Ҷонибек Муродов, акс аз бойгонӣ

Ҷонибек дар бораи ҳунари Шабнам, ранҷидан аз Юлдуз, “вискӣ”, Қадам ва филми урён - навор

10032
Ҷонибек Муродов, ки ба гуфтаи худаш тайи солҳои охир аз суҳбат бо рӯзноманигорон худдорӣ мекард, бо “Iron King” мусоҳиба анҷом дода, ба бархе суолҳои баҳсбарангез аз ҳаёту эҷодиёташ низ посух додааст

ДУШАНБЕ, 20 янв — Sputnik. Муродов дар ин суҳбат аз бархе рӯзноманигорон гила кардааст, ки изҳороти ӯро ба таври худ пешниҳод мекарданд ва ин боис шуд, ки ӯ солҳои охир аз суҳбатҳои расонаӣ дар Тоҷикистон худдорӣ кунад.

Овозхони шинохтаи тоҷик дар ин мусоҳибаи беш аз 45-дақиқаӣ, аз паҳлуҳои гуногуни ҳаёту эҷодиёташ нақл кардааст, ки аз ранҷидан аз Юлдуз Усмонова дар рӯзи мавлуд то хатоиҳои давраи ҷавониро дар бар мегирад.

Ӯ аз ҷумла бо таъриф аз ҳунари Шабнами Сурайё, солҳои ҳамкорӣ ва сафарҳои муштаракашонро тавсиф кардааст.

Муродов дар мавриди ҳамкорӣ бо Қадами Қурбон гуфт,  суруди нав омезиши зарби тоҷикии хатлонӣ бо ғарбӣ буда, намоҳанги онро худаш коргардонӣ хоҳад кард.

Дар мавриди ангезаи ҳамкорӣ, Ҷонибек Муродов гуфт, мехоҳад ба ин восита барои пешрафти эҷодию ҳаёти Қадами Қурбон мусоидат кунад, то ӯ дар Душанбе ҳам соҳиби дару хона шавад.

Ҷонибек Муродов инчунин дар ин мусоҳиба иштирокаш дар тӯйҳо, канорагирӣ аз май, “фонограмма”, сабташ дар як филме, ки саҳнаҳои урён дошт ва нақша барои сабти як филми сатҳи ҷаҳонӣ дар бораи падараш - Ҷӯрабек Муродовро шарҳ додааст.

10032
Президент Республики Таджикистан Эмомали Рахмон

Тағйироти кадрӣ бо 7 фармони Раҳмон: аз мақоми нави Давлаталӣ Назрӣ то сардори разведка

1465
(Таҷдидшуда 21:03 28.09.2020)
Эмомалӣ Раҳмон, раисиҷумҳури Тоҷикистон, имрӯз бо имзои 7 фармону як қарор дар сохтори Вазорати умури хориҷӣ ва Гвардияи миллии ҷумҳурӣ тағйироти кадрӣ анҷом дод

ДУШАНБЕ, 28 сен — Sputnik. Бо фармони раисиҷумҳур, полковник Сатторов Ҳасан Мирзоевич сардори Раёсати разведкаи Гвардияи миллии Ҷумҳурии Тоҷикистон таъйин гардид.

Раҳимзода Султон Нурмаҳмадпур бо фармони раисиҷумҳур аз вазифаи сафири Тоҷикистон дар Ҳиндустон озод гардида, бо қарори Эмомалӣ Раҳмон раиси Кумитаи иҷроияи Фонди байналмиллалии наҷоти Арал таъйин шуд.

Бобокалонзода Луқмон сафири нави Тоҷикистон дар Ҳиндустон таъйин гардид.

Холбобоев Файзулло Самадович бо сабаби ба кори дигар гузаштан аз вазифаи сафири Тоҷикистон дар Украина озод гардида, ба ҷои ӯ Назризода Давлаталӣ Ҳайдар, сафири Тоҷикистон дар Украина таъйин шуд.

Имом Шарофиддин Зуҳуриддинзода бо сабаби ба нафақа баромадан аз вазифаи сафири Тоҷикистон дар Ҷумҳурии Исломии Афғонистон озод карда шуд. Шарифӣ Саъдӣ сафири нави Тоҷикистон дар Ҷумҳурии Исломии Афғонистон таъйин гардид.

1465
Тонущий человек, архивное фото

Корманди БДА дар Суғд донишҷӯдухтарро аз худкушӣ наҷот дод

689
Раҳматзода Даврон, муовини сардори Бозрасии давлатии автомобилии Суғд ҳамин чанд лаҳза пеш бо иҷрои як амали фаврии худ, аз худкушии як донишҷӯдухтар дар Сирдарёи Хуҷанд пешгирӣ кард

ДУШАНБЕ, 29 сен – Sputnik. Чанд нафар аз шоҳидони ҳодиса ба Sputnik Тоҷикистон гуфтанд, ки ҳудуди як соат пеш як донишҷӯдухтари тақрибан 18 - сола ба қасди худкушӣ худро аз болои пул ба дарё сарозер намудааст.

Раҳматзода, ки ин ҳангом барои иҷрои вазифаҳои хидматӣ аз болои купрук мегузашт, манзари ғарқшавиро дида, фавран бо қаиқ ба маҳалли ҳодиса шитофта, донишҷӯдухтарро, ки дар ҳоли фурӯрафтан ба коми дарё буд, ҳамроҳ бо кормандони ситоди ҳолатҳои фавқулода аз об зинда берун кашидаанд.

Фахриддини Аваззод, корманди БДА Суғд дар суҳбат ба Sputnik Тоҷикистон гуфт, ба маҳзи кӯшиши ҳамкораш Раҳматзода ва кормандони КҲФ дар Суғд, он духтарча аз вартаи худкушӣ раҳо шудааст.

"Агар Раҳматзода ва кормандони КҲФ фавран ба қаҳри дарё намерасиданд, шояд ин донишҷӯдухтар ба ҳалокат мерасид. Худоро шукр, ки зинда монд ва аз ғарқшавӣ наҷот дода шуд”, - иброз намуд, Аваззод.

Ба иттилои манбаъ, зимнан донишҷӯдухтарро ба Бемористони шаҳрии № 1 Хуҷанд интиқол додаанд ва баъди пурра ба худ омадан аз вай сабаби даст ба чунин амал заданашро пурсон мекунанд. Дафъаҳои охир хабарҳо дар бораи даст ба худкушӣ задани шаҳрвандон дар руду обанборҳо зиёд ба нашр мерасад.

"Кӯмак кунед, кӯмак кунед": як ҷавони тоҷик дар Русия ғарқ шудааст

Субҳи имрӯз, дафтари матбуоти КҲФ Тоҷикистон аз дарёфти ду ҷасад аз дарёи Вахш хабар дод. Бар пояи эълони КҲФ зани 31 - солаи сокини ноҳияи Ёвон рӯзи 27 сентябр ҳамроҳ бо духтарчаи 9 - солааш дар дарёи Вахш ғарқ шуд.

689
Барчаспҳо:
донишҷӯдухтар, ғарқ, Суғд