Рустам Эмомали

Ду эроди Рустам Эмомалӣ: ислоҳи камбудӣ дар мактабҳо ва беморхонаҳои Душанбе

940
Рустам Эмомалӣ аз масъулини соҳа тақозо кардааст, ки ҷинояткориро миёни хонандагони мактабҳо пешгирӣ кунанд, "нафарони ғайриихтисос ба соҳаи маориф роҳ дода нашаванд", кормандони соҳаи тандурустӣ бошанд, "сатҳи касбият"-и худро такмил диҳанд

ДУШАНБЕ, 15 янв — Sputnik. Раиси шаҳри Душанбе Рустам Эмомалӣ ҳангоми ҷамъбасти рушди фаъолияти иҷтимоиву иқтисодии Душанбе бештар ба ду мушкилӣ таваҷҷӯҳ намудааст: яке дар соҳаи маориф ва дигаре дар соҳаи тандурустӣ.

Тавре дафтари матбуотии шаҳрдории Душанбе аз маҷлиси вижаи раиси шаҳр ва масъулини соҳаҳо гузориш медиҳад, Рустам Эмомалӣ пеш аз ҳама ба соҳаи маорифи шаҳр эрод гирифтааст.

Ба гуфтаи вай, дар Душанбе бояд пеш аз ҳама ҷинояткориро миёни хонандагон пешгирӣ кард ва донишу малакаи омӯзгоронро тақвият бахшид.

"Раиси шаҳр ба масъулин дастур дод, ки ҷиҳати пешгирии ҷинояткорӣ миёни хонандагони муассисаҳои таълимӣ, баланд бардоштани сатҳи касбияти омӯзгорон, роҳ надодан ба қабули нафарони ғайриихтисос дар соҳаи маориф, пешгирии ҳолатҳои коррупсионӣ ва баланд бардоштани сатҳи таълиму тарбия тадбирҳои ҷиддӣ амалӣ карда шаванд", - гуфта мешавад дар гузориш.

Ҳамчунин, шаҳрдор таъкид намудааст, ки малакаву дониши кормандони тибро низ бояд такмил дод.

"Раиси шаҳр аз нуқсону камбудиҳо дар сохторҳои соҳаи тандурустии шаҳр, таъмини хизматрасониҳои босифати соҳа, такмили сатҳи касбияти кормандони соҳаи тандурустӣ, назорати ҳолати санитарӣ дар муассисаҳои иҷтимоӣ ва хизматрасонӣ, тақвияти корҳои фаҳмондадиҳӣ миёни аҳолӣ ёдовар шуда, ба масъулини дахлдор ҷиҳати сари вақт бартараф намудани норасоиҳо супоришҳои мушаххас дод", - афзудааст манбаъ.

Пештар корбарони шабакаҳои иҷтимоӣ иддао доштанд, ки дар Душанбе мушкилии нақлиёт ҳамоно доғ мемонад. Ба гуфтаи онҳо, ҳарчанд ба шаҳр автобусҳои нав ворид гаштаву хатсайрҳо тағйир дода шуда бошанд ҳам, то ҳол мусофирон барои расидан ба ҷойи лозима мушкилӣ мекашанд.

940
Девочка плачет, архивное фото

"Фарзандбезор нестам": модари кӯдаконе, ки аз дасти падар озор медиданд, наздашон меояд

136
(Таҷдидшуда 16:34 27.05.2020)
Модари ду кӯдаке, ки аз дасти падари худ латукӯб мешуданд, мегӯяд ба Русия танҳо ба хотири пул кор кардан ва соҳиби як сарпаноҳ шудан бо ҳамсар ва фарзандони худ дошт

ДУШАНБЕ, 27 май — Sputnik. Диловар Сафаров блогери тоҷик ахиран бо модари кӯдаконе, ки аз ҷониби падари худ кӯфта мешуданд, ҳамсӯҳбат шуд. Модари ин ду дӯстрӯяк мегӯяд, аз пайи харид кардани чипта аст ва агар имкон пайдо кунад, фавран ба Тоҷикистон бармегардад ва кӯдаконашро бозпас мегирад.

