Далери Абдуллох пресс-секретарь компании IRS

Ширкати IRS: тармафароӣ яке аз мушкилоти асосӣ дар роҳи Душанбе-Чаноқ аст

568
Далери Абдуллоҳ, сухангӯи ширкати IRS, ки масъули нигоҳубини роҳи мошингарди Душанбе-Чаноқ мебошад хабар дод, ки кормандони ширкат алакай ба тозакунии оқибатҳои тармафароӣ шурӯъ карданд

ДУШАНБЕ, 14 янв — Sputnik. Ба гуфтаи Далери Абдуллоҳ, сухангӯи ширкати IRS, ҳарчанд дар шаҳр барфу борон дида нашвад, вале дар масири роҳи Душанбе-Чаноқ боришот аз 8 октябр шурӯъ шуда, рӯз аз рӯз шадидтар мешавад.

Вай афзуд, ки мавқеъӣ роҳи Душанбе-Чаноқ муракаб аст. Роҳ дар кӯҳистон ҷойгир аст. Шоҳроҳ бештар фаромадани тарма, сел, сангрезӣ ва лағжидани кӯҳпораҳо осеб мебинад.

“Имрӯз дар масири шоҳроҳ фаромдани тарма шурӯъ шуд. Ҳарчанд боридани барфу борон шурӯъ аз 8 октябр шуда буд, тармафароӣ шурӯъ аз ҳамин рӯз оғоз ёфт. Имрӯз аз соати 6 саҳар то нисфирӯзи кормандони ширкат 11 адад ҳолати тармафароиро тоза намуданд- таъкид кард сухангӯи ширкат.

Вай фаромадани тармаро яке аз мушкилиҳои асосӣ дар роҳи Душанбе-Чаноқ арзёбӣ кард.  

Намояндаи ширкат қайд намудааст, ки дар ҳоли ҳозир вазъ дар роҳ зери назорат аст. Вай ёдрас шуд, ки аз ҳама бештар фаромадани тарма дар зимистони соли 2016 ва 2017 ба қайд гирифта шуда буд. Ҳамон солҳо кормандони ширкат зиёда аз ҳазор тармафароиро бартараф намуданд.

Масири роҳе, ки аз фаромадани тарма бештар осеб мебинанд, ин аз 48 то 73-юм километр ва 152 то 160-ум километр мебошанд. Аммо мушкилтарин нуқта ба гуфтаи намояндаи ширкати IRS, ин роҳ аз минтақаи варзоб то нақби Истиқлол, яъне аз 48 то 73-юм километр будааст.

“Ҳолатҳое, буданд, ки дар ҳамин масир барои бартараф намудани тармафароӣ беш аз 40 техникаву механизмҳои ширкат фаъолият мекарданд. Барои мисол зимистони соли гузашта, дар ҳамин масир барои поккунии тарма  ҳамарӯза ширкат аз 12 то 20 ҳазор литр сӯзишворӣ масраф мекард. 40 техника шабонарӯзӣ  дар се баст кор мекарданд”, -таъкид кард Далер Абдуллоҳ.

Дар ҳамин ҳол сухангӯи ширкат таъкид дошт, ки ҳоло дар сатҳи ҳукумати Тоҷикистон барои пешгирии офатҳои табиӣ бунёди нақбу галереяҳо баррасӣ мешавад.

Вай гуфт, ки  ширкати IRS дар самти сохтмони долонҳои зидди тармавӣ  кор бурда истодааст. Ин кор дар ҳамкорӣ бо вазоратҳои дахлдор ва кумаки бевоситаи сохторҳои ҳукуматӣ сурат гирифта истодааст.

“Ман боварӣ дорам, ки барои ҳамкорӣ дар ин самт дар ояндаи наздик чораҳои зарурӣ андешида мешавад”, афзуд сухангӯи ширкат.

Намояндаи ширкат  таъкид намуд, ки ҳифзит ҳаёти шаҳрвандон болотар аз омилҳои дигар мебошад.  

