Сбор хлопка в Таджикистане

Соҳибкори арманӣ аз даъвои пахтакорони тоҷик розӣ нест - Навор

371
Гуруҳи шаҳрвандони Тоҷикистон дар Арманистон ҳамоиши эътирозӣ баргузор карда, аз Ҳукумати ин кишвар мусоидат барои гирифтани маошашонро дархост кардаанд

ДУШАНБЕ, 8 мар — Sputnik. Панҷ  шаҳрванди Тоҷикистон, ки барои пахтакорӣ ба Арманистон ҷалб шуда буданд, субҳи 7 март назди бинои Ҳукумати ин кишвар ҷамъ омаданд, иттилоъ додааст Sputnik Армения.

Пахтакорони тоҷик, таъкид намуданд, ки соҳибкор Гагик Хачикян аз онҳо наздик ба 15 ҳазор доллар қарздор шудааст ва маблағро пардохт намекунад.

Абдулло Хайрулло, пахтачинӣ тоҷик хабар додааст, ки 7 нафарашон бидуни гирифтани маош аллакай ба Тоҷикистон баргаштаанд. Нафарони боқимонда барои баргаштан маблағ надоранд ва наметавонанд ба назди оилаҳои худ баргарданд.

Тазоҳургарони тоҷик дар лавҳаҳои худ аз пардохти маош даъво доранд.

“Мо аз моҳи май кор кардем ва пахтакорӣ кардем. То тирамоҳ кор кардем вале барои мо пул надоданд”, мегуяд Хайруло.   

Дигар пахтакорӣ тоҷик суханони шарикашро тасдиқ карда гуфт, ки соҳибкори арманӣ ҳамагӣ барои онҳо барои се моҳ маош доду халос. Ҳоло онҳо аз ҳисоби худ зиндагӣ мекунанд ва мехоҳанд ба Ватан баргарданд.

Дар ҳамин ҳол намояндаи соҳибкор Гагик Хачикян бо номи Лусине аз иддаҳои пахтакорони тоҷик қатъиян норозигӣ баён кард.

Ба гуфтаи вай, кишоварзони пахтакори тоҷик барои роҳандозии парвариши пахта ҳамчун мутахассис ҷалб шуда буданд ва корфармо барои онҳо тамоми шароитро муҳаё карда буд.

Лусине таъкид кард, ки соҳибкори арманӣ тоҷиконро ба хонаву ғизо таъмин карда, маблағи комунали ва хизматрасониҳои тибиии онҳоро пардохт мекард.

“Онҳо савори мошини ман буданд. Метавонам ба Шумо санадҳои ҷарима барои вайрон кардани қоидаҳои роҳро нишон диҳам. Мо ҷаримаҳоро низ пардохт мекардем – мушкиле нест онҳо меҳмони мо ҳастанд. Мо онҳоро ҳатто тобистони гузашта ба саёҳат бурдем”, - гуфт Лусине.

Намояндаи соҳибкори арманӣ таъкид намуд, ки маоши тоҷиконе, ки Арманистонро тарк карданд пурра пардохт шуда буданд. Соҳибкор дар даст санадҳои лозима бо имзои худи пахтачинони тоҷикро дорад.

“Ҳар моҳ ҳамин Хайруло рӯйхат меовард, ки ба ҳар як нафар чӣ қадар маблағ бояд пардохт шавад. Новобаста аз он ки пахтакорони тоҷик тибқи шартнома корҳои худро иҷро карданд ё на, ман шахсан бонк мерафтам ва барои онҳо пул мефиристодам”, - зикр кард намояндаи соҳибкор.

Дар ҳамин ҳол Лусине қайд намуд, ки қарз дар назди пахтачинон вуҷуд дорад, аммо ин маблағ 15 ҳазор доллар набуда ба маротиб кам аст. 

Вай афзуд, ки аз моҳи декабр тоҷикон кор накардаанд, ҳосил ҷамъ нашудааст ва ба ҳамин хотир мо бояд ба як тавофуқе бирасем.

Лусине гуфт, соҳибкор ҳамаи дархостҳои пахтакорони тоҷикро иҷро мекард.

“Мушкилот бояд ҳал шавад. Умедворем, ки бо розигии тарафайн мушкилоти мазкур ҳал хоҳад шуд”, - афзуд манбаъ.  

