Встреча главы госкомимущества с послом ЕС в Душанбе

Тоҷикистон тасмим дорад ба низоми умумии бархурдории тиҷорати GSP+ дохил шавад

189
Тоҷикистон аз Иттиҳоди Аврупо хоҳиш намудааст, ки барои шомилшавии ҷумҳурӣ ба Низоми умумии бархурдории тиҷорати GSP+ мусоидат намояд

ДУШАНБЕ, 28 фев — Sputnik.  Ҳамрализода Фаррух Маҳмуд, раиси Кумитаи давлатии сармоягузорӣ ва идораи амволи давлатии Тоҷикистон бо Мэрилин Йосефсон, сафири Иттиҳоди Аврупо дар Тоҷикистон, масъалаи шомил гардидани Тоҷикистон ба Низоми умумии бархурдории тиҷорати GSP+ баррасӣ намуданд.  

Дар ин бора дафтари матбуоти Кумитаи давлатии сармоягузорӣ ва идораи амволи давлатии Тоҷикистон хабар медиҳад.

Бино бар иттилои манбаъ, тарафҳо зимни мулоқот дар масоили ҳамкориҳо бо Иттиҳоди Аврупо ва шомил гардидани Тоҷикистон ба Низоми умумии бархурдории тиҷорати GSP+ таваҷуҳи хос зоҳир намуданд.

Мерилин Ёсефсон, сафири Иттиҳоди Аврупо дар Тоҷикистон таъкид намудааст, ки шомил гардидани Тоҷикистон ба Низоми умумии бархурдории тиҷорати GSP+ имконият медиҳад, ки молсодиркунандагони ватанӣ аз ҳуқуқи шароити беҳтари низоми тиҷоратӣ, тавассути коҳиш додани боҷҳои гумрукӣ барои зиёда аз 6400 намуди молҳо дар сатҳи сифр, ки содироташон ба бозори кишварҳои Иттиҳоди Аврупо нигаронида шудааст, истифода намоянд.

“Ин раванд дастрасӣ ба молҳои Тоҷикистонро барои истеъмолкунандагони Аврупоӣ хубтар намуда, мутаносибан рақобатпазирии молҳои ватаниро дар ин минтақа қавитар мегардонад”, таъкид намудааст Мерилин Ёсефсон. 

Вай зикр намуд, ки Тоҷикистон барои бархурдорӣ аз низоми мазкур бояд 27 Конвенсия ва санадҳои тасвибшударо дар самтҳои ҳуқуқи инсон, ҳифзи муҳити зист, ҳифзи меҳнат ва идоракунии самарабахш амалӣ намояд.

Дар навбати худ Раиси Кумитаи сармоягузорӣ таъкид намудааст, ки ҳамроҳшавӣ ба Низоми умумии бархурдории тиҷорати GSP+ барои Тоҷикистон афзалияти аввалиндараҷа дорад.

“Он рақобатпазирии молҳои содиротшавандаи кишварро дар бозори Иттиҳоди Аврупо афзун гардонида, заминаи солимро барои рақобатпазирии молҳои ватанӣ дар бозори Иттиҳоди Аврупо фароҳам меорад”, - гуфт Ҳамрализода.

Инчунин вай қайд намуд, ки коҳиш ёфтани андозаи миёнаи боҷҳои воридотии гумрукӣ барои молсодироткунандагони кишвар, дар қаламрави Иттиҳоди Аврупо то ба сифр бевосита ба афзудани қисмати содиротии гардиши савдои хориҷӣ мусоидат намуда, барои бунёди ҷойҳои нави корӣ заминаи воқеӣ фароҳам меорад.

Ба ҳамин хотир мақомоти Тоҷикистон аз Иттиҳоди Аврупо барои шомилшавии Тоҷикистон ба Низоми умумии бархурдории тиҷорати GSP+ мусоидати хост.

189
Барчаспҳо:
густариши муносибатҳо, Кумитаи сармоягузорӣ ва идораи амволи давлатӣ, Кумитаи сармоягузорӣ, ҳамкорӣ, Иттиҳодияи Аврупо, Иттиҳодияи Аврупо, Тоҷикистон
Гробы умерших от коронавируса, архивное фото

Боз фавт: эълони омори сироят, фавт ва шифоёбӣ аз COVID - 19 дар Тоҷикистон

546
(Таҷдидшуда 19:22 28.10.2020)
Аз аввали ҳамагирии коронавируси навъи COVID - 19 то кунун гирифторони ин беморӣ дар Тоҷикистон ба 10900 нафар баробар шуд, хабар медиҳад Вазорати тандурустӣ

ДУШАНБЕ, 28 окт — Sputnik. Вазорати тандурустии Тоҷикистон омори тозаи сироят, фавт ва шифоёбӣ аз коронавирусро  дар Тоҷикистон эълон кард, ки мувофиқи он боз як шаҳрвани кишвар қурбони ин беморӣ шуд.

Ин ниҳод иттилоъ медиҳад, ки дар шабонарӯзи охир дар ҷумҳурӣ 40 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ дар мамлакат ба  10900 нафар баробар гардид.

Ҳамзамон, дар 24 соати охир 61 нафар пас аз табобат ба хонҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 10070 (92,4%)  баробар гардид.

Таъсир ба наслҳо: табиб оқибатҳои хатарноки коронавирус дар кӯдаконро гуфт

Тибқи иттилои Вазорат дар давоми шабонарӯзи гузашта аз COVID - 19 боз як нафари дигар ҷон бохта, шумораи умумии қурбониёни ин вабои аср ба 82 нафар расид.

