Инспектор ГИБДД, архивное фото

БДА исми 3 зан ва 47 марди ҷаримагурезро ошкор кард

286
Ронанадаҳои ҷаримагурез аз 3 то 40 маротиба қонуншиканӣ намуда, маблағи ҷаримаро напардохтаанд

ДУШАНБЕ, 5 фев – Sputnik.  Вазорати умури дохилии Тоҷикистон феҳрасти ронандаҳоеро, ки қоидаҳои ҳаракат дар роҳҳои Душанберо нақз карда ва маблағи ҷаримаро пардохт накардаанд, нашр кардааст.

Бино ба иттилои равобити умумии ин ниҳод,  рӯйхат дар асоси сабти дурбинҳои Маркази низоми худкори идоракунӣ дар соҳаи нақлиёт — "Шаҳри бехатар" пешниҳод шудааст.

Дар ин рӯйхат исми 50 ронанда, аз ҷумла се зани ронанда низ дида мешавад, ки қоидаҳои ҳаракат дар роҳро вайрон карда, аз пардохти ҷарима сарпечӣ кардаанд.

Ҳамин тавр, БДА ба Шамсия Гадоева, сокини шаҳри Душанбе, ронандаи Опел-Астра ҳушдор додааст, ки маблағи 38 ҷаримаро пардохт кунад. Мавзуна Исмоилова як сокини дигари пойтахт 5 маротиба ҷаримагурезӣ ва Ситора Саторова 18 маротиба қонуни ҳаракат дар роҳро вайрон ва ҷаримаро пардохт накардааст.

Аз ҳама ронандаи "пешсаф" дар ин рӯйхат Шарифов Фаридун мебошад, ки 40 маротиба қонуншиканӣ кардаастю

Бо рӯйхати пурра метавон аз вебгоҳи ВУД шинос шуд. БДА ба ронандагони ҷаримагурез ҳушдор медиҳад, ки ҷаримаро пардохт кунанд.

286
Линии электропередачи

Барқхомӯшкунӣ дар тобистон: сокинон мегӯянд, бо равшании телефон таъоми шом мехӯрем

30
(Таҷдидшуда 18:21 04.07.2020)
Сокинони деҳоти ноҳияи Деваштичи Суғд аз мушкили қатъ шудани нерӯи интиқоли барқ ба манзилҳояшон таъкид мекунанд. Онҳо мегуянд, ин вазъ беш аз як моҳ ба ин тарф дар фасли тобистон давом дорад

ДУШАНБЕ, 4 июл – Sputnik. Масрур як сокини ҷамоати Ваҳдат дар суҳбат бо Sputnik Тоҷикистон гуфт, қатъи интиқоли барқ дар вақти шомгоҳон барои онҳо дар шароити рустоҳо мушкилӣ меорад.

"Бегоҳ аз кори саҳро меоӣ, ки дар хонаҳо барқ нест ва ҳама ҷо торик. Дар торикӣ чи гуна хуроки шом хурданро намедонӣ. Бо истифода аз равшании фонари телефонҳо хӯроки шом мехурем", - гуфт ӯ.

Фирӯз як сокини деҳаи Басманда ҳам аз мушкили хомӯшшавии барқ иброз намуд. Ӯ гуфт, хомӯшкунии барқи ин деҳа шомгоҳон аз соати 19 то 20 ва гоҳо аз соати 20 то соати 21: 30 дақиқа тӯл мекашад.

Муҳиддин Аҳмадзода, сармуҳандиси шабакаҳои барқии Истаравшан дар суҳбат ба Sputnik Тоҷикистон вазъи мавҷударо шарҳ дод.

Ӯ гуфт, "бо сабаби таъмири ноқилҳо ва чораҳои профилактикӣ ин гуна ҳолат ба вуҷуд меояд".

Вале сокинон таъкид меварзанд, ки чунин вазъ беш аз як моҳ ба ин тараф идома дорад, аммо ҳеҷ яке аз масъулини шабакаҳои барқи минтақа бо пахши эълон, расман аҳолиро огоҳ намекунанд.