Хачикян тирамоҳи гузашта ба Sputnik Арманистон изҳор дошта буд, ки бо кумаки мутахассисони тоҷикистонӣ, аз ҷумла Абудлло Хайрулло дар водии Аракс парвариши пахтаро роҳандозӣ кард. Дар ҳоле, ки бисёриҳо бовар надоштаанд, Хачикян ва Абдулло Хайруло аз ҳосили хуби пахта дар ин минтақа хабар доданд. Абдулло Хайрулло он вақт изҳор дошта буд, ки тамоми асрори пахтакориро ба Хачикян ва шарикони арманӣ нишон дод, аммо соҳибкори арманӣ шӯхиомез илова кард, ки Абдулло Хайрулло бояд камаш 20 сол дар Арманистон монад, чун ҷавон аст. Ин соҳибкори арманӣ қаблан тайи қариб 20 сол ба содироти пахта аз Тоҷикистон машғул будааст.

371
Барчаспҳо:
эътирозоти кишоварзон, Ҳукумат, эътироз, соҳибкор, пахта, Арманистон, Тоҷикистон
Зима в Душанбе

Коронавирус дар Тоҷикистон: охирин омори вазорат

117
(Таҷдидшуда 19:37 20.01.2021)
Вазорати тандурустӣ мегӯяд, дар мамлакат ҳамоно ягон мавриди сироятшавӣ ба вируси COVID - 19 сабт нашудааст

ДУШАНБЕ, 20 янв — Sputnik. Ҳамакнун давоми 10 шабонарӯз мешавад, ки дар Тоҷикистон сироятшавӣ ба коронаиврус сабт намешавад.

Вазорати тандурустӣ бошад, ҳамарӯза омори ҷадиди коронавирусро нашр мекунад ва рақамҳои сирояту шифоёбӣ ва ҳамчунин фавт аз ин беморӣ  бидуни тағйир, такрор меёбанд.

Охирин мавриде, ки сироятшавии се нафар ба коронаиврус сабт гардида буд, рӯзи 10 январ сурат гирифт. Вале вазорат мегӯяд, ки дар ҷумҳурӣ ягон мубталои коронавирус боқӣ намондааст, дар ҳоле, ки аз мариз шудани се нафари охирин ҳамагт 11 рӯз сипарӣ шуд.

Бар тибқи маълумоти Вазорати тандурустӣ дар Тоҷикистон ҷамъан 13 308 нафар гирифтори коронаиврус шуданд, ки аз ин миён аллакай 13 218 нафар шифо ёфтанд.

Аз 13 308 маризи коронавирус дар Тоҷикистон 90 кас фавтида, дигарон шифо ёфтанд

"Аз оғози бурузи коронавирус дар Тоҷикистон 90 нафар ба ҳалокат расиданд", - таъкид мешавад дар хабари манбаъ.

Дар ҳамин ҳол, имрӯз - 20 январ Ситоди ҷумҳуриявӣ расман эълон кард, ки сар аз 1 феврал дари масоҷид ба рӯи намозгузорон боз мешавад.

"Аз 1-уми феврали соли 2021 дар Тоҷикистон баргузории ибодати дастаҷамъона дар иттиҳодияҳои динӣ, аз ҷумла намозҳои ҷумъа дар масҷидҳо бо риояи қатъии қоидаҳои беҳдоштии шахсию чамъиятӣ иҷозат дода мешавад", - омадааст дар хабари Ситоди ҷумҳуриявӣ.

Манбаъ меафзояд, дар сурати риоя нашудани талаботи гигиенаи шахсию ҷамъиятӣ вобаста ба пешгирии бемориҳои сироятӣ, фаъолияти масҷидҳо метавонад масдуд шавад.

117
Барчаспҳо:
омор, маризӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Праздничный намаз на Иди Курбон в Душанбе

Расман: рӯзи бозкушоии масҷидҳо дар Тоҷикистон эълон шуд

1428
(Таҷдидшуда 17:58 20.01.2021)
Ситоди ҷумҳуриявӣ оид ба пурзӯр намудани чораҳои зиддиэпидемиявӣ барои пешгирӣ аз бемории сироятии коронавирус дар бораи бозкушоии масҷидҳо қарор қабул кард

ДУШАНБЕ, 20 янв — Sputnik. Аз 1-уми феврали соли 2021 дар Тоҷикистон баргузории ибодати дастаҷамъона дар иттиҳодияҳои динӣ, аз ҷумла намозҳои ҷумъа дар масҷидҳо бо риояи қатъии қоидаҳои беҳдоштии шахсию чамъиятӣ иҷозат дода мешавад.

