Рустам Назарзода, архивное фото

Рустам Назарзода масъалаи омӯзиши мутахассисони КҲФ ҶТ дар Русияро баррасӣ кард

100
(Таҷдидшуда 16:08 14.12.2018)
Раиси Кумитаи ҳолатҳои фавқулодда бо намояндаҳои Федератсияи Русия ҳамкориҳои ду кишварро дар самти пешгирӣ ва бартарафсозии ҳолатҳои фавқулодда баррасӣ намуд

ДУШАНБЕ, 14 дек — Sputnik. Рустам Назарзода, Раиси Кумитаи ҳолатҳои фавқулоддаи Тоҷикистон бо Михаил Козлов, Раиси Кумитаи Шӯрои Федератсияи мудофиа ва бехатарии Федератсияи Русия мулоқот кард, иттилоъ додааст дафтари матбуоти Кумита.

Бино бар иттилои манбаъ, раиси Кумитаи ҳолатҳои фавқулодда ҳамчунин масъалаи омӯзиши шаҳрвандони Тоҷикистон дар мактабҳои олии махсуси ВҲФ Русияро дар миён гузошт. 

Манбаъ зимни мулоқот таъкид намуда, ки густариши ҳамкориҳо миёни ду кишвар ба суди сокинон мебошад.

Рустам Назарзода ҳамкориҳои созандаву пурсамар миёни Русия ва Тоҷикистон дар самти пешгирӣ ва бартарафсозии ҳолатҳои фавқулоддаро махсус қайд намуда аз ҷониби Русия барои дистгирии ҳамешагӣ дар тӯли солиҳои дароз изҳори сипос намудааст.

Раиси Кумита зимни мулоқот махсусан қайд намудааст, ки бо мақсади рушди минбаъдаи ҳамкориҳои барои ҷонибҳо манфиатбахаш дар самти пешгирӣ ва бартарафсозии оқибатҳои офатҳои табиӣ ва техногенӣ моҳи октябри соли 2017 миёни КҲФ Тоҷикистон ва ВҲФ Федератсияи Русия Нақшаи ҳамкориҳои муштарак барои солҳои 2018-2019 имзо шуда буд.

Ҳамчунин Рустам Назарзода, ба зарурати фаъол кардани созишномаи давлатӣ миёни Тоҷикистону ва Русия  дар самти пешгирӣ ва бартарафсозии оқибатҳои офатҳои табиӣ таъкид намуд.  

Дар ҳамин ҳол  Михаил Козлов иброз дошт, ки Русия ҳама тарҳҳо ва барномаҳои муштаракро дастгирӣ карда барои татбиқи амалии онҳо талош хоҳад кард.

“Ин барои таҳкими имконияҳои ду кишвар дар самти вокуниш ба ҳоалтҳои фавқулодда мусоидат мекунад”,-гуфт Михали Козлов. 

100
Барчаспҳо:
масъала, баррасӣ, ҳамкорӣ, КҲФ, Русия, Тоҷикистон
Люди в защитных масках

Сабти 39 мавриди тозаи сироятшавӣ ба коронавирус дар Тоҷикистон: омори нави вазорат

1
Дар Тоҷикистон шабонарӯзи ахир 39 мавриди тозаи гирифторшавӣ ба маризии коронавирус сабт гардид. Вазорат мегӯяд, ягон ҳолати фавт сабт нашуд

ДУШАНБЕ, 8 авг — Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир 94 нафар гумонбарон зери назорати табибон қарор дошта, 44 нафар баъд аз муолиҷа ба хонаҳояшон рухсат дода шуданд.

Инчунин,  дар як шабонарӯзи охир дар ҷумҳурӣ 39 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ ба 7745  нафар баробар гардид.

10 миллион нафар дар Афғонистон мубталои коронавирус шуданд

Ҳамзамон, то санаи  8 август дар мамлакат  6528  (84,2%) нафар аз бемории COVID-19 шифо ёфта,  бар асари он 62  нафар фавтидаанд.

