое монанди саноати дастӣ, фарши дастбоф, зарфҳои суфолӣ ва мисӣ, либосҳои суннатӣ ва маҳсулоти кишоварзиро дар маърази диди умум қарор додаанд.

Муҳаммадзоҳир Ағбар, сафири Афғонистон дар Душанбе дар маросими ифтитоҳи ин намоишгоҳ гуфт, ки дар ояндаи наздик низ намоишгоҳи сангҳои қимматӣ ва нимақиматии кишвараш дар пойтахти Тоҷикистон баргузор мешавад.

Вай таъкид кард, ки баргузории чунин намоишгоҳҳо мӯҷиби тақвияти ҳамкориҳои иқтисодӣ ва тиҷории Афғонистону Тоҷикистон хоҳад шуд.

Сафирон ва масъулони теъдоде аз кишварҳои хориҷии муқими Душанбе, намояндагони утоқи саноат ва бозаргонии Тоҷикистон ва фаъолони бахши хусусии ин кишвар аз намоишгоҳи саноати дастӣ ва маҳсулоти кишоварзии Афғонистон боздид карданд.

68
Барчаспҳо:
баргузор, саноат, Душанбе, намоишгоҳ, Афғонистон
Карабиненко Александр

Коршинос сабаби нест шудани коронавирус дар Тоҷикистонро шарҳ дод

318
(Таҷдидшуда 20:44 16.01.2021)
Табиби хизматнишондодаи Русия, Александр Карабиненко маълумоти Вазорати тандурустии Тоҷикистонро дар бораи якбора коҳиш ёфтани ҳолатҳои нави сироятёбӣ аз коронавирус шарҳ дод

ДУШАНБЕ, 16 янв — Sputnik. Дар Тоҷикистон аз аввалҳои моҳи январ якбора шумораи ҳолатҳои нави гирифторӣ ба коронавирус коҳиш ёфт. Дар давоми ду ҳафта дар ҷумҳурӣ ҳамагӣ 12 ҳолати нави сироятёбӣ ба қайд гирифта шуд.

Зичии аҳолӣ дар Тоҷикистон, фарз кунем  нисбат ба вилояти Маскав хело кам аст. Маҳз ҳамин далел шароит фароҳам меоварад, ки паҳншавии вирус бозистад, мегӯяд коршинос.

Ҳамчунин, Карабиненко дар сӯҳбат бо Sputnik Тоҷикистон гуфт, ки шароити экологӣ ва климати кишвар метавонист боиси камшавии омори коронавирус шавад.

"Феълан ин масъала пажӯҳиш нашудааст, бояд солҳо мушоҳида кард ва он вақт метавон ҷавоби дақиқ дод", - меафзояд ӯ.

Ба гуфтаи табиби рус, бадани одамони гуногун иммунитетро гуногун коркард мекунад. Бархе нафарон умуман ба ин беморӣ антитела ҳосил намекунанд.

"Дар ин ҳолат эмгузаронӣ боиси ҳосил шудани иммунитет дар бадан мешавад ва дар ин ҳолат аз коронавирус антитела ҳосил мегардад", - таъкид кард Карабиненко.

Вазири тоҷик: табибони кишвар аз имтиҳони бузург дар самти пешгирӣ аз COVID-19 гузаштанд

Ба гуфтаи вай, ваксинаи зидди грипп низ кӯмак мекунад, ки бемории коронавирус сабуктар гузарад ва барои ҳамин бояд ҳама эм карда шаванд.

"Инфексияи коронавирус то абад дар бадани инсон мемонад. Аз вирус ҷои гурез нест ва ба он иммунитети коллективӣ пайдо мешавад", - тавзеҳ дод вай дар анҷом.

318
День 17 января

Аз зодрӯзи Аҳмад Бобоқулов то таҷдиди сохтори Дастгоҳи президент: имрӯзи таърих

0
(Таҷдидшуда 19:43 15.01.2021)
Рӯзи ҳабдаҳуми январ дар ҷаҳон ҳамчун Рӯзи байналмилалии ихтирооти кӯдакон мебошад. Дар ин рӯз сарояндаи опера, Ҳунарпешаи халқии ИҶШС Аҳмад Бобоқулов ба дунё омадааст

Рӯзи 17 январ дар ҷаҳон чӣ рух дод

Соли 1920 дар Русияи Шӯравӣ расман ҳукми қатл бекор карда шуд.

Соли 1950 Ҳизби коммунистии Боливия таъсис дода шуд.

Соли 1995 дар шаҳри Кобеи Ҷопон дар пайи зилзилаи шадид зиёда аз 6 ҳазору 400 нафар ба ҳалокат расиданд.

Рӯзи 17 январ дар Тоҷикистон чӣ рух дод

Соли 2011 сомонаи интернетии Сафорати Тоҷикистон дар Озарбойҷон  фаъол гардид.

Соли 2012 дар Тоҷикистон Маркази коркарди миллӣ кушода шуд.

Соли 2017 дар маркази маъмурии вилояти Суғд-шаҳри Хуҷанд филиали КВД "Коргоҳи протезӣ ва ортопедӣ" ифтитоҳ гардид.

Соли 2014  Президенти Тоҷикистон Эмомалӣ Раҳмон  дар бораи таҷдиди сохтори Дастгоҳи иҷроияи Президенти Ҷумҳурии Тоҷикистон фармон ба имзо расониданд.

Соли 2018 дар шаҳри Маскав аввалин бор дар ин сол ҷаласаи Камиссияи ҳамкории иқтисодии Шӯрои иқтисодии ИДМ баргузор гардид. Ҷаласаи мазкурро намояндаи ваколатдори Тоҷикистон дар Комиссия, Сафири Тоҷикистон дар  Россия Имомуддин Сатторӣ роҳбарӣ намуд.

Соли 2013 дар шаҳри Душанбе вакилони палатаи поёнии Парлумони Тоҷикистон –Маҷлиси намояндагон Созишномаи байни Ҳукумати Ҷумҳурии Тоҷикистон ва Ҳукумати Ҷумҳурии Мардумии Чин оид ба низоми сарҳади давлатии Тоҷикистону Чинро тасдиқ карданд.

Соли 2015 дастаи ҷавонони Тоҷикистон оид ба футбол (U-21), бо роҳбарии сармураббӣ Алишер Тӯхтаев дар доираи мусобиқаи байналмилалии "Ҷоми Иттиҳод", ки аз 16 то 26 январ дар шаҳри Санкт-Петербург баргузор гардид, бо дастаи Қазоқистон вохӯрӣ намуд.

Ҷашнҳои рӯзи 17 январ

  • Рӯзи байналмилалии ихтирооти кӯдакон.

Рӯзи 17 январ кӣ ба дунё омадааст

Соли 1893 – Шоира Розия Озод, модари академик Бобоҷон Ғафуров.

Соли 1893 –яке аз муборизон дар роҳи таъсис додани ҳукумати Шӯравӣ дар Тоҷикистон Борис Вячеславович Толпиго.

Соли 1927 – Сарояндаи опера, Ҳунарпешаи халқии ИҶШС Аҳмад Бобоқулов таваллуд шудааст.

Соли 1950 – Давлатов Матлубхон Султонович, собиқ роҳбари Дастгоҳи иҷроияи Президенти Ҷумҳурии Тоҷикистон.

0
Барчаспҳо:
Ҷаҳон, ҷашн, Тоҷикистон