Раҳмон бо намояндаи ХБА “Механизми васеи қарздиҳӣ”-ро баррасӣ кард

Обуна шудан
Дар натиҷаи татбиқи ислоҳот ва ҳамкории судманд бо шарикони рушд, аз ҷумла Хазинаи Байналмилалии Асъор тайи солҳои охир фазои соҳибкориву сармоягузорӣ дар Тоҷикистон беҳтар гардидааст

ДУШАНБЕ, 12 мар — Sputnik. Имрӯз раисҷумҳури Тоҷикистон Эмомалӣ Раҳмон Роҳбари ҳайати Хазинаи Байналмилалии Асъор хонум Падамжа Хандевалро ба ҳузур пазируфт, иттилоъ додааст дафтари матбуотии Президенти кишвар.

Дар мулоқот вазъ ва дурнамои ҳамкории молиявии дуҷониба доир ба Барномаи ояндаи байни Ҳукумати Тоҷикистон ва Хазина дар доираи “Механизми васеи қарздиҳӣ” баррасӣ гардид.

Президент Таджикистана Эмомали Рахмон - Sputnik Тоҷикистон
Фармони нави Эмомалӣ Раҳмон барои даъвати ҷавонписарон ба хизмати ҳарбӣ

Ҷонибҳо ҳамкории Тоҷикистон ва Хазинаи Байналмилалии Асъорро мусбат арзёбӣ намуда, зикр карданд, ки дар натиҷаи татбиқи ислоҳот ва ҳамкории судманд бо шарикони рушд, аз ҷумла Хазинаи Байналмилалии Асъор тайи солҳои охир фазои соҳибкориву сармоягузорӣ дар Тоҷикистон беҳтар гардида, барои ҷалби сармояи хориҷӣ ҳамаи заминаҳои зарурӣ фароҳам оварда шудаанд.

Зикр шудааст, ки дар доираи стратегияи рушди дарозмуддат азму талошҳои Ҳукумати мамлакат барои ноил гардидан ба чор ҳадафи стратегӣ, яъне истиқлолияти энергетикӣ, баромадан аз бунбасти коммуникатсионӣ, ҳифзи амнияти озуқаворӣ ва саноатикунонии босуръати мамлакат ба ҳалли масъалаҳои иқтисодиву иҷтимоӣ ва ташкили ҷойҳои корӣ мусоидат менамояд.

Зарур шуморида шуд, ки Ҳукумати Тоҷикистон ҷиҳати тақвияти ҳамкорӣ бо шарикони рушд дар доираи афзалиятҳои стратегии рушди кишвар барои кам кардани таъсири манфии омилҳои берунӣ ба иқтисоди миллӣ тавассути дастгирии буҷети давлат, соҳаҳои иҷтимоӣ ва инфрасохтори энергетикиву нақлиётӣ талошҳои ҷиддӣ ба харҷ хоҳад дод.

Лентаи хабарҳо
0