Гуруҳи дуздонро дар шаҳри Бохтар дастгир намуданд

© AFP 2023Наручники
Наручники - Sputnik Тоҷикистон
Обуна шудан
Зарари расонидашудаи гуруҳи дуздони дастгир шуда 25 ҳазор сомониро ташкил медиҳад

ДУШАНБЕ, 5 фев - Sputnik. Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия 4 ҷавони аз 18 то 20-сола, ки сокинони шаҳри Бохтар ва Душанбе будаанд, бо ҷурми дуздӣ дастгир карда шуданд, иитилоъ додааст дафтари матбуотии ВУД.

Сотрудники милиции столицы задержали троих молодых людей по обвинению в совершении 35 краж - Sputnik Тоҷикистон
Вобастагӣ аз марказҳои букмекерӣ се ҷавонро ба роҳи дуздӣ бурдааст

Манбаъ шарҳ додааст, ки ба ШВКД дар шаҳри Бохтар марди 42-солаи сокини шаҳри мазкур бо аризаи шикоятӣ муроҷиат намудааст. Даъвогар навишта будааст, ки шаби 3-юми феврали соли 2019, тахминан соати 02:00-дақиқа, шахсони номаълум бо роҳи пинҳонӣ тирезаи дари автомашинаи шахсиаш тамғаи “Тойота-Прадо”-ро, ки дар назди хонаи истиқоматиаш беназорат гузошта шуда буд, шикаста амалҳои дуздӣ анҷом додаанд.

Ашхоси номаълум аз дохили худрав 1000-доллари амрикоӣ, 10000-сомонӣ, 2-адад телефони мобилии тамғаҳои “Айфон-7” ва “Самсунг-Галакси А-6”-ро дуздида аз ҷойи ҳодиса ғайб задаанд. Зарари расонидашуда 25000-сомониро ташкил медиҳад.

Дар робита бар ин кормандони ҳифзи ҳуқуқ гуруҳи дуздонро дастгир намудаанд ва ҳодиса мавриди таҳқиқ қарор дорад.

Лентаи хабарҳо
0