Председатель Маджлиси намояндагон Маджлиси Оли Республики Таджикистан Шукурджон Зухуров, архивное фото

Зуҳуров ба сафири Эрон: Шумо он чи ки метавонистед, барои тавсеаи дӯстӣ анҷом додед

983
Дар мулоқоти Худоҳофизии сафири Эрон дар Тоҷикистон Ҳуҷҷатуллоҳ Фағонӣ ва Шукурҷон Зуҳуров раиси маҷлиси намояндагони Тоҷикистон вазъияти равобити ду ҷониба ва тақвияти он баррасӣ шуд

ДУШАНБЕ, 8 мар — Sputnik. Ҳуҷҷатуллоҳ Фағонӣ сафири Эрон дар Тоҷикистон дар поёни маъмурияти худ ва ба манзури худоҳофизӣ бо Шукурҷон Зуҳуров раиси  маҷлиси намояндагони Тоҷикистон мулоқот намуд, иттилоъ додааст дафтари матбуоти сафорати Эрон дар Тоҷикистон.

Бино бар иттилои манбаъ, дар ин дидор тарафҳо дар хусуси вазъияти равобити ду ҷониба ва тақвияти он ба вежа роҷеъ ба ҳамкориҳои парлумонии ду кишвар табодули назар карда шуд.

Шукрҷон Зуҳуров аз талошҳои сафири Эрон дар Тоҷикистон дар муддати маъмурият дар ҷумҳурӣ қадрдонӣ кард ва гуфт шумо ончи, ки метавонистед барои таҳким ва тавсеаи дӯстӣ миёни думиллат ва давлати Тоҷикистон анҷом додед.

Зуҳуров бо ишора ба таҳримҳои алайҳи  Эрон қайд намудааст, ки инқилоби исломии Эрон дар зарфи чиҳил соли гузашта фарозу нишеби зиёдеро аз сар гузаронида ва ба муваффақиятҳои фаровонӣ дастёфтааст.

“Шумо ҳатман хоҳед тавонист мушкилоти ахирро низ пушти сар бигузоред”, - қайд намудааст Раиси маҷлиси намояндагони Тоҷикистон.

Инчунин Зуҳуров ба зарфиятҳои мукаммали иқтисодӣ ду кишвар ва кумакҳо ва сармоя гузориҳои Эрон дар Тоҷикистон пас аз истиқлоли ин кишвар ишора кард ва хостори афзоиши ҳамкорӣ дар ин замина шуд.

“Эрон ва Тоҷикистон решаҳо, фарҳанг, дин, забон ва таърих ва тамаддуни муштаракӣ доранд. Эрон дар дастёбӣ ба сулҳ дар даврони ҷанги дохилии Тоҷикистон дар канори мо буд ва ин қобили инкор нест”, - таъкид намудааст Шукурҷон Зуҳуров

Дар ҳамин ҳол сафири Эрон дар Тоҷикистон бо ташаккур аз ҳимояти Зуҳуров аз тақвияти равобити ду кишвар дар даврони маъмурияти худ бар лузуми тақвияти муносиботи ду кишвар ба хусус дар ҳавзаи сафарҳо ва таомулоти парлумонӣ таъкид кард.

Сафири Эрон дар Тоҷикистон ба тавонмандии   Эрон дар содироти хадамоти фаннӣ ва муҳандисӣ афзуд, ки дар даврони маъмурияти худ талош намуд ширкатҳои эронӣ дар лоиаҳои тавсеаӣ ва зербиноӣ Тоҷикистон мушорикати хубе дошта бошанд.

“Ҳашт ширкати  эронӣ дар раванди сохти лоиҳаи азимӣ сад ва неругоҳи Роғуни Тоҷикистон ҳузур доранд ва сифати кори онҳо мавриди ризояти мақомоти олии Тоҷикистон мебошад”, - афзуд Ҳуҷҷатуллоҳ Фағонӣ, сафири Эрон дар Тоҷикистон.

983
Барчаспҳо:
Шукурҷон Зуҳуров, раиси парлумон, мулоқот, ҳамкорӣ, Эрон, Тоҷикистон
Люди в защитных масках в Душанбе, архивное фото

Омори нави гирифторӣ, шифо ва фавт аз COVID-19 дар Тоҷикистон

186
То санаи 20 сентябр дар мамлакат 8108 (86,7%) нафар аз бемории COVID-19 шифо ёфта, бар асари он 73 нафар фавтидаанд.

ДУШАНБЕ, 20 сен — Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, то шоми имрӯз дар маҷмӯъ шумораи гирифторони ин беморӣ ба  9346  нафар баробар гардид.

