ДУШАНБЕ, 20 фев — Sputnik. Тибқи қарори додгоҳ, Исмоил Хоҷаев, сокини кӯчаи Саҳбо, оиладор, соҳиби 3 фарзанд, маҷруҳи гуруҳи 3, муваққатан бекор, дар хонаи истиқоматияш 1 чорвои калони шохдор, 1 асп ва 2 мурғро парвариш ва нигоҳдорӣ мекардааст.
Ин дар ҳолест, ки бар асоси қарори шаҳрдорӣ парвариши чорво дар ҳудуди шаҳри Душанбе мамнуъ мебошад.
Ба иттилои додгоҳ, Хоҷаев Исмоил дар мурофиа гуноҳашро иқрор шудааст.
Додгоҳ ҳолатҳои парвандаи маъмуриро ба назар гирифта, нисбати Хоҷаев ба андозаи 10 нишондиҳанда барои ҳисобҳо, баробар ба 550 сомонӣ ҷарима ба фоидаи давлат таъин кард.
