Пенсионное удостоверение, архивное фото

Дар Тоҷикистон дар ду моҳ ба нафақахӯрон 282,6 миллион сомонӣ пардохт шуд

92
(Таҷдидшуда 19:19 18.03.2019)
Дар ду моҳи соли равон дар Тоҷикистон 689,7 ҳазор нафар нафақахӯр ба қайд гирифта шудааст

ДУШАНБЕ, 18 мар — Sputnik. Мақомоти Тоҷикистон дар моҳи январ-феврали соли равон ба нафақахӯрон 282,6 миллион сомонӣ пардохт намудааст, иттилоъ додааст Ожонсии омори Тоҷикистон.  

Бино бар иттилои манбаъ,  дар аввали моҳи марти соли равон теъдоди нафақахӯрон дар ҷумҳурӣ ба 689,7 ҳазор нафар расидааст.

Ёдрас мешавем, ки соли гузашта бо дараназрдошти бақия дар аввали сол 2 миллиарду 344 миллион сомонӣ (248,5 млн доллар).

Тибқи иттилои Ожонсии омор теъдоди нафақахӯрон дар аввали сол 686,6 ҳазаор нафарро ташкил медод.

Дар буҷаи соли равон барои пардохтҳои нафақа 3,6 миллиард сомонӣ пешбинӣ шудааст.  

Ин ҳам дар ҳолест, ки ахиран роҳбари Ожонсии суғуртаи иҷтимоӣ ва нафақаи Тоҷикистон Сафаралӣ Наҷмуддинов эълон кард, ки дар Тоҷикистон беш аз 17,7 ҳазор нафар аз гирифтани нафақаи маъюбӣ, маҳрум шуданд.

Ба гуфтаи вай, ашхосе, ки пештар нафақаи маъбӣ мегирифтанд, натавонистанд дубора маъюбии худро исбот намоянд.

“Ин бештар шахсоне буданд, ки кор мекарданд ва ҳамзамон нафақаи маъюбӣ мегирифтанд. Маъюбии инсонро комиссия махсус муайян намуда, баъд аз хулосаи онҳо ба шаҳрванд нафақа муайян карда мешавад”, - таъкид намудааст вай.

Дар ҳамин ҳол Наҷмуддинов қайд намуд, ки дар ҳоли ҳозир 4,6 ҳазор нафар барои муайян намудани маъюбиашон дубора аз ташхис мегузаранд. Дар маҷмӯъ дар соли 2018 шумораи шаҳрвандоне, ки ба онҳо нафақаи маъюбӣ  дода мешавад 145 ҳазору 896 нафарро ташкил медодааст.

Дар соли 2017 дар Тоҷикистон ба 3,5 ҳазор нафар пардохти нафақаи маъюбӣ қатъ карда шуд. Дар ҳамон давра ба нафақагирон пешниҳод карда шуд, ки дубора аз  ташхис гузаранд.

92
Барчаспҳо:
теъдод, нафақа, Тоҷикистон
Арест, архивное фото

Кордкашӣ дар бозори Исфара: ҷавони 27 -сола падару писарро захмӣ кард

98
(Таҷдидшуда 19:29 17.01.2021)
Вазорати корҳои дохилӣ аз боздошти сокини 27 - солаи шаҳри Исфара хабар медиҳад, ки дар ҷинояти авбошӣ гумонбар мешавад

ДУШАНБЕ, 17 янв — Sputnik. Вазорати корҳои дохилии Тоҷикисон дар паибаргузории чорабиниҳои оперативӣ-ҷустуҷӯӣ аз боздошти марди 27-солаи сокини шаҳри Исфара, хабар медиҳад.

Бино ба гузориши ин ниҳод, ин мард, ки соли 2012 бо моддаи 104 ва 252 Кодекси ҷиноятии Ҷумҳурии Тоҷикистон суд шудааст, бо гумони содир намудани ҷинояти авбошӣ дастгир карда шуд.

"Номбурда, санаи 14-уми январи соли 2021, тахминан соати 14:00, дар бозори марказии шаҳри Исфара аз сабаби муноқишаи ба миён омада бо ҷавони 21-солаи сокини шаҳри мазкур ва падараш марди 44-сола, ҷангу ҷанҷол намуда, бо корд 2-маротиба ба дасту пои ҷавони 21-сола ва 1-маротиба ба пои падари ӯ задааст", - омадаатс дар хабарнома.

