Компьютерная клавиатура под замком, архивное фото

Вазорати хориҷа: иттилоъ василаи пурқудратест, ки метавонад пайомадҳои зиёд дошта бошад

162
(Таҷдидшуда 10:31 13.02.2019)
Баста шудани сомонаҳои иттилоотӣ дар Тоҷикистон ба сабаби таъмини амният сурат мегирад

ДУШАНБЕ, 12 фев — Sputnik.  Дар Тоҷикистон сомонаҳои иттилоотӣ ба сабаби таъмини амният баста мешаванд, эълон намудааст зимни нишасти матбуотӣ Сироҷиддин Муҳриддин, вазири корҳои хориҷаи кишвар.

Вай таъкид намуд, ки масдудият дар сомонаҳои иттилоотӣ барои ҳифзи субот дар кишвар ҷорӣ карда мешавад, чунки пештар дар Тоҷикистон назарияи нодуруст ташвиқ мешуданд.

“Баъд аз ҳамин мо ҳамин масъаларо бисёр омӯхтем. Иттилоъ – василаи пурқудратест, ки метавонад пайомадҳои зиёд дошта бошад. Барои танзими ин амал ва тарбияи ҷавонон дар руҳияи ватанпарастӣ баъзе аз сомонаҳо гоҳе масдуд мешаванд”, - таъкид намуд вазир.

Ёдрас мешавем, ки дар Тоҷикистон зиёд вақт дастрасӣ ба шабакаҳои иҷтимоӣ ва барномаҳои пайёмрасон низ масдуд мешаванд. Дар аввали соли равон дар ҷумҳурӣ кори  Facebook, Instagram, ВКонтакте ва Одноклассники, инчунин чанд сомонаи хабарӣ низ масдуд шуда буд.

Ширкатҳоие, ки ба расонидани хизматрасонии интернетӣ машғул мебошанд пештар хабар дода буданд, масдудият дар сомонаҳои иттилоотӣ бо сабабҳое сурат мегирад, ки аз онҳо вабаста набудааст. 

162
Барчаспҳо:
Сироҷиддин Аслов, вазири хориҷа, масдудияти дастрасӣ ба шабакаҳои интернетӣ, масдуди дастрасӣ, масдуд кардан, масдудият, хатари Интернет, Тоҷикистон
Сотрудники ФСБ РФ во время задержания гражданина одной из Центрально-азиатских республик

Боздошти ҷавони 22 сола дар пойтахт барои ташкили фоҳишахона

2
(Таҷдидшуда 11:43 25.01.2021)
Вазорати умури дохилаи Тоҷикистон аз боздошти ҷавони 22 сола дар пойтахт барои ташкили фоҳишахона хабар дод

ДУШАНБЕ, 25 янв— Sputnik. Бино бар иттилои дафтари матбуоти вазорати умури дохилаи Тоҷикистон,  ҷавони мазкур дар хонаи иҷорагирифтааш фоҳишахона ташкил карда, аз марду зане, ки ба хонаи ӯ барои алоқаи ҷинсӣ меомаданд 150 сомонӣ мукофотпулӣ мегирифтааст. 

Тибқи иттилои манбаъ зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия ҷавони 22-солаи сокини шаҳри Душанбе бо гумони ташкил ва нигаҳдошти фоҳишахона дастгир карда шуд.

Гуфта шудааст, ки номбурда, дар хонаи иҷорагирифтааш, воқеъ дар кӯчаи Сино ба ҷавони 24 ва зани 35-соли сокинони шаҳрҳои Турсунзода ва Душанбе барои алоқаи ҷинсӣ намудан шароит муҳайё намуда, аз онҳо 150 сомонӣ мукофотпулӣ гирифтааст.

Дар ҳоли ҳозир, аз рӯи ҳодиса мазкур тафтишот идома дорад.

Ёдрас мешавем, ки тибқи қонуни нави Тоҷикистон шахсоне, ки ба ташкил ё нигаҳдошти фоҳишахонаҳо, инчунин даллагӣ машғул мебошанд, аз ҳуқуқи падарӣ ва модарӣ маҳрум мегарданд.

2
Барчаспҳо:
ҷавон, Вазорати умури дохилаи Тоҷикистон, боздошт, фоҳишахона, Тоҷикистон
Первый вице-премьер Таджикистана Давлатали Саид, архивное фото

Норасоиҳоро бартараф кунед: супориши Давлаталӣ Саид ба роҳбарони МОИ

90
(Таҷдидшуда 11:54 25.01.2021)
Муовини якуми Сарвазири Тоҷикистон таъкид доштааст, ки мақсади асосӣ аз таъсиси минтақаҳои озоди иқтисодӣ - ин зиёд намудани истеҳсоли маҳсулоти ба содирот нигаронидашуда мебошад

ДУШАНБЕ, 25 янв— Sputnik.  Ахиран дар шаҳри Душанбе таҳти раёсати муовини якуми Сарвазири Тоҷикистон Давлаталӣ Саид, ки ҳамзамон раиси Шӯрои нозирон оид ба масъалаҳои минтақаҳои озоди иқтисодӣ дар Тоҷикистон мебошад, ҷаласаи навбатии Шӯрои мазкур бо иштироки намояндагони вазорату идораҳои марбута баргузор гардид.

Ба нақл аз АМИТ “Ховар” дар ҷаласа ҳисоботи котиби масъули Шӯрои нозирон оид ба масъалаҳои минтақаҳои озоди иқтисодӣ — муовини Вазири рушди иқтисод ва савдо вобаста ба иҷрои қарорҳои ҷаласаҳои пештараи Шӯрои нозирон ва роҳбарони МОИ-и “Суғд”, “Данғара”, “Панҷ”, “Ишкошим” ва “Кӯлоб” шунида шуд.

Давлаталӣ Саид, муовини якуми Сарвазир дар ин ҷаласа таъкид доштааст, ки мақсади асосӣ аз таъсиси минтақаҳои озоди иқтисодӣ- ин зиёд намудани истеҳсоли маҳсулоти ба содирот нигаронидашуда мебошад.

Давлаталӣ Саид ба ҳар камбудиву норасоиҳои ҷойдоштаи дар ҳар  як минтақаи озоди иқтисодӣ таъкид карда, ба роҳбарони минтақаҳои озоди иқтисодӣ вобаста ба бартараф намудани норасоиҳо, тақвият додани фаъолияти минтақаҳои озоди иқтисодӣ, таъсиси корхонаҳои саноатӣ, ҷалби сармоя, зиёд намудани истеҳсоли маҳсулоти воридотивазкунӣ ва содирот намудани онҳо ба хориҷи мамлакат супоришҳои қатъӣ дод.

Гуфта шудааст, ки аз натиҷаи ҷаласа қарорҳои Шӯрои нозирон бо санади дахлдор қабул гардиданд.

90
Барчаспҳо:
Давлаталӣ Саид, содирот, истеҳсол, таъсис, Минтақаҳои озоди иқтисодӣ, Тоҷикистон