Падари 3 писар, забондон, собиқ корманди телевизион: сафири нави ИМА дар Тоҷикистон кист?

465
Ҷон Марк Поммершайм, сафири нави ИМА дар Тоҷикистон таъин шудааст

ДУШАНБЕ, 28 янв — Sputnik. Тибқи иттилои сафорати ИМА дар Тоҷикистон, Поммершайм ба мақоми сафир 7 январ таъин гардида, ба зудӣ ба Тоҷикистон меояд.

Доналд Трамп, раисиҷумҳури ИМА, моҳи сентябри соли 2018 номзадии Ҷон Марк Поммершаймро ба мақоми сафири ИМА дар Тоҷикистон пешниҳод карда буд.

Ӯ  солҳои 2015 - 2018 дар мақоми ноиби роҳбари намояндагӣ дар шаҳри Остонаи Қазоқистон  кор кардааст. Аз ин пештар дар мақоми мудири бахши Қафқоз ва мухолифатҳои минтақавӣ дар Бюрои Аврупо ва Авруосиёи Департаменти давлатии ИМА кор кардааст. Ӯ масъули муносиботи ИМА бо Арманистон, Озарбойҷон ва Гурҷистон будааст.

Поммершайм тайи собиқаи дипломатияш дар мақомҳои гуногун дар Вашингтон, инчунин дар шуъбаи сиёсии сафоратҳои ИМА дар Ҷопон, Чин, Белорус ва Олмон кор кардааст. Ӯ ҳамчунин дар мақоми консули генералии ИМА дар Владивостоки Русия фаъолият доштааст.

Ба иттилои Кохи сафед, Ҷон Марк, хатмкардаи Донишгоҳи Бакнел буда, забони русиро дар донишкадаи давлатии забони русии Пушкин омӯхтааст.

Кохи сафед қаблан Поммершаймро соҳиби 10 ҷоиза муаррифӣ карда, изҳор дошта буд, ки Ҷон Марк донандаи забонҳои русӣ, олмонӣ, ҷопонӣ ва чинӣ мебошад.

Тибқи иттилои сафорати ИМА дар Тоҷикистон, Поммершайм то фаъолияти дипломатияш корманди телевизиони CNN дар Маскав буда, бо ожонсҳои хабарии Гурҷистону Узбакистон ҳамкорӣ кардааст.  Поммершайм зодаи Питтсбург, иёлати  Пенсилвания буда, унвони илмӣ аз донишгоҳҳои Бакнел ва Колумбияро дорад. Ӯ бо Наталя Поммершайм хонадор буда, соҳиби се писар мебошад.

465
Барчаспҳо:
Доналд Трамп, таъин, Тоҷикистон-ИМА
Лампочка, архивное фото

Лимити барқ дар Тоҷикистон: Раҳмон аз Вазорати энергетика чӣ талаб кард

186
(Таҷдидшуда 17:16 26.01.2021)
Президенти Тоҷикистон Эмомалӣ Раҳмон дар бастагӣ бо лимити барқ дар кишвар ба Вазорати энергетика чанд дастур дод

ДУШАНБЕ, 26 янв — Sputnik. Президенти Тоҷикистон Эмомалӣ Раҳмон талаб кард, ки талафоти барқ кам карда шавад.

Роҳбари давлат ёдрас шуд, ки ҳукумати кишвар барои расидан ба истиқлолияти энергетикӣ то ҳол кӯшиш мекунад.

Барои амалӣ шудани ин ҳадаф кишвар нақша дорад ояндаи наздик чанд нерӯгоҳ ифтитоҳ шавад.

Бо вуҷуди ин,-изҳор дошт президент,-дар самти таъмини доимиву устувори неруи барқ ҳанӯз як силсила масъалаҳои муҳими ҳалталаб вуҷуд доранд, ки истифодаи самараноку сарфакоронаи барқ аз ҷумлаи ҳамин масъалаҳо мебошад.

Вай таъкид кард, ки Вазорати энергетика вазифадор мешаванд, ки барқи истеҳсолшавандаро ҳисоб карда, талафоти онро кам кунанд.

Ба гуфтиа президент, имсол сохтмони хатти интиқоли барқи 500 – киловолта аз Неругоҳи барқи обии "Роғун" то зеристгоҳи конвертории "Сангтӯда шурӯъ гардида, Неругоҳи барқи обии “Сарбанд” ба маблағи беш аз 1,5 миллиард сомонӣ пурра таҷдид ва бо иқтидори 270 мегаватт- яъне аз иқтидори имрӯзааш 110 мегаватт зиёд ба истифода супорида шуд.

Лимити барқ нархи ангишт ва ҳезуму таппакро боло бурд

"Корҳо доир ба навсозӣ ҷиҳати кам кардани талафоти неруи барқ ва ҷорӣ намудани низоми муосири баҳисобгирии он дар шаҳрҳои Душанбе, Бохтар, Кӯлоб, Панҷакент, Истаравшан, Исфара, Конибодом, Бӯстон ва ноҳияи Данғара ба маблағи 2,4 миллиард сомонӣ оғоз мегарданд", - таъкид дошт раисҷумҳур.

