Вручения верительных грамот Императору Японии Акихито

Мирзошариф Ҷалолов ба Императори Ҷопон Эътимоднома супорид

171
(Таҷдидшуда 11:42 29.12.2018)
Дар оғози маросими супоридани Эътимоднома Император Акихито сафирро ба муносибати таъйин гардиданаш муборакбод карда, дар иҷрои вазифаҳои рисолати дипломатӣ муваффақиятҳо орзу кард

ДУШАНБЕ, 29 дек - Sputnik. Бино бар иттилои дафтари матбуоти вазорати корҳои хориҷаи Тоҷикистон 26 декабри соли равон  Сафири Фавқулодда ва Мухтори Тоҷикистон дар Ҷопон Мирзошариф Ҷалолов Эътимодномаи худро ба Императори Ҷопон Акихито супорид.

“Сафири Тоҷикистон паёми гарм ва таманниёти неки Президенти Тоҷикистон Эмомалӣ Раҳмонро ба Императори Ҷопон Акихито расонид”, - таъкид намудааст манбаъ.

Инчунин вазорати хориҷа иттилоъ додааст, ки пас аз супоридани Эътимоднома миёни Император ва сафири Тоҷикистон сӯҳбати кутоҳе баргузор шуд, ки дар он доир ба таҳкими минбаъдаи ҳамкориҳои ду кишвар дар партави тааҳҳудоти дар рафти сафари расмии Президенти Тоҷикистон ба Япония дар моҳи октябри соли ҷорӣ  ба даст омада мубодилаи афкор сурат гирифт.

Лозим ба ёдоварист, ки 19 октябри соли равон Эмомалӣ Раҳмон, раисиҷумҳури Тоҷикистон, Ҳамрохон Зарифиро аз мақоми сафир дар Ҷопон барканор карда, ба ҷои ӯ Мирзошариф Ҷалоловро таъйин кард.

Мирзошариф Ҷалоловро қаблан сафир дар Ҳиндустон, Непал ва Бангладеш буд.

Ҷалолов ҷойгузини Зарифӣ дар мақоми сафир дар Ҷопон шуд. Ҳамрохон Зарифӣ, собиқ вазири умури хориҷии Тоҷикистон аз ходимони шинохтаи давлатии кишвар мебошад, ки моҳи декабри соли равон 70-сола шуд. 

171
Барчаспҳо:
сафири нав, Ҷопон, супоридани эътимоднома, эътимоднома, қабули эътимоднома, эътимодномаи сафири ҶТ, Тоҷикистон
Тонущий человек, архивное фото

Корманди БДА дар Суғд донишҷӯдухтарро аз худкушӣ наҷот дод

25
Раҳматзода Даврон, муовини сардори Бозрасии давлатии автомобилии Суғд ҳамин чанд лаҳза пеш бо иҷрои як амали фаврии худ, аз худкушии як донишҷӯдухтар дар Сирдарёи Хуҷанд пешгирӣ кард

ДУШАНБЕ, 29 сен – Sputnik. Чанд нафар аз шоҳидони ҳодиса ба Sputnik Тоҷикистон гуфтанд, ки ҳудуди як соат пеш як донишҷӯдухтари тақрибан 18 - сола ба қасди худкушӣ худро аз болои пул ба дарё сарозер намудааст.

Раҳматзода, ки ин ҳангом барои иҷрои вазифаҳои хидматӣ аз болои купрук мегузашт, манзари ғарқшавиро дида, фавран бо қаиқ ба маҳалли ҳодиса шитофта, донишҷӯдухтарро, ки дар ҳоли фурӯрафтан ба коми дарё буд, ҳамроҳ бо кормандони ситоди ҳолатҳои фавқулода аз об зинда берун кашидаанд.

Фахриддини Аваззод, корманди БДА Суғд дар суҳбат ба Sputnik Тоҷикистон гуфт, ба маҳзи кӯшиши ҳамкораш Раҳматзода ва кормандони КҲФ дар Суғд, он духтарча аз вартаи худкушӣ раҳо шудааст.