Дар ин бора имрӯз Ситоди ҷумҳуриявӣ оид ба пурзӯр намудани чораҳои зиддиэпидемиявӣ барои пешгирӣ аз бемории сироятии коронавирус дар Ҷумҳурии Тоҷикистон қарор қабул намуд.

Абдулқодирзода: шумораи масҷид дар Тоҷикистон дар даврони истиқлол ба 4 ҳазор расид

Дар қарори Ситоди ҷумҳуриявӣ оид ба пурзӯр намудани чораҳои зиддиэпидемиявӣ барои пешгирӣ аз бемории сироятии коронавирус, ки АМИТ "Ховар" нашр кардааст, гуфта мешавад:

  • бо дарназардошти тадриҷан ба эътидол омадани вазъи эпидемиологӣ вобаста ба сирояти коронавирус- COVID-19 аз 1-уми феврали соли 2021 дар қаламрави мамлакат баргузории ибодати дастаҷамъона дар иттиҳодияҳои динӣ, аз ҷумла намозҳои ҷумъа дар масҷидҳо бо риояи қатъии қоидаҳои беҳдоштии шахсию чамъиятӣ иҷозат дода шавад;
  • Кумитаи дин, танзими анъана ва ҷашну маросим ва Маркази исломӣ якҷо бо Вазорати тандурустӣ ва ҳифзи иҷтимоии аҳолӣ вазифадор карда мешаванд, ки вобаста ба амалӣ шудани қарори мазкур тадбирҳои зарурӣ андешида, дар иттиҳодияҳои динӣ ва масҷидҳо риояи қатъии қоидаҳои гигенаи шахсию ҷамъиятиро ҳангоми баргузории ибодати дастаҷамъона таъмин намоянд.

Ҳамчунин Ситоди ҷумҳуриявӣ ба таваҷҷуҳи шаҳрвандони мамлакат мерасонад, ки бо вуҷуди тадриҷан ба эътидол омадани вазъи эпидемиологӣ қоидаҳои гигиенаи шахсиву ҷамъиятиро қатъиян риоя намуда, ҳангоми ибодати дастаҷамъона дар иттиҳодияҳои динӣ, аз ҷумла дар масҷидҳо махсусан дар намозҳои ҷумъа ҳатман аз ниқобҳои тиббӣ истифода намоянд.

Шарҳи расмии Кумитаи дин дар бораи хабари кушода шудани масҷидҳо

"Дар масҷидҳое, ки талаботи гигиенаи шахсию ҷамъиятӣ вобаста ба пешгирии бемориҳои сироятӣ риоя намегардад, фаъолияташон манъ карда мешавад", - таъкид мешавад дар хабар.

1428
Барчаспҳо:
боз, масҷидҳо, Тоҷикистон
День 21 января

Аз Рӯзи оғӯш то ниҳолшинонии Эмомалӣ Раҳмон дар боғи "Наврӯзгоҳ": имрӯзи таърих

0
(Таҷдидшуда 19:37 20.01.2021)
Рӯзи бисту якуми январ дар Лаҳистон – Рӯзи бибиҳо, дар Беларус — Рӯзи қӯшунҳои муҳандисӣ. Рӯзи байналмилалии оғӯш мебошад

Рӯзи 21 январ дар ҷаҳон чӣ рух дод

Соли 1862 Адам Опел дар шаҳри Рюсселхайми Олмон корхонаи истеҳсоли мошинаҳои дӯзандагӣ ифтитоҳ намуд. Соли 1886 ширкати "Опел" истеҳсоли дучарха ва соли 1899 истеҳсоли мошинро сар кард ва  ҳоло яке аз ширкатҳои машҳуртарин дар ҷаҳон мебошад.

Соли 1932 дар Остона аввалин шумораи рӯзномаи "Ҳақиқати Қазоқистон" («Казахстанская правда») нашр шуд.

Соли 1954 дар ҷаҳон нахустин маротиба бомбаи атомии зери обӣ сар дода шуд.

Соли 2011 дар Остона, дар  Донишгоҳи миллии санъати Қазоқистон ҷаласаи дуюми Шӯрои ректорони консерваторияҳои Иттиҳоди Давлатҳои Мустақил баргузор гардид.

Соли 2014 дар пойтахти Чин- шаҳри Пекин ҷаласаи якуми раёсати Шӯрои расмии Созмони ҳамкории Шанхай доир гардид. Дар ҷаласа роҳбарони қисмҳои миллии Шӯрои расмии кишварҳои иштирокчии СҲШ- Тоҷикистон, Русия, Чин, Қирғизистон, Қазоқистон ва Узбакистон ширкат варзиданд.

