Боздошти Назриев ба иттиҳоми ғорати чор дорухона дар Суғд

© Sputnik / Виталий Аньков / Гузариш ба медиабонкЗадержание, архивное фото
Задержание, архивное фото - Sputnik Тоҷикистон
Обуна шудан
Гумонбар, истиқоматкунандаи ноҳияи Ҷайҳуни вилояти Хатлон, ки қаблан аз озодӣ маҳрум гардидаву 3-юми январи соли равон ба озодӣ баромадаст аз ду дорухона дар вилояти Суғд 6600 сомонии соҳибмулконро тасарруф кардааст

ДУШАНБЕ, 11 фев — Sputnik. Дар натиҷаи чорабиниҳои оперативӣ-ҷустуҷӯӣ шахсиятии кормандони ШВКД дар ноҳияи Спитамен дузди дорухонаҳоро муайян ва дастгир намуданд, иттилоъ додааст дафтари матбуотии Вазорати корҳои дохила.

Воровство, архивное фото - Sputnik Тоҷикистон
Дуздӣ дар масҷид: марди 56-сола аз ҷайби намозхон 80 ҳазор рубли русиро дуздид

Шоми 20-ум ба 21 январи соли 2019 якуякбора чор дорухона воқеъ дар бозори марказии ноҳияи Спитамени вилояти Суғд ҳадафи ҳаракатҳои ҷиноятӣ қарор гирифт. Шахсони номаълум бо роҳи шикастани қулфи дари даромад ғайриқонунӣ вориди дорухона гардида танҳо нақдинаҳои пулиро тасарруф кардаанд.

Гумонбар ба дуздии бисёрлаҳзаина шаҳрванд Нарзиев Дустмурод Хурсандбекович, соли таваллудаш 1987, истиқоматкунандаи ноҳияи Ҷайҳуни вилояти Хатлон, ки қаблан соли 2017 барои дуздӣ ба муҳлати ду сол аз озодӣ маҳрум гардидаву 3-юми январи соли равон ба озодӣ баромадаст, омухтагӣ ба ҷиноятро такрор ва дар ҳолати ретсидив дуздӣ ва сӯиқасд ба онро содир намудааст.

Ҷоиз ба таъкид аст, ки маротибаи аввал низ Дустмурод Нарзиев дар ҳамин ноҳия дуздӣ содир карда буд.

Сотрудники милиции столицы задержали троих молодых людей по обвинению в совершении 35 краж - Sputnik Тоҷикистон
Вобастагӣ аз марказҳои букмекерӣ се ҷавонро ба роҳи дуздӣ бурдааст

Ҳар чор дорухона дар як мавзеъ дохили бозори марказии ноҳияи Спитамен ҷойгиранд. Аз ду дорухона гумонбаршуда Нарзиев Д. дасти холӣ набаромада аз яке 4 ҳазору 600 сомонӣ ва аз дуюми 200 сомонии соҳибмулконро тасарруф кардааст. Дар ду ҳолати дигар тафтишот сӯиқасди дуздиро ба ӯ нисбат медиҳад. Аз сабаби дарёфт накардани маблағи пулӣ ва ашёҳои арзишнок номбурда ҷинояти худро ба охир нарасонида бо шикастан ва корношоям кардани қулфи дар ба ҷабрдидаҳо зарари моддӣ мерасонад.

Масъулини Шуъбаи ВКД дар ноҳияи Спитамен панҷарапӯш набудани дорухонаҳоро, ки аз метали пластикӣ сохта шудаанд, ҳамчун ҳолати мусоидаткунанда барои амалӣ гаштани нақшаи ҷиноятӣ медонанд. Баъди адои ҷазо ва ду ҳафта дар озодӣ қарор доштан Дустмурод Нарзиев ҳамин шароитро ба манфиати худ истифода кардааст.

Милитсияи ноҳияи Спитамен бо бурдани чорабиниҳои оперативӣ-ҷустуҷӯӣ ҷойи буду боши гумонбаршуда Дустмурод Нарзиевро муайян ва ӯро дар зодгоҳаш ноҳияи Ҷайҳун дастгир ва дар асоси парвандаи ҷиноятӣ нисбаташ чораи пешгирӣ дар намуди ҳабс тадбиқ шудааст.

 

Лентаи хабарҳо
0