Президентом Республики Татарстан Минниханов Рустам прибыл в Республику Таджикистан

Рустам Минниханов, раисиҷумҳури Тотористон вориди Душанбе шуд

512
Субҳи имрӯз Рустам Минниханов, раисиҷумҳури Тотористон бо сафари ду рӯзаи корӣ ба Душанбе омад

ДУШАНБЕ, 19 мар — Sputnik.  Рустам Минниханов, раисиҷумҳури Тотористонро дар фурудгоҳи байналмилалии Душанбе муовини сарвазири Тоҷикистон Азим Иброҳим ва сафири Русия дар Тоҷикистон Игор-Лякин Фролов пешвоз гирифтанд, иттилоъ додааст дафтари матбуоти раисҷумуҳри Тотористон.

Сафари кории Рустам Минниханов ба Тоҷикистон аз боздиди ду корхона дар шаҳри оғоз меёбад. Аввалин боздиди раисҷумҳури Тотористон ба Душанбе аз боздиди корхонаи автобусбарории “Акиа” оғоз меёбад. Сипас Рустам Минниханов аз корхонаи “Ноқили Талко” боздид хоҳад кард.

Қарор аст, дар нимаи дуюми рӯз расиҷумҳури Тотористон Рустам Минниханов бо Эмомалӣ Раҳмон, раисҷумҳури Тоҷикистон  мулоқот намояд.

Сипас дар Китобхонаи миллии Тоҷикистон форуми тиҷоратии “Тотористон –Тоҷикистон” оғоз меёбад, ки дар кори он сарвазири Тоҷикистон Қоҳир Расулзода иштирок хоҳад кард.

Ба иттилои манбаъ, дар форуми мазкур ба меҳмонон зарфиятҳои иқтисодии Тоҷикистон пешниҳод мегардад.

Инчунин дар имрӯз дар Китобхонаи миллӣ дидори раисҷумҳури Тотористон бо намояндагони ташкилотҳои ҷамъиятии тоторӣ баргузор хоҳад шуд.

Бино бар иттилои манбаъ дар ҳоли ҳозир дар Тоҷикистон наздик ба 17 ҳазор тотор зингдагӣ мекунад.

Фардо раисҷумҳури Тотористон аз як қатор иншоотҳои фарҳангӣ иҷтимоии шаҳри Душанбе ва Неругоҳи Норак боздид мекунад.

Дар нимаи дуюми рӯзи 20 март бо даъвати раисҷумҳури Тоҷикистон Рустам Минниханов дар барномаи Наврӯзӣ иштирок хоҳад кард.

Манбаъ қайд намудааст, ки гардиши молу маҳсулот миёни Тоҷикистону Тотористон дар соли 2017 се баробар афзоиш ёфта 30 миллион долларро ташкил медод. Аммо дар соли 2018 ин нишондод ба маротиб коҳиш ёфт ва Рустам Минниханов ба масъулин ҳукумати ҷумҳуриаш супориш дода буд, ки гардиши молу маҳсулотро бо Тоҷикистон афзоиш диҳанд.

Дар ҳоли ҳозир дар Тоҷикистон ширкатҳои “Камаз” ва “Татнефт” фаъолият доранд. Инчунин ширкатҳои “Таиф”, “Татхимфармпрепараты”, “Позис” ва ғайра низ фаъолияташонро дар ҷумҳурӣ зиёд менамоянд.

Манбаъ хабар додааст, ки дар ҳоли ҳозир аз Тоҷикистон дар Ҷумҳурии Тотористон 1077 донишҷӯи тоҷик таҳсил мекунанд.

512
Барчаспҳо:
корхона, мулоқот, дидор, Эмомалӣ Раҳмон, тоторӣ, Тотористон, Тоҷикистон
Школьники в масках

Ноиби сарвазири Тоҷикистон гуфт, чӣ бояд кард, то талабаҳо мубталои COVID-19 нашаванд

98
(Таҷдидшуда 20:59 14.08.2020)
Гуруҳи корӣ таҳти раёсати Ширин Исматуллозода, ноиби сарвазири Тоҷикистон, ҳангоми санҷиш дар шаҳри Роғун ва навоҳии Рашт камбудиҳои зиёд дар бахши мубориза бо COVID-19 ошкор кардаст

ДУШАНБЕ, 14 авг — Sputnik. Гуруҳи корӣ таҳти раёсати Ширин Исматуллозода аз шаҳри Роғун ва ноҳияҳои Сангвор, Нуробод, Рашт, Тоҷикобод ва Лахш боздида карда, вазъи соҳаи тандурустӣ ва омодабошии муассисаҳои таълимӣ ба соли нави хонишро санҷидаанд, хабар дод “Ховар”.