Баъзе аз соҳибназарон иллати қатъи интиқоли нерӯи барқро ба фаъолияти чоҳҳои амудии (скважина) ҳудуди ҷамоат рабт медиҳанд.

Бино ба гуфтаи онҳо, ҳоло шумори ин гуна чоҳҳои обрасони зироати сокинон зиёд шудааст ва дар як вақт кор кардани аксари ин чоҳҳо, сабаби зиёд тасфидани зеристогоҳҳои барқӣ мегардад ва аз ҳамин хотир масъулин бо хомӯш намудани барқ то якуним соат кори зеристгоҳҳоро дам доданиянд.

Аммо сокинон мегӯянд, назар ба ин, ки барқи манзилҳои онҳо хомӯш карда шавад, бояд масулини идораи барқ, танзими кори чоҳҳои амудиро ба роҳ монанд.

30
Барчаспҳо:
маводи хӯрока, барқ, Суғд
Сотрудники птицефабрики, архивное фото

Сохтмони бузургтарин фабрикаи парандапарварӣ дар Данғара дар моҳи сентябр ба анҷом мерасад

54
(Таҷдидшуда 16:15 04.07.2020)
Аз соли 2019 дар деҳаи Хоҷа Шақиқи Балхии Ҷамоати деҳоти Себистони ноҳияи Данғара сохтмони бузургтарин фабрикаи парандапарварӣ оғоз гардида, ҳоло бунёди он аз тарафи ширкати “Мармарӣ” идома дорад

ДУШАНБЕ, 4 июл – Sputnik. Ба нақл аз сомонаи рӯзномаи “Ҷумҳурият” мувофиқи лоиҳа, дар ин фабрика 24 бинои мурғхона - ҳар кадом бо дарозии 96 метр бунёд мегардад. Ҳоло сохтмони 12 мурғхона ҷараён дорад.

Тибқи нақша, самти асосии фаъолияти корхона истеҳсоли гӯшти парандаи зотӣ (Бройлер) мебошад.

Манбаъ таъкид доштааст, ки агар комплекси муҳташами парандапарварӣ дар мавзеи Себистон, воридоти гӯшти паранда аз хориҷи кишвар якбора 40 фоиз коҳиш меёбад.

Тибқи иттилоъ, баъди ба истифода додани комплекси парандапарварӣ дар навбати аввал тухми инкубатсионӣ аз Ҷумҳурии Ӯзбекистон ворид карда мешавад. Баъдан, тибқи нақша, корхона баҳри паст кардани арзиши аслии маҳсулот ва аз байн бурдани вобастагӣ аз воридоти он аз хориҷи кишвар истеҳсоли тухми инкубаториро дар дохили корхона ба роҳ мемонад.

Мутобиқи лоиҳа, обе, ки пас аз забҳи мурғ боқӣ мемонад, тавассути таҷҳизоти махсуси тозакунӣ коркард ва барои шустушӯи мурғхонаҳо, инчунин, обёрии заминҳои назди корхона истифода бурда мешавад.

Ҳамчунин, дар ин корхона дар оянда коркарди пурраи гӯшти паранда ва истеҳсоли ҳасибҳои гуногун дар назар аст.

 Ҳамаи техникаҳо, хатҳои истеҳсолӣ ва технологияи корхона аз кишварҳои пешрафтаи ҷаҳон, аз ҷумла Федератсияи Россия ва Ҷумҳурии Мардумии Чин ворид карда мешаванд.

Тибқи лоиҳа, дар дохили корхона 2 сардхонаи муосир барои нигоҳдории маҳсулоти тайёр бо ғунҷоиши 1 ҳазору 200 тонна гӯшт сохта мешавад.

Гуфт шудааст, ки корхонаи мазкур то ҷашни 30-солагии Истиқлолияти Тоҷикистон пурра ба истифода дода мешавад.

54
Барчаспҳо:
бунёд, парандапарварӣ, корхона, Данғара, Тоҷикистон