Шохсанам Юлдашева победительница конкурса Чакомаи Гесу в Согдийской области

Шоҳсанам Юлдошева дар озмуни ҷумҳуриявии “Чакомаи гесӯ” Суғдро муаррифӣ хоҳад кард

394
(Таҷдидшуда 12:33 27.02.2019)
Шоҳсанам Юлдошева ва дигар ғолибони даври вилоятии фестивал санаи 2-юми марти соли равон дар даври ҷумҳуриявии Фестивал-озмуни “Чакомаи гесӯ” иштирок хоҳанд кард

ДУШАНБЕ, 27 фев — Sputnik.  Дар Муассисаи давлатии Кохи фарҳанги ба номи Абӯабдуллоҳи Рӯдакии шаҳри Хуҷанд даври вилоятии Фестивал-озмуни “Чакомаи гесӯ” баргузор гардид, иттилоъ додааст дафтари матбуоти мақомоти шаҳри Хуҷанд.

Дар фестивали мазкур ғолиби озмуни шаҳрии ин фестивал Шоҳсанам Юлдошева дар бахши “Ороиши мӯйбофии миллӣ” мақоми аввалро соҳиб гардида, ҳуқуқи иштирок дар даври ҷумҳуриявии Фестивал-озмуни “Чакомаи гесӯ” ба даст овард.

Манаъ хабар додааст, ки дар фестивали мазкур муовини Раиси вилоят Назира Ғаффорӣ, ғолибони даври шаҳриву ноҳиявии фестивал ва бонувону духтарон иштирок намуданд.

Тибқи баҳогузориҳои ҳайати ҳакамон Шоҳҷоизаи фестивал-озмун насиби Шукрона Файзуллоева гардид.

Ҳамин тавр, дар бахши “Ороиши мӯйбофии миллӣ” Шоҳсанам Юлдошева, Азиза Каримова, Дилрабо Ҷӯраева, дар бахши “Ороиши замонавии мӯйи бонувон” Фарзона Иброҳимова, Мунира Баҳромзода, Маҳина Дадобоева, дар бахши “Гесӯи дарозтарин” Масъуда Ҳикматова, Ирода Муродова, Райҳона Юсупова, дар бахши “Ҳусни таваҷҷуҳи тамошобин” Роҳат Ғайбуллоева, дар бахши “Ороиши мӯйи кӯдакона” Шаҳноза Қурбонзода, дар бахши “Беҳтарин рассом” Абдуқаюм Хокироев ва дар бахши “Ороиши бадеии мӯй” Фирӯза Иномҷонова ғолиб дониста шуданд.

Манбаъ таъкид намудааст, ба ғолибони озмун туҳфаҳои пулии ҳукумати вилояти Суғд тақдим кард.

Манбаъ таъкид намудааст, ки Шоҳсанам Юлдошева ва дигар ғолибони даври вилоятии фестивал санаи 2-юми марти соли ҷорӣ дар даври ҷумҳуриявии Фестивал-озмуни “Чакомаи гесӯ” иштирок хоҳанд намуд.

Ёдрас мешавем, ки Фестивал-озмуни “Чакомаи гесӯ” бо мақсади тарғибу ташвиқи ҳунарҳои мардумӣ, ҳифзи арзишҳои миллӣ, арҷгузорӣ ба мероси фарҳангии халқи тоҷик, бахусус намоишу парвариши мӯй, ороишу пардози рӯй, ҳаракати мавзун, тарбияи муоширати духтарон, тарғибу ташвиқ ва эҳёи анъанаву маросимҳои миллӣ, аз қабили саршӯёну мӯйбофон, зулфандозӣ ва ҷамолакбандию кокулбофӣ гузаронида мешавад.

394
Барчаспҳо:
ҷоиза, мукофотпулӣ, Суғд, Хуҷанд, озмун, Тоҷикистон
Школьники в масках

Ноиби сарвазири Тоҷикистон гуфт, чӣ бояд кард, то талабаҳо мубталои COVID-19 нашаванд

19
(Таҷдидшуда 20:59 14.08.2020)
Гуруҳи корӣ таҳти раёсати Ширин Исматуллозода, ноиби сарвазири Тоҷикистон, ҳангоми санҷиш дар шаҳри Роғун ва навоҳии Рашт камбудиҳои зиёд дар бахши мубориза бо COVID-19 ошкор кардаст

ДУШАНБЕ, 14 авг — Sputnik. Гуруҳи корӣ таҳти раёсати Ширин Исматуллозода аз шаҳри Роғун ва ноҳияҳои Сангвор, Нуробод, Рашт, Тоҷикобод ва Лахш боздида карда, вазъи соҳаи тандурустӣ ва омодабошии муассисаҳои таълимӣ ба соли нави хонишро санҷидаанд, хабар дод “Ховар”.