“Новобаста аз он, ки ширкати саҳомӣ нигаҳдории роҳро бар зимма гирифтааст, мо ҳавасманд нестем, ки ҳаракати воситаҳои нақлиёт қатъ шавад, вале аз лиҳози арзишҳои инсонӣ мо ҳеҷ гоҳ намегузоем, дар мавсими хавф, ки фаромадани тарма зиёд аст воситаҳои нақлиёт ҳаракат кунад. Барои мо ҳифзи ҳаёти ҳамватанонамон болотар аз омилҳои дигар  аст”, - гуфт вай.

Ахиран фармоиши якҷоияи Вазоратҳои умури дохила ва нақлиёт ба тасвиб расид, ки дар ҳамдастӣ бо филиали ширкат дар ҳолатҳои зарурӣ ҳаракати мошинҳои боркаш ва тамоми ҳаракати мошинҳо барои як муҳлати муайян аз ду то чаҳор соат то бартараф намудани ҳолатҳои тармафароӣ боз дошта мешаванд.

Инчунин вай таъкид дошт, ки ширкат барои нигоҳдории роҳ дар сатҳи олӣ тавонманд мебошад. Ширкат барои нигоҳу бини роҳ маблағҳои ҳангуфт масраф мекунад.

Дар ҳоли ҳозир, ширкат дорои беш аз 181 техникаву механизмҳо мебошад. Соли гузашта, ширкати IRS барои бартараф намудани тармаҳо, таҷҳизоти нав ба монанди булдозеру трейлерҳои махсус харидорӣ кардааст.

Далери Абдуллоҳ, сари вақт ба ҷои ҳодиса нарасидани кормандони ширкатро ба бетафовутии баъзе аз ронандоҳо вобаста медонад. 

Вай гуфт, бетафовутии баъзе аз ронандаҳо боиси танбашавии нақлиёт дар роҳи Душанбе-Чаноқ мешавад. Ширкат ба сабаби танбашавӣ наметавонад сари вақт техникаҳои боиқтидорро ба маҳали фаромдани тарма расонад.  

Ба гуфтаи манбаъ, дар соли 2018 ҳудуди 70 километр роҳ ба таъмири куллӣ ва зиёда аз 100 километр роҳ ба таъмирӣ ҷорӣ фаро гирифта шуд. Инчунин ширкат барои нигаҳдории роҳ корхонаи асфалтбарорӣ ва ду корхонаи масолеҳи сохтмонӣ бунёд намудааст.

568
Барчаспҳо:
ифтитоҳи нақби Истиқлол, Варзоб, Душанбе-Чаноқ, масраф, танбашавӣ, ширкати IRS, ширкати IRS, Тоҷикистон
Таджикские мастера готовят подарок к зимней Олимпиаде в Пекине

Туҳфаи устоҳои тоҷик барои Бозиҳои зимистонаи олимпии Пекин

76
Ҷамшед Ҷӯраев ва Насим Негматов ду устои бомаҳорати тоҷик мебошанд, ки шӯҳрати наққошкориҳои онҳо берун аз Тоҷикистон ҳам паҳн шудааст

ДУШАНБЕ, 6 авг — Sputnik. Ҷамшед Ҷӯраев ва Насим Негматов ду устои машҳури тоҷик мебошанд, ки амалҳои ҷолиби наққошии онҳо иншоотҳои фарҳангӣ ва маконҳои дӯстдоштании кишварро оро медиҳанд. Ифтихори котиботи Созмони Ҳамкории Шанхай – толори рамзи қароргоҳи СҲШ – тариқи ҳамин ҳунар оро ёфтааст. 

Ҳамчунин, ороиши павилони СҲШ дар доираи Намоишгоҳи ҷаҳонии санъати боғдорӣ соли 2019 дар Пекин ба Ҷамшед ва Насим супорида шуда буд. Павилони СҲШ миёни меҳмонони намоишгоҳ машҳур шуд, хусусан ҳунари рассомон баҳои баланд гирифт.

Арчаи миллӣ бо розигии Президент: дастур барои насб пеши идораю хонаҳо - аксҳо

Кумитаи милли олимпии Тоҷикистон хабар медиҳад, ки устоҳои тоҷик омодагиро ба Бозиҳои зимистонаи олимпӣ, ки аз 4 то 20 феврали соли 2022 дар Пекин баргузор мешаванд, шуруъ карданд. Тилисми ин чорабинии бузурги варзишӣ – панда бо номи Бин-Дундун интихоб шудааст.

