Дар Ироқ 5 зани тоҷикро ба ҳабси абад маҳкум карданд

© Sputnik / Рамиль СитдиковНаручники, архивное фото
Наручники, архивное фото - Sputnik Тоҷикистон
Обуна шудан
Занҳое, ки дар Ироқ ба ҳабси абад гирифтор шудаанд сокинони шаҳри Исфараи вилояти Суғд ва ноҳияҳои Фархору Абдураҳмони Ҷомии вилояти Хатлон мебошанд

ДУШАНБЕ, 1 фев - Sputnik. Додгоҳи Ироқ 5 зани тоҷикро бо ҷурми аъзои гуруҳи ДОИШ будан, ба ҳабси абад кашидааст, иттилоъ додааст хабаргузории ТоҷикТА.

Наручники, архивное фото - Sputnik Тоҷикистон
Дар Ироқ 9 шаҳрванди Тоҷикистон барои пайвастан ба ДОИШ ба 20-соли зиндон маҳкум шуданд

Занҳои ба ҳабси абад кашида шуда дар Ироқ сокинони шаҳри Исфараи вилояти Суғд ва ноҳияҳои Фархору Абдураҳмони Ҷомии вилояти Хатлон мебошанд.

Ба гуфтаи дипломати тоҷик, ҳукми додгоҳ нисбати Қурбонова Садорат, Маҷидова Мафтуна, Алиева Гулрухсор, Сайфуллоева Гулбаҳор ва духтараш Қурбонова Маҳфуза рӯзи пайшанбе бароварда шудаасст.

Дар толори додгоҳ намояндагони сафорати Тоҷикистон дар Ироқ иштирок доштаанд.

Аз сабаби набудани тарҷумон додгоҳ ҳукмашро нисбати Ҷаборова Мақсуда, ки сокини шаҳри Панҷакент будааст, мавқуф гузоштааст. Аз Мақсуда ду фарзанд боқӣ мемонанд.

Руки задержаного в наручниках, архивное фото - Sputnik Тоҷикистон
Даҳ шаҳрванди Тоҷикистон дар Туркия ба иттиҳоми узвият дар ДОИШ боздошт шуданд

Ба маълумоти расмӣ  дар Ироқ 43 зани Тоҷик ба муҳлатҳои гуногун (аз 16 сол то ҳабси абад) бо ҷурми иштирок дар амалҳои террористӣ ҳабс шудаанд.

Чанде пеш ҳукумати Тоҷикистон таъкид карда буданд, ки қисмати зиёди занҳои сафаркардаи тоҷик бо даъвати шавҳарони худ ба Ироқу Сурия рафтаанд. Ба маълумоти расмӣ зиёда аз 400 зану кудаки тоҷик дар кишварҳои шарқи наздик қарор доранд.

Баъди озодшавии шаҳрҳои Ироқу Сурия аз иҳотаи террористон, занҳо ва кудакон ба зиндонҳои Ироқ ва лагерҳои СММ дар Сурия қарор гирифтанд. Дар ҳаракатҳои низоми аз тарафи гуруҳи ДОИШ 1900 шаҳрванди Тоҷикистон иштирок кардаанд, ки тақдири бисёри онҳо то ҳол номаълум аст.

Лентаи хабарҳо
0