Таҷлили Рӯзи Модар -8 март дар Хуҷанд

Хуҷанд рӯзи модарро чӣ гуна таҷлил мекунад?

223
Қарори раиси шаҳри Хуҷанд Маъруф Муҳаммадзода қарор дар бораи сатҳи баланд ташкил ва гузаронидани Рӯзи Модар ба имзо расида, масъулини дахлдор барои дар сатҳи баланд ташкил ва гузаронидани он муваззаф гардидаанд

ДУШАНБЕ, 3 мар — Sputnik. Маъруф Муҳаммадзода, раиси шаҳри қарор дар бораи сатҳи баланд ташкил ва гузаронидани Рӯзи Модарро ба имзо расонд, иттилоъ додааст дафтари матбуоти мақомоти шаҳри Хуҷанд.

Бино бар иттилои манбаъ, бо мақсади татбиқи сиёсати давлат дар ҷодаи дастгирии занон ва духтарон, қадршиносӣ аз саҳми арзандаи онҳо дар ҳаёти ҷамъиятӣ, таъмини фаъолнокии минбаъдаи онҳо, таҳкими нақш ва мақоми зану занону модарон дар ҷомеа санаи 7-уми март ҳамоиши расмӣ ва 8-уми соли равон дар шаҳри Хуҷанд тантанаҳои идона бахшида ба Рӯзи Модар гузаронида мешавад.

Аз ҷумла, дар арафаи Рӯзи Модар баргузор гардидани силсилаи мулоқоту суҳбат ва маҳфилҳо доир ба шинохту мақоми занон дар ҷомеа дар назар дошта шудааст.

223
Барчаспҳо:
Суғд, қарор, раиси шаҳр, Хуҷанд, шаҳри Хуҷанд, таҷлили Рӯзи Модар, Рӯзи модарон, Рӯзи модар, Тоҷикистон
Самолет, на фоне заката

Тавофуқи Тоҷикистону Русия ба интиқоли нахустин гурӯҳи муҳоҷирон - вақти сафар маълум шуд

1043
Вазорати меҳнати Тоҷикистон ба интиқоли 434 муҳоҷири меҳнатӣ ба кор ба соҳаи сохтмон дар шаҳри Иркутск бо Русия ба тавофуқ расид

ДУШАНБЕ, 23 янв — Sputnik. Вазорати меҳнат ва шуғли аҳолии Тоҷикистон ба вилояти Иркутск 434 муҳоҷири меҳнатиро дар мувофиқа бо ширкатҳои сохтмонии Русия ирсол мекунад. Дар ин бора вазорат гузориш додааст.

"Вазорати меҳнат тибқи дастури муовини сарвазири ҳукумати Русия Татяна Голикова дар доираи ҷалби муташаккилонаи муҳоҷирони меҳнатӣ созишнома ба имзо расонид ", - омадааст дар иттилоия.

Инчунин қайд карда мешавад, ки қарор аз ҷониби ситод оид ба пешгирӣ аз воридот ва паҳншавии коронавирус дар Федератсияи Русия тасдиқ карда шудааст.

Тибқи созишнома, 434 муҳоҷири меҳнатӣ аз Тоҷикистон соҳиби ҷойҳои кории кафолатнок шуданд ва дар Иркутск дар ҶДММ "Промстроймаш", ҶДММ "Сибстальстрой" ва ҶДММ "СМПК-7" бо кор таъмин карда мешаванд.

Гурӯҳи якуми коргарон дар аввали ҳафтаи оянда ба Иркутск парвоз хоҳанд кард, ҳоло масъалаҳои ташкилӣ ҳамоҳанг карда мешаванд, илова ба Вазорати меҳнат.

Тибқи иттилои ин шӯъба, тамоми хароҷоти парвозҳо, карантини дуҳафтаина, ҳуҷҷатгузорӣ, хобгоҳ ва хӯрок аз ҳисоби ширкатҳои дар боло зикршуда пардохта мешавад.

1043
Председатель Демократической партии  Саидджафар Усмонзода

Саволи "хиҷолатбор"-и Усмонзода ба вазири мудофиа: медонем, ки чаро аз хизмат мегурезанд

1315
(Таҷдидшуда 23:06 23.01.2021)
Саидҷаъфар Усмонзода, вакили Маҷлиси намояндагон ва раиси Ҳизби демократи Тоҷикистон ба Шералӣ Мирзо, вазири мудофиа мавзӯи шиканҷа дар қисмҳои ҳарбии Тоҷикистонро ба миён гузошта, пурсидааст, ки вазир чи андеша дорад

ДУШАНБЕ, 23 янв – Sputnik. Усмонзода дар иҷлосияи маҷлиси намояндагон пас аз баромади Шералӣ Мирзо дар бораи шарҳи лоиҳаи қонуни нави ҳарбӣ мавзӯи муносибатҳои ғайриқонунӣ дар қисмҳои ҳарбиро ба миён гузошта, қайд кардааст, ки чунин ҳолатҳо ба худи вазир ҳам маълуманд.