“Зимни боздид маълум гардид, ки аҳолӣ, соҳаи маориф ва табибон нисбат ба бемории сироятии COVID-19 ва гирифторшавӣ ба он фориғболӣ нишон медиҳанд.”, - омадааст дар иттилоия.

Манбаъ афзуд, дар кӯчаву бозорҳо сокинон бениқоб гашту гузор мекунанд, дар  муассисаҳои таълимӣ  захираи маводи антисептикӣ, ниқоб, варақаҳои тарғиботиву ташвиқотӣ барои пешгирии беморӣ кам ба назар мерасанд.

Муовини сарвазири Тоҷикистон таъкид кардааст, ки “агар ҳар як омӯзгор бо табибон ва волидон ҳамкорӣ кунанд, боварӣ дорам, ки мактаббачагон ҳеҷ гоҳ интиқолдиҳандаи беморӣ намегарданд”.

Исматуллозода дастур дод, ки омӯзгорону муҳассилин бе ниқоб ба дарс надароянд ва дар даромадгоҳи мактабҳо ҳатман маводи антисептикӣ ва ҳароратсанҷ гузошта шавад.

Инчунин дастур дода шудаст, ки аз ҳисоби кормандони миёнаи тиб дар мактабҳо навбатдориҳо ташкил карда шаваду ҳар як омӯзгор 2-3 дақиқаи дарсро ба фаҳмондадиҳӣ барои риояи қоидаҳои беҳдоштӣ ҷудо кунад.

98
Барчаспҳо:
пешгирӣ, беморӣ, талабагон, Тоҷикистон
Ветерану ВОВ Мирзошарифу Гафурову исполнилось 100 лет

Даргузашти Мирзошариф Ғафуров дар 101-солагӣ

124
Мирзошариф Ғафуров, куҳансарбози Ҷанги Бузурги Ватанӣ, сокини 101- солаи деҳаи Рӯмони ноҳияи Бобоҷон Ғафуров имрӯз дар манзили зисташ аз олам даргузашт

ДУШАНБЕ, 14 авг – Sputnik. Мирзошариф Ғафуров то лаҳзаи даргузашташ шикояти ҷиддие аз саломатӣ надошт, гуфт Мирзотоҳир Ғафуров, писари марҳум дар суҳбат бо Sputnik Тоҷикистон.

 “Ягон шикояти ҷиддӣ аз вазъи саломаташон надоштанд, бо амри тақдир субҳи имрӯз дар синни 101-солагӣ ҷон ба Ҷонофарин супурданд”, - гуфт Ғафуров.

Маросими ҷанозаи марҳум имрӯз дар қабристони ба номи Балодуркуни ҷамоати деҳоти Ҳайдар Усмонови ноҳияи Бобоҷон Ғафуров доир шудааст.

Мирзошариф Ғафуров 7-уми январи соли 1919 дар деҳаи Рӯмони ноҳияи Бобоҷон Ғафуров таваллуд шудааст. Дар моҳи майи соли 1940, замоне, ки ӯ ҳанӯз 18-сола буд ва дар курси дуюми факултаи физикаю математикаи омӯзишгоҳи педагогии шаҳри Хуҷанд ба номи С.М. Киров (ҳоло ДДХ ба номи ак. Б. Ғафуров) таҳсил мекард,  ба хизмати аскарӣ даъват шуд ва бо ҳамин хизмати ӯ дар сафи аскарӣ 9 сол давом кард.

Ӯ аз оғози ҶБВ  борҳо дар миёни дуду оташи ҷанг қарор гирифт ва бо инояти Худованд саломат ва бо сари баланди пирӯзӣ бар фашизм ба хона баргашт.

“Барои хизмати сарбозӣ маро ба шаҳри Кушкаи Туркманистон фиристоданд. Он вақт ҳама ҷо тинҷу амон ва арзонию фаровонӣ буд. Ҳеҷ кас намедонист, ки ин ҳама осудаҳолӣ баъд аз як сол ба як вазъи беамону нобасомон табдил меёбад ва чи гуна осмони софро дуду оташи ҷанг ғуборолуд мекунад”, - нақл карда буд Ғаффуров қаблан дар суҳбат бо Sputnik Тоҷикистон.

Мирзошариф Ғафуров барои шуҷоатмандӣ дар замони ҶБВ бо даҳҳо медалу мукофот қадршиносӣ гардидааст.

Соли ҷорӣ дар арафаи 75 – солагии Иди Ғалаба? Ғафуров дар қатори дигар иштирокчиёну собиқадорони ҷанг бо медали “75 -солагии Ғалаба дар ҶБВ,  1941-1945 сол”-и Федератсияи Русия сарфароз сарфароз гардонида шуд.

124
Барчаспҳо:
Ҷанги Бузурги Ватанӣ, аз дунё даргузашт, ҷанг, Тоҷикистон