Глава налогового комитета Таджикистан Давлатзода Нусратулло, архивное фото

Давлатзода: назорати андозҳо беҳтар гардида, 11 модули нави электронӣ фаъол мегарданд

173
(Таҷдидшуда 19:38 14.02.2019)
Бо мақсади ба стандартҳои байналмилалӣ ҷавобгў намудан боз 11 модули алоҳида, аз ҷумла, "Равзанаи ягона", "Бақайдгирии шахсони ҳуқуқӣ", "Бақайдгирии шахсони воқеӣ", "Бақайдгирии мошинҳои назорати хазинавӣ", "Бақайдгирии молу мулки ғайриманқул", "Бақайдгирии воситаҳои нақлиёт" ва ғайраҳо омода карда шудаанд

ДУШАНБЕ, 14 фев — Sputnik. Соли 2018 нақшаи андозҳо ва дигар пардохтҳои ҳатмӣ, ки ҷамъоварии онҳо ба зиммаи мақомоти андоз гузошта шудааст, ба андозаи 100,6% таъмин гардида, ба буҷа 10 миллиарду 523,3 млн. сомонӣ ворид карда шудааст, иттилоъ додааст ожонсии “Ховар”.   

Ин нисбат ба нишондиҳандаҳои нақшавӣ 62,6 млон. сомонӣ зиёд мебошад. Матлаби мазкурро Раиси Кумитаи андози Тоҷикистон Нусратулло Давлатзода зимни нишасти матбуотӣ баён доштааст.

Зикр гардид, ки ҷиҳати беҳтар намудани хизматрасонӣ ба шаҳрвандон ва андозсупорандагон якчанд модулҳои нави электронии хизматрасонӣ ва маъмурикунонии андоз омода гардида, мавриди амал қарор дода шуданд.

Инчунин бо мақсади ба стандартҳои байналмилалӣ ҷавобгў намудани барномаҳои Системаи иттилоотии андоз ва ба роҳ мондани намудҳои нави хизматрасонӣ боз 11 модули алоҳида, аз ҷумла, "Равзанаи ягона", "Бақайдгирии шахсони ҳуқуқӣ", "Бақайдгирии шахсони воқеӣ", "Бақайдгирии мошинҳои назорати хазинавӣ", "Бақайдгирии молу мулки ғайриманқул", "Бақайдгирии воситаҳои нақлиёт" ва ғайраҳо омода карда шудаанд.

Ин намуди хизматрасониҳо моҳи марти соли 2019 ба роҳ монда шуда, имконият медиҳанд, ки ташкили кор ва назорати андозҳо беҳтар карда шавад.

“Дар барномаи бақайдгирии давлатӣ “Равзанаи ягона” аз оғози соли 2018 модули нави хизматрасонӣ мавриди амал қарор дода шуд. Барномаи мазкур имконият дод, ки муроҷиаткунандагон ариза ва ҳуҷҷатҳояшонро барои бақайдгирии давлатӣ тариқи электронӣ пешниҳод намоянд”,- иброз намуд раиси Кумитаи андоз.

Ба зикри мавсуф, дар ин давра аллакай зиёда аз 4300 нафар шаҳрвандон барои анҷом додани бақайдгирии давлатӣ тариқи электронӣ муроҷиат намуданд. Инчунин ҷиҳати васеъ намудани истифодаи ин намуди хизматрасонӣ чораҷўӣ идома дорад.

Ҳамзамон зимни нишаст гуфта шуд, ки тибқи маълумоти Феҳристи ягонаи давлатӣ то 1 январи  соли 2019 дар ҷумҳурӣ 315,8 ҳазор субъектҳои хоҷагидори амалкунанда мавҷуд мебошанд, ки нисбат ба 1 январи соли 2018  14 ҳазору 580 адад зиёд аст.

173
Барчаспҳо:
Кумитаи андоз, Нусратулло Давлатзода, андоз, Тоҷикистон
Президент Республики Таджикистан Эмомали Рахмон

Тағйироти кадрӣ бо 7 фармони Раҳмон: аз мақоми нави Давлаталӣ Назрӣ то сардори разведка

1752
(Таҷдидшуда 21:03 28.09.2020)
Эмомалӣ Раҳмон, раисиҷумҳури Тоҷикистон, имрӯз бо имзои 7 фармону як қарор дар сохтори Вазорати умури хориҷӣ ва Гвардияи миллии ҷумҳурӣ тағйироти кадрӣ анҷом дод

ДУШАНБЕ, 28 сен — Sputnik. Бо фармони раисиҷумҳур, полковник Сатторов Ҳасан Мирзоевич сардори Раёсати разведкаи Гвардияи миллии Ҷумҳурии Тоҷикистон таъйин гардид.

