Акция в память о погибших при взрывах в Брюсселе у посольства Бельгии в Москве

Иван Поляков муррабии шинохтаи Тоҷикистон аз дасти ғоратгарон кушта шуд

287
(Таҷдидшуда 09:48 17.12.2018)
Ғоратгарон Иван Поляковро барои 2800 сомонӣ, як бухорӣ (печка) ва телефонаш латукӯб карда, ба қатл расондан

ДУШАНБЕ, 17 дек — Sputnik. Иван Поляков, қаҳрамони чоркаратаи Тоҷикистон дар гуштини юнониву румӣ ва тарзи озод ва Муррабии шоистаи Тоҷикистон, шаби 8 декабр дар манзилаш дучори ҳамла ва латукӯби ғоратгарон шуда, рӯзи 13 декабр дар бемористони Қарияи боло даргузашт, иттилоъ додааст tajikistantimes.com.

Бино бар иттилои манбаъ, шаби 8 декабр як гуруҳи шахсони номаълум ба манзили Иван Поляков дар шаҳри Душанбе ҳамла намуда, ӯро шадидан латукӯб карда, аз манзилаш 2800 сомонӣ, як бухориву телефон ва чанд чизи дигарро дуздиданд.

Ҷасади Поляковро шогирдонаш пайдо карда, ба бемористони Қарияи боло бурдаанд, вале табибон ӯро натавонистанд наҷот бидиҳанд.

Иван Поляковро рӯзи 14 декабр дар шаҳри Душанбе ба хок супурда шуд.

Манбаъ таъкид намудааст, ки кормандони милисаи ноҳияи Исмоили Сомонӣ алакай се нафарро бо гумони даст доштан дар ҳодисаи мазкур дастгир намуданд.

Иван Иванович Поляков моҳи августи соли 1936 дар вилояти Тамбови Русия ба дунё омада буд. Вай устоди варзиши Иттиҳоди Шӯравӣ буда, чор маротиба сазовори унвони қаҳрамони Тоҷикистон дар гуштин шудааст – се маротиба дар гуштини юнониву румӣ ва як маротиба – дар гуштини тарзи озод.

Иван Поляков яке аз маъруфтарин мураббиёни гуштини юнониву румӣ дар Тоҷикистон ба шумор мерафт. Вай унвони мураббии шоистаи Тоҷикистон дошт.

287
Барчаспҳо:
душанбе, чеҳраҳои шинохта, кушта шуд, ғоратгарӣ, Мураббии шоистаи СССР, Тоҷикистон
Жители города Душанбе в защитных масках на улице

Омори нави ошкоршавӣ, табобат ва фавт аз коронавирус дар Тоҷикистон

940
(Таҷдидшуда 18:24 30.05.2020)
Дар ин лаҳзаҳои ҳассос аз тамоми сокинони кишвар даъват ба амал оварда мешавад, ки ҷиҳати пешгирии сирояти мазкур пеш аз ҳама, қоидаҳои беҳдошти шахсиро қатъиян риоя намоянд

ДУШАНБЕ, 30 май — Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба Sputnik Тоҷикистон иттилоъ дод, ки то имрӯз, 30 майи соли равон дар мамлакат 2076 нафар зери назорати табибон қарор доранд.

Бино бар иттилои  манбаъ, дар як шабонарӯзи охир 375 нафар пас аз шифо ёфтан ба хонаҳояшон рухсат дода шудаанд.

Ҳамзамон, то соати 17:40 дақиқаи 30 май дар кишвар 3807 нафар бо ташхиси сирояти коронавируси нави КОВИД-19 ошкор гардида, аз ин беморӣ то кунун дар мамлакат 1865 нафар шифо ёфтаанд.

"Ҳамзамон, то санаи зикргардида дар мамлакат аз ин беморӣ 47 нафар фавтидаанд", - омадааст дар иттиои манбаъ.

Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд,афзудааст вазорат.

Дар ин лаҳзаҳои ҳассос аз тамоми сокинони кишвар даъват ба амал оварда мешавад, ки ҷиҳати пешгирии сирояти мазкур пеш аз ҳама, қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст

940
Пограничная вышка, архивное фото

Тавофуқ барои аломатгузории 60 дарсад аз хатти марзии Тоҷикистон ва Қирғизистон

218
(Таҷдидшуда 17:15 30.05.2020)
Мақомоти Қирғизистон аз тавофуқ барои аломатгузории 60 дарсад аз хатти марзӣ бо Тоҷикистон хабар доданд

ДУШАНБЕ, 30 май — Sputnik. Ин тавофуқ дар натиҷаи музокироти намояндагони ду кишвар ҳосил шуда, вале мутаассифона, ҳанӯз иҷроӣ нашудааст, иттилоъ додааст хабаргузории “Парстудей” дар истинод ба сомонаи хабаргузории давлатии Қирғизистон.