Соли 2016 ВАО хабар доданд, ки дастаҳои футболи Испания — "Реал" ва "Барселона", инчунин "Манчестер Юнайтед"-и Англия дар соли 2015 беш аз 500 миллион евро ба даст овардаанд.

Рӯзи 21 январ дар Тоҷикистон чӣ рух дод

Соли 2000 нахустин шумораи ҳафтаномаи "Азия-Плюс" аз чоп баромад.

Соли 2004 Парлумони Тоҷикистон ба қонун “Дар бораи уҳдадории умумии ҳарбӣ ва хизмати ҳарбӣ” тағйирот ворид кард, ки мувофиқи он муҳлати хизмати ҳатмии ҳарбӣ барои хатмкунандагони донишгоҳҳо аз 18 ба 12 моҳ поин оварда шуд.

Соли 2011 бо Фармони Президенти Тоҷикистон Хадамоти муҳоҷирати назди Ҳукумати Ҷумҳурии Тоҷикистон таъсис дода шуд.

Соли 2014 сарвазир Қоҳир Расулзода бо ҷараёни корҳои соҳилмустаҳкамкунӣ дар минтақаҳои наздисоҳилии  шаҳри Кӯлоб ва ноҳияи Восеи вилояти Хатлон шинос шуд.

Соли 2017  Эмомалӣ Раҳмон дар робита ба хабари ҳузнангези ба ҳалокат расидан ва ҷароҳат бардоштани шаҳрвандони Венгрия, аз ҷумла, кӯдакону наврасон бар асари садамаи воситаи нақлиётӣ дар Италия ба Президенти Венгрия Янош Адер барқияи тасаллият ирсол намуд.

Соли 2018 Эмомалӣ Раҳмон бо  раиси шаҳри Душанбе Рустами Эмомалӣ дар Боғи Наврӯзгоҳи пойтахт дарахтони нодири сояафкану ороишӣ шинонида, ба маъракаи ниҳолшинонӣ ва вусъати корҳои ободонию сабзазоркунӣ ва сабзу хуррам гардонидани муҳити атроф ҳусни оғоз бахшиданд.

Ҷашнҳои рӯзи 21 январ

  • Дар Лаҳистон – Рӯзи бибӣ (модаркалон).
  • Дар Беларус — Рӯзи қӯшунҳои муҳандисӣ.
  • Рӯзи байналмилалии оғӯш.

Рӯзи 21 январ кӣ ба дунё омадааст

Анвар Абдурасулов (1947)- физикдон, профессор.

Аҷамӣ Муҳаммадалӣ (1954) – шоир.

Бандишоева Савсан (1922 – 2003) – актрисаи театр, Ҳунарпешаи мардумии Тоҷикистон.

Гулов Тағоймурод (1945) – доктори илми кишоварзӣ.

Ғаниев Комилҷон (1950) – сароянда, Ҳунарпешаи мардумии Тоҷикистон.

Кандинов Лев (1932) – нависанда.

Каримова Аза (1925 – 2000) – доктори илми филологӣ.

Қаландарбеков Имомёрбек (1955)- доктори илми техникӣ, профессор.

Мастонгулов Мирзо (1939-2008)- доктори илми иқтисод, аввалин лётчики касбии тоҷик.

Маҳкамов Файз (1941) – дойрадаст, Ҳунарпешаи шоистаи Тоҷикистон.

Мирзоев Кароматулло (1941) – Нависандаи Халқии Тоҷикистон, дорандаи Ҷойизаи давлатии ба номи Рӯдакӣ.

Мусулмонкулов Раҳим (1938) – доктори илми филологӣ, профессор.

Собиров Султон ( 1933 – 1998) – доктори илми химия, профессор, Ходими шоистаи илми Тоҷикистон.

0
Барчаспҳо:
Ҷаҳон, Тоҷикистон, ҷашн
Мавзуъ
Аз ифтитоҳи радиои "Садои Душанбе" то марги 5 ҳазор нафар дар Чин: имрӯзи таърих
Аз зодрӯзи Аҳмад Бобоқулов то таҷдиди сохтори Дастгоҳи президент: имрӯзи таърих
Таъсиси "ЦРУ" ва тасдиқи лоиҳаи "CASA-1000" аз ҷониби Тоҷикистон: имрӯзи таърих
Рӯзи ҳамсар, таъсиси ноҳияҳои Хуҷанду Қумсангир ва зодрӯзи Дастин Поре: имрӯзи таърих