В Душанбе представлены новые автобусы, архивное фото

Ҳаракати автобусҳои АКИА дар хатсайри №4 ва манъи микроавтобусҳо

374
(Таҷдидшуда 10:37 11.02.2019)
Шаҳрдории Душанбе аз сокинон ва меҳмонони пойтахт хоҳиш намудааст, ки аз хизматрасонии хатсайри автобусии №4 (Терминали Шарқ-Транс — ҶДММ “Маром”) истифода баранд

ДУШАНБЕ, 11 фев — Sputnik. Шаҳрдории Душанбе хабар додааст, ки шурӯъ аз имрӯз, 11 феврал дар хатсайри №4 (маҳаллаи Чиноро-маҳаллаи Пролетар) фаъолияти микроавтобусҳо манъ карда шуда, хизматрасонӣ тариқи автобусҳои тамғаи АКИА ба роҳ монда шудааст.

Дар ин бора  дафтари матбуоти раиси шаҳри Душанбе хабар додааст.

Бино бар иттилои манбаъ, иқдом мазкур бо мақсади кам намудани шиддати ҳаракат, танбашавии воситаҳои нақлиёт дар кӯчаю хиёбонҳои марказии шаҳр ва баланд бардоштани сатҳу сифати хизматрасонӣ ба мусофирон роҳандозӣ гардидааст.

Автобусҳои тамғаи AKIA дорои 26 ҷойи нишаст буда,  таҷҳизоти гармидеҳу сардкунанда ва низоми идораи электронии он аз дигар  автобусҳо бартарӣ доранд.

Ёдрас мешавем, ки 31 январи соли равон муовини якуми Раиси шаҳри Душанбе Маҳмадсаид Зувайдзода зимни нишасти матбуотӣ ба хабарногорон таъкид намуда буд, ки бо мақсади навсозии парки нақлиёти мусофирбарии пойтахт ва баланд бардоштани сатҳу сифати хизматрасонӣ давоми ду сол 268 автобуси замонавӣ харидорӣ ва мавриди истифодаи сокинони шаҳр қарор дода шуданд.

Дар ҳамин ҳол бояд қайд намуд, ки миёни шаҳрдории Душанбе ва Ширкати “AKIA”-и Туркия барои харидории  автобусҳо бо дарназардошти бандубасти он дар ҳудуди Тоҷикистон шартнома ба имзо расида  буд. Дар асоси ин шартнома  марҳила ба марҳила  ба шаҳри Душанбе  автобусҳои ширкати мазкур  ворид гардиданд, ки алҳол онҳо  дар роҳҳои шаҳр ҳаракат мекунанд.

374
Барчаспҳо:
мусофирон, ҳаракат, автобус, хатсайр, пойтахт, душанбе, Тоҷикистон
Памир, архивное фото

Мардуми Ишкошимро аз хатари нашъамандӣ огоҳ карданд

25
Дар доираи ҳамоиши муштарак, ҳамчунин даври ниҳоии мусобиқаҳои варзишии волейбол, шашка ва шоҳмот миёни ҷавонони ноҳия  баргузор шуд

ДУШАНБЕ, 20 окт — Sputnik. Дар маркази ноҳияи Ишкошими Вилояти Мухтори Кӯҳистони Бадахшон таҳти шиори "Якҷо бо маводи нашъадор мубориза мебарем" ҳамоиши муштараки фарҳангӣ-маърифатӣ ва варзишии "Корвони зиддимухаддиротӣ-2020" оғоз гардид.

Бино ба гузориши АМИТ "Ховар", ҳамоиши мазкур бо риояи қоидаҳои пешгирӣ аз хатари бемории сироятии коронавирус аз ҷониби Агентии назорати маводи нашъаовари назди Президенти Ҷумҳурии Тоҷикистон ва Вазорати корҳои дохилии Ҷумҳурии Тоҷикистон роҳандозӣ шудааст.

Дар ҳамоиши муштарак раиси ноҳияи Ишкошим Мӯсо Мирзозода, сардори шуъбаи пешгирии нашъмандиии Агентии назорати маводи нашъаовар  полковник Бозоралӣ Сафарализода, намояндагони Вазорати корҳои дохилӣ, мақомоти ноҳияи Ишкошим, бахши кор бо ҷавонон ва варзиши ноҳия ширкат кардаанд.

Гуфта шудааст, ки баргузории чунин ҳамоишҳо барои  маълумоти бештар пайдо кардани насли наврасу ҷавон оид ба хатари нашъамандӣ, тарғиби интихоби дурусти ҳаёт тавассути варзиш ва тарбияи ҷисмонӣ мусоидат мекунанд.

Дар доираи ҳамоиши муштарак даври ниҳоии мусобиқаҳои варзишии волейбол, шашка ва шоҳмот миёни ҷавонони ноҳия  баргузор шуда, дар фазои тантанавӣ аз номи роҳбарони Агентии назорати маводи нашъаовари назди Президенти ҷумҳурӣ ва Вазорати корҳои дохилии мамлакат  ба ғолибон Ҷом, диплом, медалу ифтихорнома ва туҳфаҳои хотиравӣ супорида шуданд.

Манбаъ афзуда, ки ҳамоиши  муштараки "Корвони зиддимухаддиротӣ-2020" фарогири 14 шаҳру ноҳияҳои ҷумҳурӣ: Ишкошим, Хоруғ, Дарвоз, Ш.Шоҳин, Кӯлоб, Ҳамадонӣ, Фархор, Панҷ, Шаҳритус, Бохтар, Панҷакент, Хуҷанд, Исфара ва Душанбе буда, баргузории он дар дар ин шаҳру ноҳияҳо дар назар дошта шудааст.