Манбаъ афзуда, ки Ҳукумати Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Вазорат аз сокинони кишвар даъват карда, ки ҷиҳати пешгирии сирояти мазкур пеш аз ҳама қоидаҳои беҳдошти шахсиро қатъиян риоя намоянд.

546
Барчаспҳо:
омор, вируси корона, Вазорати тандурустӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Ремесленная ярмарка в Исмаилитском центре в Душанбе

"Made in Tajikistan-2020": намоишгоҳ баргузор мешавад, аммо онлайн

33
(Таҷдидшуда 16:31 28.10.2020)
Ба гуфтаи созмондиҳандагони намоишгоҳ, иштироки ширкатҳо дар он ройгон хоҳад буд, ки ин шумораи содиротро васеъ ва истеъмолкунандагони маҳсулотро дар бозори дохилию хориҷӣ зиёд мекунад

ДУШАНБЕ, 28 окт — Sputnik. Баргузоркунандагони намоишгоҳ эълон карданд, ки "Made in Tajikistan-2020" баргузор мешавад, вале тариқи онлайн.

Намоишгоҳ аз 26 ноябр то 17 декабр доир мешавад.

"Вобаста ба вазъи кунунии иқтисодии ҷаҳон ва инчунин пандемияи COVID-19 тасмим гирифта шудааст, ки баргузории намоишгоҳ тавассути Интернет сурат гирад", - тавзеҳ додаанд аз Палатаи савдо ва саноат ба "Ховар".

Made in Tajikistan: ду медал ба маҳсулоти тоҷикӣ дар намоишгоҳи Маскав

Гуфта мешавад, ҳадафи асосии намоишгоҳ дастгирии соҳибкорон ва содиркунандагони Ҷумҳурии Тоҷикистон дар соли 2020, инчунин дастгирии истеҳсолкунандагони ватанӣ, таблиғи ширкатҳою маҳсулот дар бозорҳои дохилию байналмилалӣ ва афзоиши иқтидори содиротии Тоҷикистон мебошад.

“MADE IN TAJIKISTAN”. Муаррифии маҳсулоти истеҳсоли ватанӣ дар намоишгоҳи байналмилалӣ

Ба гуфтаи созмондиҳандагони намоишгоҳ, иштироки ширкатҳо дар он ройгон хоҳад буд, ки ин шумораи содиротро васеъ ва истеъмолкунандагони маҳсулотро дар бозори дохилию хориҷӣ зиёд мекунад.

33

Вакил гуфт, бекор кардани патент барои муҳоҷирон чӣ пайомад дорад

0
(Таҷдидшуда 20:06 28.10.2020)
Ба гуфти вакил сабукӣ барои муҳоҷирони метавонад вокунииши манфии шаҳрвандони Русияро ба бор орад ва ба амният хатар дошта бошад

ДУШАНБЕ, 28 окт — Sputnik. ВУД Русия пешниҳод карда, ки қонун "Дар бораи вазъи ҳуқуқии шаҳрвандони хориҷӣ дар ФР" ислоҳ карда шавад ва барои бархе аз гурӯҳи муҳоҷирон патент бекор гардад.

Светлана Бессараб, узви Кумитаи Думаи давлатӣ оид ба меҳнат, сиёсати иҷтимоӣ ва собиқадорон, дар суҳбат бо Парламентская газета аз чунин навоварӣ интиқод кард.

Дар Русия барои муҳоҷирони ғайриқонунӣ низ Маркази имдод ифтитоҳ мешавад

"Ман ба чунин ташаббус эҳтиёткорона муносибат мекунам. Тавре таҷриба нишон медиҳад, аз ҷумла дар кишварҳои Урупо, на ҳамеша пур кардани ҷойҳои корие, ки мардуми бумӣ намехоҳад аз ҳисоби муҳоҷирон, хуб аст. Аксар вақт ин амалкард бо амнияти давлатӣ алоқаманд аст". қайд кард Бессараб.

Вакил афзуд, ки чунин навгониҳо барои муҳоҷирони сохтмончӣ метавонад вокунииши манфии шаҳрвандони Русия ва иттифоқҳои касабаро ба бор орад.

Чунин вокуниш махсусан имрӯзҳо, ки сатҳи бекорӣ дар Русия дар ҳоли афзоиш аст, интизоршаванда мебошад.

Ба ширкатҳои бузурги сохтмонӣ иҷозат дода мешавад, муҳоҷиронро аз Тоҷикистон даъват кунанд

Рӯзи 26 октябр Вазорати корҳои дохилии Русия тарҳи ислоҳи қонун "Дар бораи вазъи ҳуқуқии шаҳрвандони хориҷӣ дар Федератсияи Русия" -ро барои муҳокимаи умум нашр кард.

Тибқи ҳуҷҷат, хориҷиён метавонанд бидуни патент ва иҷозатномаи кор дар ширкатҳои байналмилалии Русия кор кунанд: дар сохтани иншооти барои чорабиниҳо зарурӣ пешбинишуда ва ҳангоми омодагӣ ва иштирок дар чунин чорабиниҳо.

Рӯйхати чорабиниҳо, ташкилкунандагон ва лоиҳаҳои сохтмонро ҳукумат муайян мекунад.

0
Барчаспҳо:
муҳоҷирон, хатар, патент, Русия