Бино бар иттилои манбаъ, дар се даҳаи музокираи марзии муштараки мақомоти Қирғизистон ва Тоҷикистон 38 бор намояндагони ҳукумат, 48 маротаба гурӯҳҳои нақшабардорӣ ва 21 бор гурӯҳҳои ҳуқуқии ду кишвар аломатгузории муштараки ин ду кишварро баррасӣ карданд.

Ёдрас мешавем, ки санаи 24-уми май дар Рӯзи Иди моҳи шарифи Рамазон дар марз тирандозие дар ҳудуди деҳаи Пули Офтобрӯяи ҷамоати Ворух сар зад, ки дар он сарбози қатории нереуҳои марзбонии Тоҷикистон Давлатёр Зоирови 19-сола аз пояш захмӣ шуд.

Пеш аз он, рӯзи 8 май дар натиҷаи муноқиша дар Чоркӯҳ ду шаҳрванди Тоҷикистон ва як шаҳрванди Қирғизистон захмӣ шудаанд.

Тоҷикистону Қирғизистон 976 километр марз доранд, ки то кунун 504 километри он муайян ва аломатгузорӣ шудааст.

Ду кишвар солҳои сол аст, ки наметавонанд  сари ин масъала ба тавофуқ расанд ва ба ин муноқишаҳои марзӣ хотима бахшанд. Ҷанҷолу тирандозӣ дар минтақаҳои марзӣ барои обу замин ва чарогоҳ сурат мегирад ва баъзан ба хунрезӣ мубадал мегардад.

 

218
Барчаспҳо:
хатти марз, аломатгузорӣ, тавофуқ, Қирғизистон, Тоҷикистон
Карантин в Узбекистане

Карантин дар Ӯзбкистон тамдид шуд: то 15 июн

0
(Таҷдидшуда 18:33 30.05.2020)
Дар қисматҳои "сабз" аз рӯзи душанбе аллакай майдонҳои варзишӣ, санаторияҳо, меҳмонхонаҳо ва урдугоҳҳо ба фаъолият медароянд

ДУШАНБЕ, 30 май — Sputnik. Дар Ӯзбекистон карантин то 15 июни соли равон тамдид шуд. Қарори мазкур аз ҷониби комиссияи мубориза бо коронавирус қабул шудааст.

"Чораҳои маҳдудкунанда ба хотири паҳншавии камтари вируси корона дар Ӯзбекистон то 15 июн тамдид шуд", - гуфта мешавад дар шабакаи телеграмии Вазорати адлия.

Ӯзбекистон бинобар афзоиши COVID-19 қарантинаро шадидтар мекунад

Мувофиқи қарори комиссия дар қисматҳои "зард" кори ташкилотҳое, ки ба омода кардани ронандаҳо, мақомоти давлатӣ ва марказҳои хизматрасонӣ оғоз хоҳад шуд.

Дар қисматҳои "сабз" аз рӯзи душанбе аллакай майдонҳои варзишӣ, санаторияҳо, меҳмонхонаҳо ва урдугоҳҳо ба фаъолият медароянд.

Пойтахти Ӯзбекистон пурра карантин шуд: гирифторони коронавирус дар ин кишвар меафзояд

"Дар баробари ин чорабиниҳо танҳо дар миқёси маҳалли зист баргузор карда мешаванд ва шумораи меҳмонон набояд аз 30 нафар бештар бошад", - омадааст дар хабарнома.

Ёдрас мешавем, ки аз 1 апрел то 1 июн мақомоти Ӯзбекистон дар шаҳри Тошканд ва дигар манотиқи кишвар чораҳои маҳдудкунандаро ҷорӣ кард.

Ва аз 30 апрел қисман низоми шадидро сусттар кард.

0
Барчаспҳо:
тамдид, вируси нав, Ӯзбекистон
Мавзуҳо:
Пайомадҳои COVID-19 дар Тоҷикистон ва ҷаҳон