Нафақахӯр аз Хуҷанд даст ба қаллобӣ задааст

© Sputnik Наручники, архивное фото
Наручники, архивное фото - Sputnik Тоҷикистон
Обуна шудан
Кормандони милитсияи Тоҷикистон марди 72-соларо дастгир намуданд, ки даст ба қаллобӣ задааст

ДУШАНБЕ, 9 янв - Sputnik.  Бино бар иттилои дафтари матбуоти Вазорати умури дохилаи Тоҷикистон, кормандони милитсия марди нафақахӯри 72-солаи сокини шаҳри Хуҷандро бо гумони қаллобӣ дастгир намуданд.

Бангдона. Акс аз бойгонӣ - Sputnik Тоҷикистон
Дар ҳавлии як сокини куҳансол беш аз сад дона бангдона ошкор шуд

Ба иттилои манбаъ, номбурда қаблан бо моддаи 247 қисми 4 Кодекси ҷиноятии Тоҷикистон маҳкум шуда буд. 

Инчунин ба иттилои манбаъ, номбурда, рӯзи 3-юми октябри соли 2014 ҳангоми дар ҶДММ “Базеб”-и шаҳри Хуҷанд фаъолият намуданаш, бо роҳи фиреб ба боварии зани 28-солаи сокини шаҳри Бӯстон даромада, ҳуҷраи истиқоматии №25, воқеъ дар бинои №29 “а”-и маҳаллаи 12-и шаҳри Хуҷандро, ки ба зани 46-солаи сокини шаҳри мазкур тааллуқ дошт, ба маблағи 35 ҳазор доллари амрикоӣ фурӯхта, аз он 15 ҳазор доллари амрикоиро баргардонида, боқимонда 20 ҳазор доллари амрикоиро то ҳол барнагардонидааст.

Кормандони милитсия нисбати номбурда парвандаи ҷиноятӣ бо моддаи 247 қисми 4 Кодекси ҷиноятии Тоҷикистон оғоз карда шуда, тафтишот идома доранд.

Лентаи хабарҳо
0