"Муҳтарам вазир, муносибатҳои ғариоинномавӣ дар қисмҳои ҳарбӣ, агар гӯем маъмулӣ шудааст, хато намекунем. Аз ин хусус зимни суҳбату мулоқот бо интихобкунандагон волидайне, ки фарзандонашон хизмати аскариро ба ҷой меоранд, изҳори ташвиш мекунанд", - таъкид кардааст ӯ.

Вай мисол овардааст, ки аз ҷумла, чунин ҳолат дар қисми ҳарбии марбут ба Кумитаи ҳолатҳои фавқулода, воқеъ дар ноҳияи Шаҳринав ва қисми ҳарбӣ, воқеъ дар шаҳри Душанбе, ба қайд гирифта шуда.

"Шумо аз он огоҳед", - таъкид кардааст Усмонзода ба Шералӣ Мирзо.

Ба қавли Усмонзода маҳз ҳамин ҳолатҳо, боиси дилсардии ҷавонон аз хизмати модар-ватан гардидааст.

"Чунин мисолҳои муносибатҳои ғайриоинномавӣ дар дигар қисмҳои ҳарбӣ низ ҷой дошта, боис шудааст, ки ҷавонони синни даъват ба ҳар роҳ мекӯшанд аз хизмат дар сафи Қувваҳои Мусаллаҳ сар печанд. Барои аз миён бардоштани чунин муносибатҳо чораҳои мушаххас андешидан зарур аст. Фикри шумо дар ин хусус чист?", - пурсидааст вай.

Шералӣ Мирзо дар посух гуфтааст, ки аз ҷой доштани чунин муносибат дар қисмҳои ҳарбӣ хабар дорад.

" Мутаассифона, чунин ҳолат ҷой дорад. Вазорати мудофиа ҳама чораро меандешад, ки ба чунин вазъ хотима диҳад. Ҳарчанд теъдоди чунин вайронкуниҳо тӯли солҳои охир ду — се маротиба кам шудааст, вале то ҳол он хотима наёфтааст", - изҳори нигаронӣ кардааст вай.

Шералӣ Мизо афзуд, бо қабули қонун дар таҳрири нав ба масъалаи зикршуда боз ҳам бештар диққат дода хоҳад шуд.

1315
Бокс, архивное фото

Воҳидов камарбанди WBO-ро гирифт: набарди дидании муштзани шикастнадидаи тоҷик-видео

0
(Таҷдидшуда 01:56 24.01.2021)
Асрор Воҳидов, муштзани шикастнадидаи тоҷик, дар мусобиқаи байналмиллалии “RCC Boxing Promotions” камарбанди WBO (Созмони ҷаҳонии бокс)-ро соҳиб гашт

ДУШАНБЕ, 23 янв – Sputnik. Ин рақобати нуҳуми Воҳидов буд, ки бидуни шикаст поён ёфт.

Мусобиқот шоми имрӯз дар шаҳи Екатеринбург баргузор гардида, Воҳид Асроров намояндаи Африқои Ҷанубӣ Тато Бонокоанеро шикаст дод.

Мавриди зикр аст, ки рақобат барои ҳарду варзишкор шадид оғоз шуд, аммо Воҳидов майдондориро аз даст намедод ва ин буд, ки пас аз зарбаҳои шадиди пайиҳам ҳарифашро дар даври 9-ум нокаут кард.

Гуфта мешавад, ин рақобат барои Воҳидов зарурӣ буд, зеро он барои камарбанди WBO Oriental баргузор шуда буд.

Видеои муштзании Воҳидови шикастнадида бо “Ракета”-и қазоқ: пирӯзӣ баъди нокдаун-навор

Ҳамакнун Воҳидови 26-сола дар 9 сабқати касбӣ 9 пирӯзӣ ба даст овард.

Ёдовар мешавем, Асроров ахири соли гузашта варзишкори украинӣ Данило Савченко ва қабл аз он Ержан Залилов, муштзани қазоқ, бо лақаби “Ракета”-ро шикаст дод.

Асрор Воҳидов 20 октябри соли 1995 дар Исфара таваллуд шудааст. Варзишгар дар вазнҳои то 52 кг ва то 56 кг баромад мекунад.

0