Флаги государств СНГ

Мулоқоти сарони идораҳои сарҳадии кишварҳои ҳамсуд дар Душанбе

129
Фаъолсозии ҳамкориҳо барои баланд бардоштани самаранокии мубориза бар зидди таҳдидҳо ва хатарҳои нав ба амнияти сарҳадӣ мавриди муҳокима баррасӣ хоҳанд гирифт

ДУШАНБЕ, 25 янв — Sputnik. Пагоҳ, 26 феврал дар шаҳри Душанбе вохӯрии чоруми минтақавии роҳбарони идораҳои сарҳадии минтақаи Осиёи Марказии Иттиҳоди Давлатҳои Мустақил (ИДМ) баргузор мегардад, иттилоъ додааст ожонсии “Ховар”.

“Масъалаҳои фаъолсозии  ҳамкорӣ дар доираи Шӯрои фармондеҳони Қӯшунҳои сарҳадӣ бо сохторҳои кории ташкилотҳои байналхалқӣ ва минтақавӣ барои баланд бардоштани самаранокии мубориза бар зидди таҳдидҳо ва хатарҳои нав ба амнияти сарҳадӣ мавриди муҳокима қарор хоҳанд гирифт”, — гуфтааст сардори маркази матбуоти Қӯшунҳои сарҳадии Кумитаи давлатии амнияти миллии Тоҷикистон Муҳаммад Улуғхоҷаев.

Зимни ҷаласаи дар пешистода масъалаҳои вазъияти баамаломада баррасӣ гардида, тадбирҳои иловагӣ оид ба муқовимат бар зидди хатарҳои амнияти сарҳадӣ, ки аз ҷониби Афғонистон бармеоянд, андешида мешаванд.

Дар баробари ин гузаронидани Конфронси байналмилалии илмӣ-амалӣ дар мавзӯи “Муқовимати таъсирбахш бар зидди падидаҳои терроризми байналмилалӣ, экстремизм, қочоқи силоҳ, муҳоҷирати ғайриқонунӣ ва савдои одамон чун хатари асосии амнияти сарҳадӣ дар марзи берунаи кишварҳои аъзои ИДМ” дар назар аст.

Чиҳати иштирок дар конфронс намояндагони идораҳои сарҳадии муассисаҳои таълимии кишварҳои аъзои ИДМ дар соҳаи сарҳад, инчунин мақомоти салоҳиятдори Иттиҳод ва ташкилотҳои байналмилалӣ даъват гардидаанд.

 

129
Барчаспҳо:
низомӣ, роҳбарон, ИДМ, Тоҷикистон
Наручники висят на дверной ручки.

Ҳукми 7 нафар: Зоирзода дар бораи парвандаи пурсарусадои ҳамлаи "Ишқобод"

47
(Таҷдидшуда 11:50 14.07.2020)
Ҳафт ҳамлагар ба гузаргоҳи "Ишқобод" бо ҳукми Додгоҳи Олии Тоҷикистон аз 2 то 27 сол аз озодӣ маҳрум шуданд

ДУШАНБЕ, 14 июл — Sputnik. Дар Тоҷикистон нисбати 7 иштирокдори ҳамлаи террористӣ ба гузаргоҳи марзии "Ишқобод" ҳукми зиндон таъйид гардидааст. Дар ин бора прокурори ҳарбии Тоҷикистон Икром Зоирзода иттилоъ додааст.

Ҳамин тавр, ҳафт нафаре ки ба гузаргоҳи марзӣ ҳамла оварданд, аз 2 то 27 сол аз озодӣ маҳрум гардиданд.

Ба иттилои манбаъ, парвандаи 7 иштирокдори ҳамлаи террористӣ барои баррасӣ  ба додгоҳ равона шуда буд.

"Ҳамаи маҳкумшудагони парванда оид ба ҳамла ба гузаргоҳи "Ишқобод" шаҳрвандони Тоҷикистон мебошанд", - афзудааст вай.
Нападение на погранпост в Таджикистане: эхо Афганской войны
МВД Таджикистана/RUPTLY/Пресс-служба Минобороны России

Ёдрас мешавем, 3 феврали соли равон Шермуҳаммади Шоҳиён, раиси Суди олии Тоҷикистон зимни  нишасти солонаи хабарии ин ниҳод гуфт, ки санҷишу тафтиши парвандаро Прокуратураи генералӣ ба анҷом расонда, дар ихтиёри Суди олӣ қарор додааст ва парванда 9 муттаҳамро дарбар мегирад.

Тибқи иттилои расмӣ, ки дар рӯзи ҳодиса расонаӣ шуд, шаби 6 ноябри соли гузашта як гурӯҳи ниқобпӯши 20 - нафара ба дидбонгоҳи "Ишқобод", мустақар дар марзи Тоҷикистону Ӯзбекистон ҳамла карда, бо нерӯҳои марзбонии тоҷик даргир шуданд.

