Вывеска на здании Таджикстандарт. Архивное фото

“Тоҷикстандарт”: нушокиҳои спиртии пастсифат бештар дар ВМКБ ошкор шудааст

276
(Таҷдидшуда 14:06 04.02.2019)
Дар соли равон кормандони Ожонсии “Тоҷикстандарт” се ҳазору 138 тон маҳсулоти муҳлаташон гузаштаро ошкор намуданд

ДУШАНБЕ, 4 янв — Sputnik.  Қудрат Давлатзода, раиси Ожонсии “Тоҷикстандарт” зимни нишасти матбуотӣ хабар додааст, ки беш аз 1,3 ҳазор тонн маҳсулоти гуштӣ, 5,3 тонн равғани растанӣ, 204,8 тонн маҳсулоти макаронӣ, 70,7 ҳазор литр нушокиҳои спиртӣ ва ғайра ошкор гардид.

Роҳбари “Тоҷикстандарт” хабар дод, ки бештар нушокиҳои спиртии ғайристандартӣ дар ВМКБ ошкор шудааст.

Дар ҳамин ҳол вай таъкид намудааст, ки дар соли равон маҳсулоти ғайристандартӣ нисбат ба соли қаблӣ камтар ошкор шудааст.

Давлатзода таъкид намудааст, ки сабаби камшавии маҳсулоти ғайристандартӣ, корҳои фаҳмондадиҳӣ миёни соҳибкорон будааст.

“Дар оянда ин иқдои идома хоҳад ёфт. Барои мисол 26 тонн маҳсулоти муҳлаташон гузашта бо дархости соҳибкорон аз гардиш гирифта шуд” , - афзуд Давлатзода.

Дар соли равон маблағи ҷаримаҳо барои савдои маҳсулоти пастсифат 1 млн. 521 ҳазор сомониро ташкил додааст.  

276
Барчаспҳо:
ошкоро, маҳсулоти пастсифат, Оҷонсии Тоҷикстандарт, Тоҷикстандарт, Тоҷикистон
Последствия схода селевого потока

Суғд: Ҳалокати 64 нафар ва миллионҳо зарари ҳодисаҳои фавқулода давоми шаш моҳ

3
(Таҷдидшуда 09:07 09.07.2020)
Дар пайи ҳолатҳои фавқулодда зарфи шаш моҳи гузашта 64 нафар дар шимоли Тоҷикистон ҷони худро аз даст додаанд

ДУШАНБЕ, 9 июл — Sputnik. Тибқи иттилои дафтари матбуотии Кумитаи ҳолатҳои фавқулодаи Тоҷикистон ин нукта зимни нишасти шашмоҳаи  раёсати ин ниҳод дар Суғд садо дода, аммо зикр нашудааст, ки ин нафарон дар пайи кардом ҳодисаи фавқулода фавтидаанд.

Ба иттилои манбаъ марги 64 нафар дар пайи 260 ҳаводиси авқулода ба қайд гирифта шудаас.

Манбаъ мегӯяд, ин нишондиҳанда дар ҳамин давраи соли гузашта дар қаламрави вилоят 322 ҳодисаҳои фавқулоддаи хусусияти гуногундошта ба амал омада буд, ки бар асари онҳо 82 нафар ҷони худро аз даст дода буданд.

Гуфта мешавад, давоми шаш моҳи соли ҷорӣ ҳодисаҳои табиӣ ва техногенӣ ба  иқтисодиёти вилоят 42  миллиону 986 ҳазору 544 сомонӣ зарар овраданд. 

Ин дар ҳолест, ки ба гуфтаи  полковник Додиён Баҳром Одина, сардори Раёсати Кумитаи ҳолатҳои фавқулодда дар вилояти Суғд дар шашмоҳои аввали соли 2019 ҳодисаҳои фавқулода ба иқтисодиёти вилоят  12 миллиону 703 ҳазору 773 сомонӣ зарар оврада буд.

3
Служба в армии, архивное фото

Сарбоз 17 сангпора хӯрд, ки аз аскарӣ раҳо шавад: ба хизмат тоб наовардааст

24
Додгоҳи ҳарбии гарнизони Душанбе ҳукми сарбозеро содир кардааст, ки бо хурдани сангпораҳо ва узвмаъюбкунӣ мехост аз хизмати ҳарбӣ раҳо шавад

ДУШАНБЕ, 9 июл — Sputnik. Тибқи иттилои дафтари матбуотии додгоҳ сарбози қаторӣ Отабек Ибрагимов зимни даъвати тирамоҳӣ аз ҷониби комиссияи даъватии шаҳри Турсунзода ба хизмати ҳатмии ҳарбӣ даъват шуда, барои адои он ба қисми ҳарбии 42660 АТАМ назди ҳукумати қумҳурии Тоҷикистон сафарбар карда шудааст.

Ба иттилои манбаъ, ӯ хизмати низомиро дар қисми ҳарбии мазкур иҷро карда, дар ин давом ба шароити хизмати ҳарбӣ тоб наоварда, 24-уми декабри соли 2019 ҳангоми дар қисми ҳарбии 02615-и Вазорати мудофиаи Тоҷикистон муваққатан қарор доштанаш, баъд аз хӯроки нисфирӯзӣ истеъмол намудан дар назди худ мақсад мегузорад, ки бо роҳи узвмаъюбкунӣ бо бемории сохта муваққатан аз иҷрои вазифаҳои хизмати ҳарбӣ озод шавад.

“Бо ин мақсад номбурда 7 адад сангпораҳои ҳаҷмашон гуногунро фурӯ бурда, бо ҳамин роҳ аз иҷрои вазифаҳои хизматиаш дур шуда, санаи 28-уми декабри соли 2019 дар Беморхонаи марказӣ-ҳарбии ВМ Ҷумҳурии Тоҷикистон бистарӣ шудааст”.

Манбаъ мегӯяд, илова бар ин, номбурда бо мақсади аз иҷрои хизмати ҳарбӣ тамоман саркашӣ кардан дар назди даромадгоҳи шуъбаи 1-уми ҷарроҳии Беморхонаи ҳарбии мазкур санаи 31декабри соли 2019 қарор доштанаш боз 10 адад сангпораҳоро фурӯ бурдааст.

Гуфта мешавад, дар пайи ин амалкард, Суди ҳарбии гарнизони Душанбе сарбоз Ибрагимов Отабекро бо моддаи 376 қисми 2 Кодекси ҷиноятии Ҷумҳурии Тоҷикистон ба муҳлати 2 (ду) сол маҳкум кардааст.

24