25
Барчаспҳо:
мавзуи нашъамандӣ, Ишкошим, ВМКБ
Букет гвоздик в руке, архивное фото

Набӣ Шораҳмонов даргузашт: иллати марги ӯ номаълум аст

341
(Таҷдидшуда 11:56 20.10.2020)
Дар Тоҷикистон як арбоби барҷастаи давлати шӯравӣ, собиқ раиси кумитаи иҷроияи шаҳри Душанбе Набӣ Шораҳмонов дунёи фониро падруд гуфт

ДУШАНБЕ, 20 окт — Sputnik. Набӣ Шораҳмонов ходими намоёни давлатӣ ва собиқ раиси кумитаи иҷроияи шаҳри Душанбе дар синни 82 - солагӣ вафот кард, хабар медиҳад агентии "Авеста".

Ба иттилои манбаъ, Шораҳмоновро дар яке аз қабристонҳои пойтахт ба хок месупоранд. Иллати марги ин ходими давлатӣ номаълум аст.

Набӣ Шораҳматов соли 1939 дар шаҳри Истаравшан дар оилаи ҳунарманд ба дунё омадааст.

Соли 1962 вай ба ҳайси механики маҳаллӣ дар трести "Душанбестрой" ба кор шурӯъ кард ва сипас ба Вазорати нақлиёт ва роҳҳои автомобилгарди ҶШС Тоҷикистон гузашт.

Мотам дар вазорати саноат: Содиқҷон Рустамӣ, муовини вазир даргузашт

Дар охири солҳои 70-ум Шорахмонов ба сафи Кумитаи Марказии Ҳизби Коммунистии Тоҷикистон даъват карда шуд ва дар он ҷо аввал муовини раиси Госснаб буд ва дар аввали солҳои 80-ум шӯъбаи нақлиётии КМ ПК Тоҷикистонро роҳбарӣ мекард.

Дар сессияи Шӯрои вакилони халқи шаҳр дар соли 1982 вай раиси кумитаи иҷроияи шаҳри Душанбе интихоб шуда, дар он ҷо то бозсозӣ кор кардааст.

Маълум аст, ки Шораҳмонов дар бунёди корхонаи электрохимиявии Ёвон ва меҳмонхонаи "Тоҷикистон" дар маркази пойтахт саҳм гузошта, ба унвони фахрии Корманди шоистаи Тоҷикистон сазовор шудааст.

341
Барчаспҳо:
даргузашт, Тоҷикистон
Медики транспортируют пациента с подозрением на коронавирусную инфекцию

Вазъи шадиди COVID - 19 дар Русия: 16 ҳазор мариз ва фавти 179 кас дар як рӯз

0
(Таҷдидшуда 13:08 20.10.2020)
Теъдоди дардмандони нави коронавирус дар Русия давоми як шабонарӯзи ахир наздик ба 16 ҳазор расидааст

ДУШАНБЕ, 20 окт — Sputnik. Шабонарӯзи гузашта дар Русия 15 982 мавриди нави гирифторшавии шаҳрвандон ба маризии коронавирус сабт гардид, хабар медиҳад Ситоди фаврии коронавирус дар ин кишвар.

Ба ҳамин минвол, ҳоло теъдоди умумии мубталоёни ин дард дар Русия ба 1 415 316 нафар баробар шудааст. Аз ин миён 1 075 904 нафар шифо ёфта, 24 366 мариз ҷон аз даст доданд.

Манбаъ меафзояд, шаҳри Маскав аз лиҳози шумораи бештари маризон дар ҷойи аввал қарор дошта, дар як рӯз ахир 5 376 нафар тоза ба коронавирус мубтало гардиданд.

Зимнан, давоми як шабонарӯзи ахир дар Русия 179 бемор ба ҳалокат расиданд.

Омори нави коронавирус дар Тоҷикистон: 80 қурбонӣ ва бештар аз 10 ҳазор мубталошуда

Дар робита ба авҷ гирифтани ин беморӣ, ҳукумати Русия аз тамоми сокинони кишвар даъват мекунанд, ки ба риояи чораҳои пешгирикунанда, аз ҷумла пӯшидани ниқобу дастпӯш, бодиққат бошанд.

Гузашта аз ин, дар аксар манотиқҳои Русия маҳдудиятҳо ҷорӣ гардиданд. Аз ҷумла дар вилояти Тулский баргузории тамоми чорабиниҳо танҳо бо ҳузури 20 нафар иҷозат дода шудааст. Дар Курган бошад, кӯдакони ноболиғ бидуни калонсолон наметавонанд савори нақлиёти ҷамъиятӣ шаванд.

Бо қарори раиси шаҳри Маскав, ҳудуди 30 дарсади кормандони идораҳо ба реҷаи дуркорӣ фиристода шуданд.

Дар макотибҳо бошад хонандагони синфҳои миёна ва боло низ ба таҳсили фосилавӣ фаро гирифта шуда, танҳо толибилмони аз синфи 1 то 5 таҳсилашро дар синфхонаҳо идома ммедиҳанд.

0
Барчаспҳо:
маризӣ, омор, Русия
Мавзуҳо:
Пайомадҳои COVID-19 дар Тоҷикистон ва ҷаҳон