186
Барчаспҳо:
Вазорати энергетика ва захираҳои об, лимит, барқ, Эмомалӣ Раҳмон, Тоҷикистон
Президент Таджикистана Эмомали Рахмон во Дворце культуры в Матчинском районе

Эмомалӣ Раҳмон дар бораи муҳоҷират: мо имкон дорем, ки мардумро пурра бо кор таъмин намоем

1496
Эмомалӣ Раҳмон гуфт, имкони бо кор фаро гирифтани муҳоҷирини меҳнатӣ дар дохили Тоҷикистон вуҷуд дорад

ДУШАНБЕ, 26 янв — Sputnik. Президенти Тоҷикистон дар Паёми имсолааш ба парлумони Тоҷикистон, ки дар Кохи Сомони шаҳри Душанбе идома дорад, гуфт, соли 2020 бо сабаби пандемияи "вируси корона" 80% - и муҳоҷирини меҳнатӣ натавонистанд ба берун раванд.

"Аз 460 ҳазор нафаре, ки ҳамасола берун мерафтанд, фақат 111 ҳазор рафтаанд. Он чӣ ишора карда истодаам, ин аст, ки мо дар дохили кишвар захираву имконотеро дорем, ки дар оянда боз ҳам беҳтар кор карда, шароити корӣ, корхонаҳои истеҳсолӣ ва кишоварзӣ эҷод намоем ва шароити корӣ фароҳам оварда, мардуми худро пурра бо кор таъмин намоем", - гуфт Эмомалӣ Раҳмон.

Тибқи иттилое, ки Эмомалӣ Раҳмон дар ҷамъи аъзои парлумон эълон кард, соли гузашта дар Тоҷикистон 300 корхонаву коргоҳи саноатӣ таъсис ёфта, беш аз 6,5 ҳазор ҷои кории нав ба вуҷуд омадааст.

Вай афзуд, 157 муассисаи таҳсили умумӣ ва биноҳои иловагӣ барои 63 ҳазор хонанда, 108 муассисаи тиббӣ ва 1,2 млн мураббаъ манзили истиқоматӣ ба истифода дода шудаанд.

“Дар ин давра 193 ҳазор ҷойи кории доимиву мавсимӣ ташкил шуда, даромади пулии аҳолӣ 10% зиёд шудааст”, - гуфт президент.

Вай афзуд, пасандозҳои сокинони Тоҷикистон 17, 2 фисад зиёд шуда, 11,4 миллиард сомониро ташкил додааст, ки гувоҳи зиёд шудани даромади аҳолӣ ва афзоиши эътимоди онҳо ба ташкилотҳои карзӣ аст.

1496
Барчаспҳо:
пешниҳод, Эмомалӣ Раҳмон, муҳоҷират, Тоҷикистон
Избранный президент КР Садыр Жапаров и экс-глава государства Сооронбай Жээнбеков. Архивное фото

Сооронбой Жээнбеков ба маросими савгандёдкунии Содир Ҷабборов даъват шуд

0
(Таҷдидшуда 17:28 26.01.2021)
Ғайр аз президенти ба истеъфорафта - Сооронбой Жээнбеков ба маросими савгандёдкунии президенти нави Қирғизистон, Роза Отунбоева ва чанде аз номзадҳои пешин ба маснади президентӣ, даъват шудаанд

ДУШАНБЕ, 26 январ - Sputnik. Собиқ президенти Қирғизистон Сооронбой Жээнбеков ба маросими савгандёдкунии кишардори навинтихоб Содир Ҷабборов даъват шудааст. Ин хабарро сухангӯи президент Галина Байтерек таъйид кард.

Ба гуфти ӯ, ба маросим савгандёдкунӣ Роза Отунбоева ва чанде аз номзадҳои пешин ба мақоми президентӣ даъват шудаанд.

Жээнбеков, ки се сол дар сари қудрати Қирғизистон буд, пас аз ҳодисоти моҳи октябри соли 2020 ба истеъфо рафт. Содир Ҷабборов, ки он замон иҷрокунандаи вазифаи президент буд, қарор дар бораи собиқ президенти кишвар будани Жээнбековро имзо кард.

Ёдовар мешавем, Содир Ҷабборов зимни ноамниҳои ахир дар Қирғизистон аз маҳбас озод шуд ва нахуствазири ин кишвар таъйин гардид.

Савгандёдкунии хоксорона: Ҷабборов барои масрафоти зиёд аз кортежу банкет даст кашид

Зимнан, дар маракаи интихоботи президентӣ низ ширкат намуда, дастболо шуд. Акнун маросими савгандёдкунии ӯ 28 январ дар толори Филармонияи давлатии Қирғизистон баргузор мегардад.

0
Барчаспҳо:
Қирғизистон, маросими савгандёдкунӣ, савгандёдкунӣ, маросим