Строительство спортивного объекта в Душанбе

Азим Иброҳим аз рафти сохтмони як чанд корхонаҳои шаҳри Душанбе интиқод кард

498
(Таҷдидшуда 10:33 18.02.2019)
Имрӯзҳо дар пойтахти Тоҷикистон ҷараёни корҳои сохтмонӣ чандин корхонаҳои муоссир идома дорад. Азим Иброҳим, муовини Сарвазири кишвар аз рафти сохтмони иншоотҳои гуногун ҳамроҳ бо масъулини шаҳрджорӣ ошно шуд

ДУШАНБЕ, 18 фев — Sputnik. Азим Иброҳим, муовини Сарвазири Тоҷикистон ҳамроҳ бо масъулини шаҳрдории  Душанбе аз ҷараёни корҳои сохтмонии якчанд иншооти саноатӣ, маҷмааи варзишию ҳавзи шиноварӣ ва теннис, ки дар шаҳри Душанбе бунёд мешаванд, дидан намуд.

Бино бар иттилои манбаъ, имрӯзҳо дар пойтахт сохтмони корхонаи оби ошомидании “Сиёма” босуръат идома дошта, қарор аст, дар моҳи июни соли равон қисмати оби ошомиданӣ бо иқтидори истеҳсолии 20 тонна/соат барои истифода дода мешавад Ба истифода додани хати шароббарории ин корхона  давоми соли равон ба нақша гирифта шудааст.

Сипас муовини сарвазир аз рафти сохтмони комплекси варзишии теннису шиноварӣ ошно шуд.

Корҳои сохтмонию барқароркунӣ ва насбу васлкунии таҷҳизот дар комплекси варзишии теннису шиноварӣ низ бо маром идома доранд. Тибқи нақша, ба истифода додани ин маҷмаа моҳҳои июл-августи соли равон пешбинӣ гардидааст.

Дар корхонаи муштараки ширкати “Авесто-групп” бо ширкати “Артел”-и Узбакистон низ корҳои сохтмонӣ идома доранд. Соли равон ба истифода додани ду хатти истеҳсоли чангкашак ва яхдон ба нақша гирифта шудааст.

Дар корхонаи муштараки Тоҷикистону Туркия “АКIA-AVESTO” доир ба васлу насб ва истеҳсоли автобусҳои мусофиркаш машғул мешавад, мутахассисони туркӣ ва маҳаллӣ дар якҷоягӣ фаъолият мекунанд. Мутобиқи маълумоти пешниҳодгардида, айни замон фаъолияти корхона дар робита ба иҷрои фармоишҳои дохилӣ ба роҳ монда шуда, ҷиҳати тавсеа бахшидан ба фаъолияти минбаъда паҳлуҳои дигари ҳамкорӣ низ баррасӣ хоҳанд шуд.

Ёдрас мешавем, ки автобуси аввал ҷамъу васл гардида, барои мусофиркашонӣ дар хатсайрҳои шаҳри Душанбе равона мегардад.

Ҳамчунин муовини Сарвазир аз минтақаи саноатии шаҳри Душанбе низ дидан намуд. Мушоҳидаҳо собит сохтанд, ки гарчанде корҳои сохтмонӣ дар ҳамаи корхонаҳои бунёдшаванда асосан оғоз шуда бошанд ҳам, аммо на дар ҳамаи онҳо ба таври зарурӣ ба роҳ монда шудаанд.

Вобаста ба ин муовини Сарвазир ба масъулини ширкатҳои сохтмонӣ дастур дод, ки ба ҷараёни корҳои сохтмонӣ тақвият бахшида, ҷиҳати сари вақт ба истифода додани онҳо тадбирҳои зарурӣ андешанд.

Муовини Сарвазир махсус зикр намуд, ки аксари маҳсулоти саноатие, ки истеҳсоли онҳо дар корхонаҳои саноатии дар ҳудуди пойтахт бунёдшаванда ба нақша гирифта шудаанд, маҳсулоти воридотивазкунанда мебошанд.

498
Барчаспҳо:
Туркия, Узбакистон, ошно шудан, дидан, иншоот, муовини сарвазир, сарвазир, Азим Иброҳим, Тоҷикистон

Ҷашнҳои рӯзи 9 август дар Тоҷикистон ва ҷаҳон

15
(Таҷдидшуда 22:50 08.08.2020)
Рӯзи нӯҳуми август аз Рӯзи байналмилалии мардуми таҳҷоӣ ҷашн грифта мешавад. Ҳамчунин дар Амрико аз Рӯзи ҳифзи ҷангал қайд мекунанд

Рӯзи 9 август дар ҷаҳон чӣ рух дод

Соли 1893  Бонки миллии  Италия таъсис дода шуд.

© Sputnik / Стас Этвеш / Вишнякова Мария

Соли 1912 дар натиҷаи заминҷунбӣ дар Туркия  6 ҳазор  нафар ба ҳалокат расида, зиёда аз 40 ҳазор нафар бе сарпаноҳ монданд.