Маврид ба зикр аст, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

1
Барчаспҳо:
омор, Вазорати тандурустӣ ва ҳифзи иҷтимоии аҳолии ҶТ, Тоҷикистон

Мақомоти тоҷик мегуянд, нишонаҳои сироятёбии COVID-19 дигар шудааст

75
(Таҷдидшуда 17:36 08.08.2020)
Мақомоти Идораи кор бо занон ва оила дар вилояти Суғд мегуянд, назар ба оғози давраи хуруҷи COVID -19, ҳоло нишонаҳои сирояти ин беморӣ дигар шудааст

ДУШАНБЕ, 8 авг – Sputnik. Хуршеда Хоҷазода, сардори Раёсати кор бо занон ва оилаи вилояти Суғд дар бораи дигаршавии аломатҳои сироятёбии бемории COVID-19 таъкид намудааст.

Бино ба гуфти ӯ, назар ба давраи оғози сабти вируси корона, ҳоло нишонаҳои хуруҷи ин маризӣ нав шудааст.

“Мутаассифона рӯз ба рӯз нишонаҳои сироятёбии бемории COVID-19, тағйир ёфта истодааст. Ба шумо гуфтани ҳастам, ки дар ҷаласаи Ситоди вилоятӣ оид ба пешгирӣ ва мубориза бо бемории COVID-19 иштирок доштам, ки табибон аз нишонаҳои нав пайдои сирояти ин беморӣ таъкид мекарданд. Агар ибтидо табъ ва сулфаи хушку давомдор аз нишонаҳои ин беморӣ дониста мешуд, ҳоло боз нишонҳаои дигари ин беморӣ ба мисли дарди гулӯ ва мисли ин ҳолатҳо муайян карда шудаанд”, - гуфтааст Хоҷазода.

Сардори Раёсати кор бо занон ва оилаи Суғд дар нишасти матбуотӣ зикр кардааст, ки ҳолатҳои гирифтории занони ҳомила ба бемории COVID-19 ҷой дошта, хушбахтона фавт байни ин гурӯҳи занон ба қайд гирифта нашудааст.

Бино ба гуфти Хоҷазода баъди ташхис ва табобат ҳолати саломатии занони ҳомила барқарор шуда хатар ба кӯдакони дар батнбуда таҳдид накардааст. Чанде пеш Фаррух Мақсудзода, сардори Раёсати тандурустии вилояти Суғд аз ҳолати зоиши занҳои дучори бемории COVID -19 иттилоъ дода гуфт, ки саломатии навзодон қаноатбахш аст.

“Ҳомилазанҳои гирифтори бемории коронавирус ду нафарро ташкил медоданд. Ҳар дуи онҳо дар беморхонаи ҷамоати Ёва дар ноҳияи Бобоҷон Ғафуров таваллуд карданд. Вазъи саломати кӯдаконашон дуруст аст ва худи модарон ҳам шифо ёфта, аз бемористон рухсат шудаанд”, - гуфт Мақсудзода.

То санаи 7 август дар мамлакат 6484 (84,1%) нафар аз бемории COVID-19 шифо ёфта, бар асари он 62 нафар фавтидаанд. Мақомоти Тоҷикистон рӯзи 30-уми апрел аз қайди 15 мавриди бемории коронавирус дар кишвар иттилоъ доданд.

Супориши Абдуллозода: чораҳои пешгирикунанда аз COVID - 19 дар Тоҷикистон пурзӯр шавад 

Бар пояи омори Вазорати тандурустӣ ва ҳифзи иҷтимоии аҳолии Ҷумҳурии Тоҷикистон то санаи 7 август, теъдоди сироятёфтагон ба бемории COVID-19 дар мамлакат ба 7706 нафар баробар шуда, аз ин шумор 6484 нафар ё 84, 1% аз ин маризӣ шифо ёфтаанд. Бар асари ин беморӣ то кунун 62 нафар фавтидаанд.

75
Барчаспҳо:
эҳтиёт, табобат, табибон, беморон, вирус, Хуҷанд, Тоҷикистон