"Агар Раҳматзода ва кормандони КҲФ фавран ба қаҳри дарё намерасиданд, шояд ин донишҷӯдухтар ба ҳалокат мерасид. Худоро шукр, ки зинда монд ва аз ғарқшавӣ наҷот дода шуд”, - иброз намуд, Аваззод.

Ба иттилои манбаъ, зимнан донишҷӯдухтарро ба Бемористони шаҳрии № 1 Хуҷанд интиқол додаанд ва баъди пурра ба худ омадан аз вай сабаби даст ба чунин амал заданашро пурсон мекунанд. Дафъаҳои охир хабарҳо дар бораи даст ба худкушӣ задани шаҳрвандон дар руду обанборҳо зиёд ба нашр мерасад.

"Кӯмак кунед, кӯмак кунед": як ҷавони тоҷик дар Русия ғарқ шудааст

Субҳи имрӯз, дафтари матбуоти КҲФ Тоҷикистон аз дарёфти ду ҷасад аз дарёи Вахш хабар дод. Бар пояи эълони КҲФ зани 31 - солаи сокини ноҳияи Ёвон рӯзи 27 сентябр ҳамроҳ бо духтарчаи 9 - солааш дар дарёи Вахш ғарқ шуд.

25
Барчаспҳо:
донишҷӯдухтар, ғарқ, Суғд
Здание МИД РТ в Душанбе, архивное фото

Нигаронии Тоҷикистон аз даргириҳои шадид дар Қарабоғи Кӯҳӣ: даъват ба оташбас кард

107
(Таҷдидшуда 18:22 28.09.2020)
Тоҷикистонро низ вазъияти Қарабоғи Кӯҳӣ бетараф нагузошт. Ҳукумати кишвар дар робита ба даргириҳои шадиди миёни Озарбойҷону Арманистон амиқан изҳори нигаронӣ кард

ДУШАНБЕ, 28 сен — Sputnik. Вазорати умури хориҷии Тоҷикистон дар робита ба вазъияти Қарабоғи Кӯҳӣ изҳороти расмӣ нашр намуд.

Дар изҳороте, ки торномаи ВУХ нашр намудааст, гуфта мешавад, ки Тоҷикистон аз задухӯрди низомӣ байни Ҷумҳурии Озарбойҷон ва Ҷумҳурии Арманистон амиқан изҳори нигаронӣ менамояд.

"Аз ҷонибҳо бо исрор даъват мекунем, ки барои қатъи амалиёти ҳарбӣ чораҳои таъхирнопазир андешанд. Бар онем, ки ҳалли низоъ дар Кӯҳистони Қаробоғ танҳо бо роҳҳои сиёсиву дипломатӣ имконпазир аст", - таъкид мешавад дар хабари вазорат.

Зимнан, Тоҷикистон аҳамияти истисноии ҳалли мусолиматомези ихтилофоти мавҷударо дар чаҳорчӯби меъёрҳои пазируфтаи байналмилалӣ таъкид менамояд.

Даргириҳои шадид дар Қарабоғи Кӯҳӣ: даҳҳо нафар аз ду ҷониб куштаву захмӣ шуданд - акс

Ёдовар мешавем, субҳи рӯзи якшанбе, вазорати дифоъи Озарбойҷон эълом кард, ки нерӯҳои мусаллаҳи Арманистон ба маҳалҳои аҳолинишини хатти тамос дар Қарабоғ тирандозӣ кардаанд.

Ҳарду ҷониб якдигарро дар шиддат гирифтани мухолифат муттаҳам карданд. Ин даргирӣ миёни аҳолии осоишта низ маҷруҳ ва ҳалокшудаҳо барҷой гузошт.

107
Барчаспҳо:
даргирӣ, Қарабоғи Кӯҳӣ, изҳорот, Тоҷикистон