Бино бар иттилои манбаъ, дар як шабонарӯзи охир 115 нафар гумонбарон зери назорати табибон қарор дошта, 42 нафар баъд аз муолиҷа ба хонаҳояшон рухсат дода шуданд.

Ҳамзамон, то санаи  20 сентябр дар кишвар  8108  (86,7%) нафар аз бемории COVID-19 шифо ёфта,  бар асари он 73  нафар фавтидаанд.

Маврид ба зикр аст, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Зарари бесобиқаи коронавирус ба иқтисоди ҷаҳон: 5 сол барои барқароршавӣ лозим

Дар ин лаҳзаҳои ҳассос аз тамоми сокинони кишвар даъват ба амал оварда мешавад, ки ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

186
Школьники в новой школе района Рудаки

Озмун барои дарёфти стипендияи президентӣ: 10 нафар пирӯз шуданд

52
Аз 16 то 24 сентябр бо ташаббуси Кумитаи кор бо ҷавонон дар тамоми шаҳру ноҳияҳои мамлакат озмун барои дарёфти стипендияи президентӣ гузаронида мешавад

ДУШАНБЕ, 20 сен — Sputnik. Дар Кӯлоб дар озмун барои дарёфти стипендияи президентӣ 10 нафар пирӯз шуданд, гузориш медиҳад Вазорати маорифи Тоҷикистон.

Бино бар иттилои манбаъ, дар шаҳри Кӯлоб барои дарёфти стипендияи президентӣ байни хонандагону донишҷӯёни муассисаҳои таҳсилоти умумии ибтидоӣ ва миёнаи касбӣ озмун оғоз гардид.

Дар он 24 нафар довталабоне, ки танҳо бо баҳои аъло таҳсил намуда истодаанд, иштирок намуда, аз миёни онҳо 10 нафар ҳамчун гирандагони Стипендияи президентӣ муайян мегарданд.

Аз 16 то 24 сентябр бо ташаббуси Кумитаи кор бо ҷавонон ва варзишшаҳру ноҳияҳои кишвар озмун барои дарёфти стипендияи президентӣ гузаронида мешавад.

Озмуни мазкур ба тарзи шаффоф гузаронида шуда, дар он ба савияи дониш ва лаёқати довталабон диққати асосӣ дода мешавад.

Рустами Эмомалӣ барои барандаҳои стипендия ним миллион сомонӣ ҷудо кард

Ҳадаф аз баргузории озмун  дастгирии моддиву маънавӣ, пайдо намудани хонандагони болаёқату фаъол ва бедорсозии ҳисси хештаншиносии наврасону ҷавонон мебошад.

52

Муроҷиати видеоии Путин ба Маҷмаи умумии Созмони милал

0
(Таҷдидшуда 21:23 20.09.2020)
Ин муроҷиати видеоии Владимир Путин, раисҷумҳури Русияро тамоми ҷаҳон дар рӯзи ифтитоҳи нишасти ҳафтоду панҷумини Маҷмаи умумии СММ тамошо хоҳанд кард

ДУШАНБЕ, 20 сен — Sputnik. Раисҷумҳури Русия Владимир Путин дар нишасти 75-умини Маҷмаи умумии Созмони милали муттаҳид иштирок мекунад.

Тавре телевизиони "Россия 1" гузориш медиҳад, президент аллакай махсус барои Маҷмаи умумии Созмони милали муттаҳид муроҷиати видеоӣ сабт кардааст.

Дар навор дида мешавад, ки Путин дар назди овезае, ки дар он "Ояндаи ҳама бо қувваи ҳама" навишта шудааст, суханронӣ мекунад.

Афзун бар ин дар навор, бастаи ғафсеи коғазҳоро метавон дид, ки бо он сарвари кишвар навор сабт кардааст.

Ҳафтаи дараҷаи олии нишасти 75-уми Маҷмаи умумии СММ дар Ню-Йорк аз 22 то 29 сентябр баргузор мешавад.

Бо далели пандемия, чорабинӣ дар "формати виртуалӣ" баргузор мешавад. Дар ҳамин ҳол, дар толор аз ҳар як кишвар як намоянда иштирок хоҳад кард.

СММ: муҳоҷирони Осиёи Миёна дар кишварҳои Аврупо ҳавзаҳои террористӣ ташкил доранд

Маҷмаи умумӣ ба роҳбарони кишвар ва вазирон пешниҳод кардааст, ки баромадҳояшонро сабт кунанд ва онро дар толор намоиш хоҳанд дод. Давомнокии видео на бояд бештар аз 15 дақиқа бошад.

Навори муроҷиати Путинро дар рӯзи ифтитоҳи нишаст - 22 сентябр намоиш медиҳанд.

Бино бар иттилои котиботи СММ, созмон аз роҳбарони 26 кишвар чунин навор дарёфт кардааст.

0