Раҷаббой Аҳмадзода дар форуми соҳибкорӣ дар Хуҷанд

Суғд дар соли равон тасмим дорад 272 корхонаву коргоҳи нави саноатӣ бунёд намояд

366
(Таҷдидшуда 11:10 03.03.2019)
Мақомоти Суғд тасмим гирифтааст, дар соли равон, дар шаҳру ноҳияҳои вилояти Суғд 272 корхонаву коргоҳи нави саноатӣ бо 4,9 ҳазор ҷойи нави корӣ таъсис диҳад

ДУШАНБЕ, 3 мар — Sputnik. Ахиран дар Кохи фарҳанги ба номи Абӯабдуллоҳи Рӯдакии маркази вилоят мулоқоти Раиси вилояти Суғд Раҷаббой Аҳмадзода бо кормандони соҳаи саноат ва соҳибкорони вилоят баргузор гардид.

Бино бар иттилои манбаъ, раиси вилоят Раҷаббой Аҳмадзода дар ин чорабинӣ суханронӣ карда, вазъи соҳаи саноати вилоят ва фаъолияти соҳибкоронро таҳлилу баррасӣ намуд ва барои рушди дастовардҳо, бунёди корхонаҳои нави истеҳсолӣ, бештар ба роҳ мондани содироти маҳсулот, таъсиси ҷойҳои нави корӣ ва ҳалли масоили ҷойдошта масъулинро вазифадор намуд.

“Дар вилояти Суғд иқтидорҳои бузурги саноатӣ, теъдоди зиёди соҳибкорони ташаббускору навовар, инфрасохтори зарурӣ ва захираҳои фаровон мавҷуданд”, - гуфт вай.

Дар ҷамъбасти соли гузашта шумораи соҳибкорони вилояти Суғд беш аз 105 ҳазор нафарро ташкил дод, ки нисбат ба соли 2017-ум 5997 нафар зиёд мебошад.

Дар мулоқот зикр гардид, ки кормандони соҳаи саноат дар ҳамбастагӣ бо сохторҳои дахлдори вилоятӣ ва мақомоти иҷроияи ҳокимияти давлатии шаҳру ноҳияҳо барои таҳкими нуфузи вилоят ҳамчун минтақаи саноатии мамлакат, ба кор андохтани иқтидорҳои нав, роҳандозии истеҳсоли маҳсулоти нави рақобатноку воридотивазкунанда як силсила тадбирҳои судмандро амалӣ доранд.

Дар натиҷа, ба таъсири омилҳои манфии берунӣ нигоҳ накарда, ҳаҷми истеҳсоли маҳсулоти саноатӣ ба маблағи 11,3 миллиард сомонӣ расонида шуд, ки бо нархҳои амалкунанда нисбат ба соли 2017  1,1 миллиард сомонӣ зиёд буда, 110,5 фоизро ташкил медиҳад. Суръати рушди саноати вилоят ба 108,2 фоиз баробар гардид.

Дастовардҳои мазкур имкон доданд, ки саҳми саноати вилоят дар ташаккулёбии маҷмӯи маҳсулоти саноати ҷумҳурӣ дар сатҳи 50 фоиз нигоҳ дошта шавад.

“Боиси қаноатмандист, ки тайи 5 соли охир саҳми саноати вилоят дар ташаккулёбии маҷмӯи маҳсулоти саноати ҷумҳурӣ аз 34 фоизи соли 2014 то 50 фоиз афзудааст, ки наздик 1,5 маротиба зиёд аст”, - таъкид намудааст манбаъ.

Манбаъ таъкид намудааст, ки Вилоят дар соли гузашта ба нақша гирифта буд, ки 88 корхонаву коргоҳи нави саноатӣ таъсис диҳад. Аммо дар натиҷа тадбирҳои андешидашуда 93 корхонаву коргоҳи нав ба фаъолият шурӯъ кард.

Дар ҳамин ҳол дар соли 2019, ба нақша гирифта шудааст, ки дар шаҳру ноҳияҳои вилояти Суғд 272 корхонаву коргоҳи нави саноатӣ бо 4,9 ҳазор ҷойи нави корӣ таъсис дода мешавад.

Аз ҷумла пешбинӣ шудааст, ки дар соҳаи истеҳсоли масолеҳи сохтмонӣ 69 корхонаву коргоҳи нав, саноати сабук 119, хӯрокворӣ 63, кимиё ва коркарди нафт 5, мошинсозӣ, коркарди фулузот ва электротехника 5, металҳои ранга 4 ва сӯзишворӣ 1 адад бунёд мегарданд.

Дар мулоқот кормандони соҳаи саноат ва соҳибкорон, аз ҷумла Раҳим Абдуллоев – соҳибкор аз ноҳияи Бобоҷон Ғафуров, директори корхонаи “Тамохуш” - и шаҳри Исфара Дилшод Расулзода, директори ширкати истеҳсолии “Барс” - и шаҳри Хуҷанд Мирзобахтиёр Мирзобаҳодуров, раиси хоҷагии деҳқонии “Муллосафар” - и ноҳияи Мастчоҳ Муллосафар Олимов, директори корхонаи истеҳсолии серсоҳаи “Кедр” Дадохон Очилов, муассиси ҶДММ “Умрон Суғд” Мавҷуда Қобилова, директори ҶДММ “Арванд” Шоира Содиқова ва дигарон, фикру андешаҳо ва пешниҳодҳои худро барои рушди соҳаи саноати вилоят ва фаъолияти соҳибкорӣ пешниҳод намуданд.