“Зимни боздид маълум гардид, ки аҳолӣ, соҳаи маориф ва табибон нисбат ба бемории сироятии COVID-19 ва гирифторшавӣ ба он фориғболӣ нишон медиҳанд.”, - омадааст дар иттилоия.

Манбаъ афзуд, дар кӯчаву бозорҳо сокинон бениқоб гашту гузор мекунанд, дар  муассисаҳои таълимӣ  захираи маводи антисептикӣ, ниқоб, варақаҳои тарғиботиву ташвиқотӣ барои пешгирии беморӣ кам ба назар мерасанд.

Муовини сарвазири Тоҷикистон таъкид кардааст, ки “агар ҳар як омӯзгор бо табибон ва волидон ҳамкорӣ кунанд, боварӣ дорам, ки мактаббачагон ҳеҷ гоҳ интиқолдиҳандаи беморӣ намегарданд”.

Исматуллозода дастур дод, ки омӯзгорону муҳассилин бе ниқоб ба дарс надароянд ва дар даромадгоҳи мактабҳо ҳатман маводи антисептикӣ ва ҳароратсанҷ гузошта шавад.

Инчунин дастур дода шудаст, ки аз ҳисоби кормандони миёнаи тиб дар мактабҳо навбатдориҳо ташкил карда шаваду ҳар як омӯзгор 2-3 дақиқаи дарсро ба фаҳмондадиҳӣ барои риояи қоидаҳои беҳдоштӣ ҷудо кунад.

19
Барчаспҳо:
пешгирӣ, беморӣ, талабагон, Тоҷикистон
Ветерану ВОВ Мирзошарифу Гафурову исполнилось 100 лет

Даргузашти Мирзошариф Ғафуров дар 101-солагӣ

52
Мирзошариф Ғафуров, куҳансарбози Ҷанги Бузурги Ватанӣ, сокини 101- солаи деҳаи Рӯмони ноҳияи Бобоҷон Ғафуров имрӯз дар манзили зисташ аз олам даргузашт

ДУШАНБЕ, 14 авг – Sputnik. Мирзошариф Ғафуров то лаҳзаи даргузашташ шикояти ҷиддие аз саломатӣ надошт, гуфт Мирзотоҳир Ғафуров, писари марҳум дар суҳбат бо Sputnik Тоҷикистон.

 “Ягон шикояти ҷиддӣ аз вазъи саломаташон надоштанд, бо амри тақдир субҳи имрӯз дар синни 101-солагӣ ҷон ба Ҷонофарин супурданд”, - гуфт Ғафуров.

Маросими ҷанозаи марҳум имрӯз дар қабристони ба номи Балодуркуни ҷамоати деҳоти Ҳайдар Усмонови ноҳияи Бобоҷон Ғафуров доир шудааст.

Мирзошариф Ғафуров 7-уми январи соли 1919 дар деҳаи Рӯмони ноҳияи Бобоҷон Ғафуров таваллуд шудааст. Дар моҳи майи соли 1940, замоне, ки ӯ ҳанӯз 18-сола буд ва дар курси дуюми факултаи физикаю математикаи омӯзишгоҳи педагогии шаҳри Хуҷанд ба номи С.М. Киров (ҳоло ДДХ ба номи ак. Б. Ғафуров) таҳсил мекард,  ба хизмати аскарӣ даъват шуд ва бо ҳамин хизмати ӯ дар сафи аскарӣ 9 сол давом кард.

Ӯ аз оғози ҶБВ  борҳо дар миёни дуду оташи ҷанг қарор гирифт ва бо инояти Худованд саломат ва бо сари баланди пирӯзӣ бар фашизм ба хона баргашт.

“Барои хизмати сарбозӣ маро ба шаҳри Кушкаи Туркманистон фиристоданд. Он вақт ҳама ҷо тинҷу амон ва арзонию фаровонӣ буд. Ҳеҷ кас намедонист, ки ин ҳама осудаҳолӣ баъд аз як сол ба як вазъи беамону нобасомон табдил меёбад ва чи гуна осмони софро дуду оташи ҷанг ғуборолуд мекунад”, - нақл карда буд Ғаффуров қаблан дар суҳбат бо Sputnik Тоҷикистон.

Мирзошариф Ғафуров барои шуҷоатмандӣ дар замони ҶБВ бо даҳҳо медалу мукофот қадршиносӣ гардидааст.

Соли ҷорӣ дар арафаи 75 – солагии Иди Ғалаба? Ғафуров дар қатори дигар иштирокчиёну собиқадорони ҷанг бо медали “75 -солагии Ғалаба дар ҶБВ,  1941-1945 сол”-и Федератсияи Русия сарфароз сарфароз гардонида шуд.

52
Барчаспҳо:
Ҷанги Бузурги Ватанӣ, аз дунё даргузашт, ҷанг, Тоҷикистон