Раҳимзода Султон Нурмаҳмадпур бо фармони раисиҷумҳур аз вазифаи сафири Тоҷикистон дар Ҳиндустон озод гардида, бо қарори Эмомалӣ Раҳмон раиси Кумитаи иҷроияи Фонди байналмиллалии наҷоти Арал таъйин шуд.

Бобокалонзода Луқмон сафири нави Тоҷикистон дар Ҳиндустон таъйин гардид.

Холбобоев Файзулло Самадович бо сабаби ба кори дигар гузаштан аз вазифаи сафири Тоҷикистон дар Украина озод гардида, ба ҷои ӯ Назризода Давлаталӣ Ҳайдар, сафири Тоҷикистон дар Украина таъйин шуд.

Имом Шарофиддин Зуҳуриддинзода бо сабаби ба нафақа баромадан аз вазифаи сафири Тоҷикистон дар Ҷумҳурии Исломии Афғонистон озод карда шуд. Шарифӣ Саъдӣ сафири нави Тоҷикистон дар Ҷумҳурии Исломии Афғонистон таъйин гардид.

1752
Тонущий человек, архивное фото

Корманди БДА дар Суғд донишҷӯдухтарро аз худкушӣ наҷот дод

802
Раҳматзода Даврон, муовини сардори Бозрасии давлатии автомобилии Суғд ҳамин чанд лаҳза пеш бо иҷрои як амали фаврии худ, аз худкушии як донишҷӯдухтар дар Сирдарёи Хуҷанд пешгирӣ кард

ДУШАНБЕ, 29 сен – Sputnik. Чанд нафар аз шоҳидони ҳодиса ба Sputnik Тоҷикистон гуфтанд, ки ҳудуди як соат пеш як донишҷӯдухтари тақрибан 18 - сола ба қасди худкушӣ худро аз болои пул ба дарё сарозер намудааст.

Раҳматзода, ки ин ҳангом барои иҷрои вазифаҳои хидматӣ аз болои купрук мегузашт, манзари ғарқшавиро дида, фавран бо қаиқ ба маҳалли ҳодиса шитофта, донишҷӯдухтарро, ки дар ҳоли фурӯрафтан ба коми дарё буд, ҳамроҳ бо кормандони ситоди ҳолатҳои фавқулода аз об зинда берун кашидаанд.

Фахриддини Аваззод, корманди БДА Суғд дар суҳбат ба Sputnik Тоҷикистон гуфт, ба маҳзи кӯшиши ҳамкораш Раҳматзода ва кормандони КҲФ дар Суғд, он духтарча аз вартаи худкушӣ раҳо шудааст.

"Агар Раҳматзода ва кормандони КҲФ фавран ба қаҳри дарё намерасиданд, шояд ин донишҷӯдухтар ба ҳалокат мерасид. Худоро шукр, ки зинда монд ва аз ғарқшавӣ наҷот дода шуд”, - иброз намуд, Аваззод.

Ба иттилои манбаъ, зимнан донишҷӯдухтарро ба Бемористони шаҳрии № 1 Хуҷанд интиқол додаанд ва баъди пурра ба худ омадан аз вай сабаби даст ба чунин амал заданашро пурсон мекунанд. Дафъаҳои охир хабарҳо дар бораи даст ба худкушӣ задани шаҳрвандон дар руду обанборҳо зиёд ба нашр мерасад.

"Кӯмак кунед, кӯмак кунед": як ҷавони тоҷик дар Русия ғарқ шудааст

Субҳи имрӯз, дафтари матбуоти КҲФ Тоҷикистон аз дарёфти ду ҷасад аз дарёи Вахш хабар дод. Бар пояи эълони КҲФ зани 31 - солаи сокини ноҳияи Ёвон рӯзи 27 сентябр ҳамроҳ бо духтарчаи 9 - солааш дар дарёи Вахш ғарқ шуд.

802
Барчаспҳо:
донишҷӯдухтар, ғарқ, Суғд