366
Барчаспҳо:
вилояти Суғд, ҷаласа, мулоқот, Раҷаббой Аҳммадзода, рушд, саноат, корхонаҳои саноатӣ, Суғд, Тоҷикистон
Флаг Ирана

Эрон аз мубодилаи маҳкумони эронӣ ва тоҷикистонӣ хабар дод

0
(Таҷдидшуда 19:14 26.09.2020)
Мақомоти Эрон аз мубодилаи ду маҳкуми эронӣ ва тоҷикистонӣ ва интиқоли яке аз маҳкумони эронӣ аз Қазоқистон ба кишвар хабар дод

ДУШАНБЕ, 26 сен - Sputnik. Маҳмуди Аббосӣ, муовини ҳуқуқи башар ва умури байналмилали вазири додгустарӣ ва раиси Кумитаи интиқоли маҳкумони Эрон,  иттиҳоми ин афродро қочоқи маводи мухаддир унвон кард ва ба афроде, ки ба кишварҳои Осиёи Миёна ва минтақаи Қафқоз сафар мекунанд ҳушдор дод, муҷозотҳои сангине дар қиболи иртикоби ҷурм бавижа қочоқи маводи мухаддир ва маводи равонгардон дар интизори онҳо аст, иттилоъ додааст ИРНА.

Оқои Аббосӣафзудааст, ки интиқоли маҳкумон илова бар инки тобеи иродаи сиёсии кишварҳо аст ва ҳазинаи сангине бар байтулмол таҳмил мекунад, инъиқоди мувофиқатномаи маҳкумон илзоман ба маънеи интиқол нест ва ин мавзу ба иродаи сиёсии кишварҳо бар мегардад, бинобар ин таъкиди мо бар худдорӣ аз иртикоби ҷурм аз ноҳияи афрод ва пешгирӣ аз вуқуъи ҷурм тавассути дастгоҳҳои масъул аст.

Раиси кумитаи интиқоли маҳкумон изҳор дошт, ҳамкории хубе байни вазорати додгустарӣ ва муовинати умури иҷтимоӣ ва пешгирӣ аз вуқуъи ҷурми қувваи қазоияи Эрон шакл гирифта ва бояд аз руйкарди ҳамаҷонибаи муовини умури иҷтимоӣ ва пешгирӣ аз вуқуъи ҷурми қувваи қазоияи Эрон ташаккур ва қадрдонӣ кунем, ки зимни мувофиқат бо ташкили кори гуруҳи пешгирӣ аз вуқуъи ҷурм дар Кумитаи ҳуқуқӣ ва қазоии ҳимоят аз эрониёни хориҷ аз кишвар, заминаи муносибе барои пардохтан ба ин мабоҳис дар қиболи эрониёни хориҷ аз кишвар фароҳам карданд.

0
Барчаспҳо:
табибони эронӣ, тоҷикистонӣ, мубодила, маҳбус, интиқол, маҳкум, Эрон, Тоҷикистон
Футболист на поле, архивное фото

Пирӯзии “Навбаҳор” бар “Равшан” и Кӯлоб: ҳисоби бозӣ 5:0

44
(Таҷдидшуда 20:54 26.09.2020)
Бозии даври чаҳоруми чемпионати Тоҷикистон оид ба футбол байни ҷавондухтарон U-17 бо пирӯзии “Навбаҳор” и ноҳияи Мастчоҳ бар “Равшан” и шаҳри Кӯлоб ба охир расид. Дар ин бозӣ соҳибони майдон бо ҳисоби 5:0 пирӯз шудаанд

ДУШАНБЕ, 26 сен – Sputnik. Тавре Аҳлиддин Юнусов, котиби Федератсияи футболи Суғд ба Sputnik Тоҷикистон иттилоъ дод, дар доираи даври чаҳоруми чемпионати футбол инчунин бозӣ миёни дастаҳои “Хатлон” ва “Мактаби махсуси футбол, чавгон ва асп” ё “ММФЧВА” и Суғд доир шуда, бо ҳисоби 3: 2 бо ғалабаи мизбонон тамом шудааст.мяч

Бино ба иттилоъи манбаъ дар чемпионати Тоҷикистон оид ба футбол миёни бонувон шаш даста ба ҳисоби “Навбаҳор” у “Равшан” ва “ММФЧВА” у “Хатлон” барои ба даст овардани Ҷом рақобат мекунанд.

Қарор аст, дар доираи давраи панҷуми бозиҳо “Навбаҳор” дар сафар бо дастаи “Ҳосилот” и Фархор бозӣ анҷом диҳанд.

 “Ҳоло дастаи “Хатлон” дар ҷои аввал ва дастаи “ММФЧВА” дар ҷои дуюм қарор дорад”, - гуфт Юнусов.

Соли гузашта дастаи “ММФЧВА” чемпион шуда буд. Зимнан соли сеюм аст, ки чемпионати футбол миёни бонувон мунтазам доир мегардад.

 Баъзеҳо аз баргузории футболи занона интиқод мекунанд, аммо бисёриҳо бо муҳимияти тарғиби тарзи ҳаёти солим роҳандозии ин намуди варзиш миёни бонувонро тасмими саривақтӣ медонанд. Федератсияи футболи Тоҷикистон ҳам бо мақсади тарғиби тарзи ҳаёти солим роҳандозии чемпионати футбол миёни бонувонро роҳандозӣ намуда, аз сӯи ин ниҳод сафархарҷ, туб ва либоси варзишии дастаҳо таъмин карда мешавад.

44
Барчаспҳо:
Кӯлоб, пирӯзӣ, Мастчоҳ, Футбол, Суғд, Тоҷикистон