Соли 1945 ба шаҳри Нагасакии Япония бомбаи атомӣ партофта шуд.

Соли 1992 дар  Барселона маросими пӯшидашавии бозиҳои XXV олимпӣ баргузор гардид.

Рӯзи 9 август дар Тоҷикистон чӣ рух дод

Соли 2005 раисҷумҳури Тоҷикистон Эмомалӣ Раҳмон дар музофоти Клай Кангвол бо Шоҳи Таиланд Пумипон Адунядед, ки аз соли 1950 тахтнишин буд, дидор ва мулоқот намуданд.

Соли 2008 масоили гуногунҷанбаи  Тоҷикистон ва Ҳиндустон баррасӣ шуд.

Ҷашнҳои рӯзи 7 август дар Тоҷикистон ва ҷаҳон

Соли 2007  дар шаҳри Душанбе шабакаи нави радиошунавонии FM «Имрӯз» ба пахши барномаҳо шурӯъ намуд

Соли 2008 Президенти Тоҷикистон Эмомалӣ Раҳмон дар маросими кушодашавии Бозиҳои 29-уми тобистонаи олимпӣ, ки дар шаҳри Пекин баргузор гардид, иштирок намуданд.

Соли 2011 бо иштироки Сарвари давлат муҳтарам Эмомалӣ Раҳмон дар деҳаи Шайдони Ҷамоати деҳоти Сари Хосори ноҳияи Балҷувон  маркази Минтақавии тавонбахшии кӯдакон ва наврасони маъюб ифтитоҳ ёфт.

Соли 2016 дар пойтахти Тоҷикистон — шаҳри Душанбе Симпозиуми байналмилалии сатҳи баланд оид ба Ҳадафи шашуми рушди устувор таҳти унвони "Таъмини дастрасии умум ба об ва беҳдошт" баргузор гардид

Ҷашнҳои рӯзи 9 август

Рӯзи байналмилалии мардуми таҳҷоӣ.

Рӯзи ҷумҳурӣ дар Сингапур.

Рӯзи миллии сулҳовар дар Канада.

Рӯзи ҳифзи ҷангал дар ИМА.

Рӯзи 9 август дар Тоҷикистон кӣ ба дунё омадааст

Соли 1945 – кинорежиссер Валерий Аҳадов.

Соли 1949 –ҳунарманд ва режиссер Юнус Юсуфов.

Соли 1974 – журналист Анора Саркорова.

15
Барчаспҳо:
ҷашн, ҷаҳон, Тоҷикистон
Президент Кыргызской Республики Сооронбай Жээнбеков

Жээнбеков: дар ҳар як мулоқот бо Раҳмон мо масъалаи сарҳадро муҳокима мекунем

108
Президенти Қирғизистон Сооронбой Жээнбеков дар як мусоҳиба мавзӯи коронавирус ва вазъи сарҳадиро бо Тоҷикистон матраҳ кард

ДУШАНБЕ, 8 авг — Sputnik.  Дар ҳоли ҳозир корҳо барои мушаххас кардани сарҳади Тоҷикистону Ӯзбекистон идома доранд, гуфт п резиденти Қирғизистон Сооронбой Жээнбеков дар мусоҳиба бо радиои "Биринчи Радио".

Президент қайд кард, ки вақте кор беҳтар шуд, музокирот пас аз паҳншавии коронавирус қатъ карда шуд, аммо ба ҳар ҳол, мулоқотҳо оид ба ин масъала, хусусан дар сарҳади Қирғизистону Тоҷикистон, идома доранд.

"Дар ҳама ҷое ки мо бо ҳамтои тоҷикам Эмомалӣ Раҳмон мулоқот мекардем, мо ҳамеша масоили сарҳадро баррасӣ мекунем. Ислоҳотҳо ҳастанд, аммо мушкил тавре ки ман қаблан зикр кардаам, ҳалли худро наёфтааст. Аммо, миёни ду кишвар ҳусни тафоҳум вуҷуд дорад" гуфт Жээнбеков.

Коронавирус ба музокироти марзии Тоҷикистону Қирғизистон таъсир расонд

Сарвари Қирғизистон қайд кард, ки баъзан шиддат дар масъалаҳои марзӣ бо мушкилоти ҳамарӯза афзоиш меёбад, аз ин рӯ мақомоти маҳаллӣ бо мардум зич ҳамкорӣ мекунанд.

Жээнбеков: вазъ дар марз бо Тоҷикистон то ҳол мушкил мемонад

Жээнбеков илова кард, ки ин мавзӯъро яктарафа ҳал кардан мумкин нест. Вай изҳори итминон кард, ки мавзӯи баҳсбарангез тавассути гуфтугӯ ҳаллу фасл хоҳад шуд.

108
Барчаспҳо:
Эмомалӣ Раҳмон, музокирот, сарҳад, Сооронбой Жээнбеков, Қирғизистон, Тоҷикистон