Зимнан, рассомони тоҷик тасмим гирифтаанд якчанд лавҳаро бо наққошии панда – ҳайвони дӯстдори миллионҳо нафар дар ҷаҳон – омода кунанд.

Дар доираи Бозиҳои олимпӣ, онҳо инчунин умед доранд, ки намоишгоҳ ташкил мекунанд ва ҳунарашонро ба пекиниҳо ва меҳмонони пойтахти Чин ошно менамоянд.

76
Барчаспҳо:
тоҷик, усто, туҳфа, Бозиҳои олимпӣ

Вазорати тандурустӣ фавти як дардманди дигар аз коронавирусро тасдиқ кард: омори нав

557
Шабонарӯзи гузашта дар Тоҷикистон боз як маризи дигари коронавирус ба ҳалокат расид. Вазорати тандурустӣ низ фавти як беморро тасдиқ карда гуфт, ки шумораи умумии қурбониён ба 62 нафар баробар шуд

ДУШАНБЕ, 6 авг — Sputnik. Вазорати тандурустӣ омори ҷадиди фавт, сироят ва шифоёбии шаҳрвандони Тоҷикистонро аз коронавирус нашр намуд.

Ба иттилои котиботи вазорати мазкур, шабонарӯзи гузашта боз як маризи дигар аз коронавирус ҷон бохт. Бо илова шудани ҳолати ҷадиди фавт, теъдоди умумии қурбониёни вируси COVID-19  дар кишвар ба 62 нафар баробар шуд.

Вазорат омори тозаи сироят, фавт ва шифоёбӣ аз коронавирус дар Тоҷикистонро эълон кард

Зимнан, вазорат таъйид намуд, ки дар як шабонарӯзи охир 99  нафар гумонбарон зери назорати табибон қарор дошта, 44 нафар баъд аз муолиҷа ба хонаҳояшон рухсат дода шуданд.

Инчунин,  дар як шабонарӯзи охир дар ҷумҳурӣ 40 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ ба  7665  нафар баробар гардид.

Ҳамзамон, то санаи   6 август дар мамлакат  6443 нафар аз бемории COVID-19 шифо ёфтаанд.

557
Барчаспҳо:
омор, Вазорати тандурустӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон

10 миллион нафар дар Афғонистон мубталои коронавирус шуданд

0
(Таҷдидшуда 21:39 06.08.2020)
Вазири тандурустии Афғонистон изҳор доштаст, ки сеяки аҳолии ин кишвар ба маризии сироятии коронавирус мубтало гардидаанд

ДУШАНБЕ, 6 авг — Sputnik. Вазорати тандурустии Афғонистон бо нашри гузорише гуфт, ки дар ин кишвар ҳудуди даҳ миллион, яъне аз се як ҳиссаи аҳолии Афғонистон ба коронавирус гирифтор шудаанд.

Аҳмад Ҷавод Усмонӣ, вазири тандурустии Афғонистон дар нишасти матбуотӣ гуфт, ки ин омор пас аз баррасии натиҷаҳои тести 2500 нафар дар саросари кишвар ба даст омадааст.

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешавад

Ин тестҳо ва баррасиҳо, ки бо кӯмаки Созмони Ҷаҳонии Тандурустӣ анҷом шудааст, таъмин мезанад, ки акнун 31,5 дарсад аз аҳолии Афғонистон ба ин вирус гирифта шудаанд ва бештарин ҳолатҳои гирифторӣ дар Кобул будааст.

Коронавирус дар моҳи феврали соли ҷорӣ бо бозгашти ҳазорон муҳоҷири афғон аз Эрон ба кишварашон ворид шуд.

Дар ҳоли ҳозир таҳқиқоте дар мавриди шумораи ҷонбохтагон ва гирифторон ба ин беморӣ дар Афғонистон идома дорад.

0
Барчаспҳо:
маризӣ, Афғонистон
Мавзуҳо:
Пайомадҳои COVID-19 дар Тоҷикистон ва ҷаҳон