8 зану 4 ноболиғ кушта: суҳбати ошкорои Раҳмон аз ҳамлаи "Ишқобод"

Он замон расман эълон шуд, ки дар ин даргирӣ ду тан аз нерӯҳои марзбонӣ ва 15 муҳоҷим кушта шудаанд. Манобеъи ғайрирасмӣ шумораи талафоти нерӯҳои ҳукуматиро 6 нафар ҳисоб карданд. Баъдтар мақомот аз боздошти 5 муҳоҷим хабар доданд, ки мустақим дар ҳамлаи террористӣ ширкат доштанд.

Охирин тафсилоти расмии ин ҳамларо Юсуф Раҳмон, Прокурори генералии Тоҷикистон дар ҷаласаи Маҷлиси миллии кишвар ба миён гузошт. 29 март нашрияи расмии “Садои мардум” гузориши Прокурори генералии Тоҷикистонро ба нашр расонд, ки бино ба он, дар ҳамлаи мусаллаҳона ба дидбонгоҳи сарҳадии рақами 4 – и “Ишқобод” 26 нафар кушта ва 22 нафар ҳам бо иттиҳоми даст доштан дар он ҳабс шудаанд.

 

47
Отделение банка. Архивное фото

Бонки миллӣ арзиши асъори хориҷиро нисбат ба пули миллӣ эълон кард

91
Бонки миллии Тоҷикистон арзиши асъори хориҷӣ - рубл, доллар ва евроро нисбат ба асъори миллӣ - сомонӣ барои имрӯз эълон кардааст

ДУШАНБЕ, 13 июл – Sputnik. Бонки миллии Тоҷикистон барои имрӯз дар оғози ҳафтаи навин арзиши асъори хориҷиро нисбат ба пули миллӣ эълом кард.

Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1450 сомонӣ  ва дар бозори нақд бошад 0.1470 сомонӣ нишон дода шудааст.

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз  10.3097 то 10.3100 сомонӣ арзёбӣ кардааст. 

Бонки миллӣ қурби миёнаи фурӯши 1 евроро аз 11.6862 то 11. 9000 сомонӣ арзёбӣ кардааст.

Дар бонкҳои дигари кишвар, аз ҷумла “Бонки Эсхата” нишондоди асъор  нисбат ба дигарон каме болотар нишон дода шудааст.

Ин бонк хариду фурӯши 1 рублро имрӯз аз 0,1465 то 0,1490 сомонӣ муқаррар шудааст.

Дар “Спитаменбонк” бошад арзиши 1 рубл аз 0.1450 то 0.1490 ва дар “Алифбонк” бошад 1 рубл аз 0,1450 то 0,1500 сомонӣ нишон дода шудааст.

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

91
Пограничный пост, архивное фото

Ҳаракати нақлиётӣ миёни Русия ва Тоҷикистон баста боқӣ мемонад

54
(Таҷдидшуда 12:41 14.07.2020)
Дар Сафорати Русия дар Тоҷикистон аз имконияти бозгашт тариқи Ӯзбекистон ва Қазоқистон ёдоварӣ шуданд

ДУШАНБЕ, 14 июл — Sputnik. Ҳаракати нақлиётӣ миёни Тоҷикистон ва Русия баста боқӣ мемонад, хабар доданд дар хадамоти матбуотии Сафорати Русия дар Тоҷикистон.

"То ҳол аз ҷониби Ӯзбекистон ва Қазоқистон барои ҳаракати транзитӣ иҷозаи расмӣ гирифта нашудааст", - қайд карданд дар хадамоти матбуотӣ.

Сафорати Русия дар Тоҷикистон қайд карданд, ки вазъро таҳти назорат гирифтаанд ва бо ронандагон дар алоқа ҳастанд.

Анҷумаи ширкатҳои сайёҳии Русия бозшавии сарҳадҳоро пешгӯӣ кард

Қайд мешавад, ки феълан мақомоти Русия бо ҳукумати Ӯзбекистон ва Қазоқистон барои иҷозаи ҳаракат дар гуфтушунид аст.

Санаи барқароршавии парвозҳои байналмилалӣ дар Русия дақиқ шуд

"Вазъи ҳамагирии COVID - 19 - ро дар Ӯзбекистон ва Қазоқистон ба назар гирифта аз шаҳрвандон даъват мекунем, ки тариқи парвозҳои вижа ба Русия ҳаракат кунанд", - қайд карданд дар Сафорати Русия дар Тоҷикистон.

54
Барчаспҳо:
қатъи ҳаракати нақлиёт, Тоҷикистон, Русия