Дар натиҷа ҳардуи онҳо ҷароҳати ҷисмонӣ бардоштаанд.

Бистарӣ шудани ҷавони 20-сола аз зарби корд дар Душанбе

Манбаъ афзуда, ки аз рӯи ин ҳодиса тафтишот идома дорад.

98
Барчаспҳо:
ВКД ҶТ, Исфара, боздошт

Омори муҳоҷират дар Тоҷикистон: чанд нафар омаду чӣ қадар кишварро тарк кард

511
(Таҷдидшуда 15:02 17.01.2021)
Дар умум дар робита бо ҳамагирии коронавирус ва баста будани марзи аксари кишварҳо, сатҳи муҳоҷират дар Тоҷкистон коҳиш ёфт

ДУШАНБЕ, 17 янв — Sputnik. Дар давоми соли 2020 - 740,2 ҳазор шаҳрванд Тоҷикистонро тарк кард, хабар медиҳад Агентии омори назди президенти Тоҷикистон.

Ин рақам дар муқоиса бо нишондоди соли гузашта, 1 миллиону 517 ҳазор ё 67,2% камтар аст.

Ҷуғрофияи сафари шаҳрвандони Тоҷикистон аз ҷониби агентӣ дақиқ гуфта нашудааст.

Тарҳи қонуни нав дар Русия: як гурӯҳи муҳоҷирон депорт нашаванд - кадом?

Бештари шаҳрвандони хориҷӣ ба ҷумҳурӣ аз кишварҳои зерин омадаанд: Ӯзбекистон - 271,5 ҳазор (66,2% аз шумораи умумии воридшудагон), Русия - 54,9 ҳазор (13,4%), Қирғизистон - 45,9 ҳазор ( 11,2%), Қазоқистон - 9,3 ҳазор (2,3%).

Бекорӣ аз байн меравад? Амонзода дар саросари ҶТ ярмаркаи ҷойи кори холӣ ташкил мекунад

Аз кишварҳои хориҷии дур ба Тоҷикистон бештар аз Афғонистон - 6 ҳазор нафар (1,5%), Чин - 3,1 ҳазор нафар (0,8%), Туркия - 2,7 ҳазор нафар (0,7%), 1,9 ҳазор нафар (0,5%), Эрон - 1,3 ҳазор нафар (0,3%), ИМА - 1,2 ҳазор нафар (0,3%), Олмон - 0,5 ҳазор нафар (0 , 1%), Покистон - 0,4 ҳазор нафар (0,1%) сабт шудааст.

511
Барчаспҳо:
Тоҷикистон, муҳоҷират, омор

Афзоиши фавтидагон аз COVID-19 дар Эрон

0
Вазорати беҳдошти Эрон мегӯяд, теъдоди ҷонбохтагон аз COVID-19 дар ҷумҳурӣ ба 56 ҳазору 803 нафар расид

ДУШАНБЕ, 17 янв — Sputnik. Тибқи иттилои Вазорати беҳдошт, шабонарӯзи гузашта 86 нафар аз COVID-19 фавтида, теъдоди умумӣ ба 56 ҳазору 803 нафар расид.

Радиои тоҷикии Садои Хуросон аз қавли Вазорати беҳдошт, дармон ва омӯзиши пизишкии Эрон хабар додааст, ки дар 24 соати гузашта 6 ҳазору 16 бемори нави гирифтор ба корона дар Эрон шиносоӣ ва 631 нафар аз онҳо бистарӣ шуданд.

Бар асоси маҷмӯи беморони вируси  COVID-19 дар Эрон ба як миллиону 330 ҳазору 411 нафар расидааст, ки то кунун 1 миллиону 119 ҳазору 137 нафар аз ин беморон беҳбуд ёфта ва ё аз бемористонҳо ҷавоб шудаанд.

Манбаъ афзуд, бемории COVID-19бар асоси омори расмии кишварҳо то кунун беш аз наваду панҷ миллион нафарро дар дунё мубтало карда ва беш аз ду миллион нафар низ бар асари ин беморӣ ҷони худро аз даст додаанд.

0
Барчаспҳо:
Эрон