Заседание правительства Республики Таджикистан

Чӣ бурдему чӣ бохтем: баргузории Маҷлиси ҷамъбастии Ҳукумат

1244
Раисҷумҳури Тоҷикистон дар як маҷлиси ҳукуматӣ дастоварду камбудиҳои соҳаҳои гуногуни Тоҷикистонро таҳлил хоҳад кард

ДУШАНБЕ, 19 янв — Sputnik. Кишвардори Тоҷикистон Эмомалӣ Раҳмон рӯзи 21 январ дар маҷлиси ҷамъбастии Ҳукумат дастоварду камбудиҳои соҳаҳои гуногуни Тоҷикистонро дар соли 2018  таҳлил хоҳад кард, хабар медиҳад манбаи  Sputnik Тоҷикистон.

Дар маҷлиси ҷамъбастӣ дар Душанбе, ки таҳти роҳбарии раисҷумҳур баргузор мешавад, раисони вилояту шаҳру навоҳӣ, раёсату идораҳо ва вазоратҳо иштирок хоҳанд кард.

Ёдрас мешавем, 28 декабр таҳти раёсати раисҷумҳури Тоҷикистон Эмомалӣ Раҳмон ахирон Маҷлиси Ҳукумати Ҷумҳурии Тоҷикистон дар соли 2018 баргузор гардид.

Дар он масъулин чанд қарори вижа қабул карданд, ки яке аз онҳо дар бораи таъсис муассисаи давлатии нав - “Бизнес-инкубатори Тоҷикистон” мебошад.

Бино бар иттилои дафтари матбуоти раисҷумҳур, дар кори маҷлис нахуст масъала “Дар бораи Нақшаи кори Ҳукумати Ҷумҳурии Тоҷикистон дар нимсолаи якуми соли 2019” мавриди баррасӣ қарор гирифт.

Вазири молия Файзиддин Қаҳҳорзода дар бораи иҷрои буҷет, вазири рушди иқтисод  Неъматулло Ҳикматуллозода дар бораи лоиҳаи чанд қонун дар назди раисҷумҳур ва иштирокдорон гузориш доданд.

Раисҷумҳури Тоҷикистон масъулинро ҷиҳати таъмини иҷрои саривақтии дастуру супоришҳо, нишондиҳандҳои Паём, омодагии ҳамаҷониба ба истиқболи ҷашни бузурги миллӣ — 30 — солагии Истиқлолияти давлатии Ҷумҳурии Тоҷикистон, вазифадор намудааст.

1244
Денежные купюры.

Бонки миллӣ арзиши рубл, доллар ва евроро барои имрӯз эълон кард

34
(Таҷдидшуда 01:21 21.10.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз, 19 октябр эълон кардааст

ДУШАНБЕ, 21 окт — Sputnik. Тибқи нишондодҳои Бонки миллии Тоҷикистон арзиши 1 рубли русӣ барои имрӯз 0.1324 сомонӣ  ва дар бозори нақд бошад 0.1350 сомонӣ нишон дода шудааст.

 Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз 10.3385 то 10.3400 сомонӣ арзёбӣ кардааст. 

Бонки миллӣ қурби миёнаи фурӯши 1 евроро аз 12.2077 то 12.4000сомонӣ арзёбӣ кардааст.

Дар бонкҳои дигари кишвар, аз ҷумла “Бонки Эсхата” нишондоди асъор  нисбат ба дигарон каме болотар нишон дода шудааст.

Ин бонк хариду фурӯши 1 рублро имрӯз аз 0,1370 то 0,1395 сомонӣ муқаррар кардааст.

Дар “Спитаменбонк” бошад арзиши 1 рубл аз 0.132 то 0.141 ва дар “Алифбонк” бошад 1 рубл аз 0,1325 то 0,1415 сомонӣ нишон дода шудааст.

Раиси Бонки миллӣ аз мардуми Тоҷикистон хостааст долларҳоро дар хона нигаҳ надоранд

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

34
Барчаспҳо:
қурби асъор, Бонки миллӣ, Тоҷикистон
Заместитель премьер-министра Таджикистана Азим Иброхим, архивное фото

Пешниҳоди Расулзодаву дастгирии Раҳмон: Азим Иброҳим вазири нақлиёт вазифаи нав гирифт

230
(Таҷдидшуда 09:37 21.10.2020)
Азим Иброҳим, вазири нақлиёти Тоҷикистон, ки чанде пеш аз курсии муовини сарвазир ба ин мансаб расид, вазифаи нав гирифт

ДУШАНБЕ, 21 окт – Sputnik.  Номбурда дар баробари, вазири нақлиёти Тоҷикистон ҳамзамон раиси Комиссияи миллии Тоҷикистон дар Долони байналмилалии нақлиётии Аврупо –Қофқоз - Осиё  (ТРАСЕКА) таъин гардид, хабар дошдааст, дафтари матбуотии вазорат.

Ба иттилои манбаъ, номзадии вазири нақлиёт ба ҳайси раиси Комиссияи миллии Тоҷикистон дар ТРАСЕКА бо дарназардошти тағйироти кадрӣ дар Вазорати наќлиёт аз ҷониби Қоҳир Расулзода, сарвазири кишвар пешниҳод гардида, аз тарафи раисиҷумҳур Эмомалӣ Раҳмон  ин пешниҳод  ҷонибдорӣ ёфт.

Барномаи ТРАСЕКА соли 1993 дар асоси Эъломияи Брюссел бо иштироки Арманистон, Озарбойҷон, Гурҷистон, Қазоқистон, Қирғизистон, Тоҷикистон, Туркманистон ва Узбакистон таъсис дода шуд ва дере нагузашта, Молдова, Муғулистон ва Украина шомил шуданд. Соли 2000 - Туркия, Руминияву Булғористон ва соли 2009 - Эрон ба ин барнома ҳамроҳ шуданд.

Бар пояи барнома  бояд кишварҳои аъзо ба роҳҳои алтернативии рафтуомад ва интиқоли бор ба Аврупо имкон ёбанд.

Тоҷикистонро қаблан дар ин Долони байналмилалии “ТРАСЕКА” Худоёрзода Худоёр, вазири нақлиёти Тоҷикистон ва қабл аз ӯ Давлаталӣ Саид, муовини якуми сарвазири Тоҷикистон муаррифӣ мекард.

230
Барчаспҳо:
Эмомалӣ Раҳмон, Қоҳир Расулзода, Азим Иброҳим, вазири нақлиёт, сарвазир, президент, Тоҷикистон