"Ман модари фарзандбезор нестам. Ман худ аз падару модарам ятим мондам ва кӯдакони худро бесоябон намемонам", - мегӯяд ӯ.

Модари ин ду тифли бегуноҳ бо овози ларзону гирён қисса намуд, ки дар хонаи шавҳари худ ҳарчанд ғуломвор хизмат мекард, аммо пайваста аз ҷониби ҳамсар ва хушдомани худ озор медид.

"Пас аз он ки ҳамсари ман бо содир намудани ҷинояте пушти панҷара рафт, ман бо маслиҳати хушдоманам ба муҳоҷират рафтам", - гуфт модари кӯдакон.

Ба гуфтаи ӯ, фарзандони худро танҳо ба хотири таъмин кардани онҳо бо хонаи зист тарк кард.

Аммо дар 1 солу чор моҳе, ки аз назди кӯдакони худ дур буд, тамоми маблағи коркардаи худро бо таҳдиди падари фарзандонаш ба ӯ ирсол мекард.

Ба нақли ӯ, ҳамсараш фарзандони кӯчаки худро мавриди латукӯб қарор медод ва ин лаҳзаҳоро навор бардошта ба вай мефиристод.

"Таҳдид мекард, то маблағ фиристам ва кӯдаконам беозор монанд".

Қаблан Диловар Сафаров бо хушдоман ва ду кӯдаки ин модар ҳамсӯҳбат шуда буд ва фарзандони ӯ ба такрор мегуфтанд, ки "додомон хуб аст ва моро намезанад".

Аммо модари кӯдакон бар ин назар аст, ки онҳоро тарсонданд ва аз тарси ҷони кӯчаки худ ҳама чизро рад мекарданд.

"Ман бармегардам ба назди кӯдаконам. Онҳо бо дидани ман қувват мегиранд ва тарс низ аз қалби онҳо дур мешавад. Он замон ҳама чизро ба ман такроран қисса мекунанд".

Номбурда ба тамоми мардуми Тоҷикистон барои бетараф набудани онҳо дар қиболи тақдири ду кӯдакаш изҳори миннатдорӣ намуд ва умед баст, ки дар наздиктарин фурсат ба Тоҷикистон бармегарад ва ҳама чизро равшану возеҳ ба мардум мерасонад.

136
Мужчина с ножом в руках, архивное фото

ВКД: Ноболиғи 17-сола ҳамсолашро бо се зарби корд кушт

164
(Таҷдидшуда 14:37 27.05.2020)
Кормандони милитсияи Тоҷикистон ноболиғи 17 соларо дар ноҳияи Рӯдакӣ, ки дар қатли як ноболиғи дигар гумонбар дониста мешавад, дастгир намуданд

ДУШАНБЕ, 27  май — Sputnik.  Бино бар иттилои дафтари матбуои вазорати умури дохилаи Тоҷикистон кормандони милитсия ноҳияи Рӯдакӣ сокини ҷамоати деҳоти Чимтеппаи ноҳияи мазкурро, ҳамчун гумонбар дар содир намудани ҷинояти одамкушӣ дастгир карданд.

Ба иттилои манбаъ ҳодиса шаби 26-уми майи соли ҷорӣ, шабона тахминан соати 00:17-дақиқа рух додааст.

Манбаъ мегӯяд, номбурда, дар назди манзили истиқоматиашон бо ноболиғи 17-солаи сокини ҷамоати деҳоти мазкур ҷангу ҷанҷол карда, бо корди дар дасташ буда 3 -маротиба ба бадани номбурда зада, аз ҷойи ҳодиса ғайб задааст.

“Дар натиҷа, ҷабрдида ҷароҳати вазнини ҷисмонӣ бардошта, ҳангоми ба беморхона бурдан дар роҳ ба ҳалокат расидааст”,-афзудааст манбаъ.

ВУД мегӯяд, аз рӯи ҳодисаи мазкур тафтишот идома дорад.

Ёдовар мешавем кормандони милитсияи ноҳияи Варзоб ноболиғи 17 соларо дар, ки дар қатли як ноболиғи дигар гумонбар дониста мешуд, дастгир намуданд

164
Барчаспҳо:
қатл, ноболиғ, ВКД, Рӯдакӣ, Тоҷикистон