Нож у горла женщины, фото из архива

ВКД: ба сари ҳамсараш аввал бо офтобаи оҳанин зада баъдан гарданашро буридааст

424
Марди 35 солае дар ҳавлии истиқоматиаш ҳамсарашро бераҳмона ба қатл расонидааст

ДУШАНБЕ, 20 мар — Sputnik. Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 35-солаи сокини ноҳияи Деваштич бо гумони куштор дастгир карда шудааст, иттилоъ медиҳад дафтари матбуотии Вазорати корҳои дохилаи Тоҷикистон.

Номбурда, 19-уми марти соли 2019, тахминан соати 00:10-дақиқа, дар ҳавлии истиқоматиаш аз сабаби муноқишаи оилавӣ бо ҳамсари 34-солаааш, ки сокини ҳамон ҷо мебошад, ҷангу ҷанҷол намуда, аввал бо офтобаи оҳанин ба сараш зада, баъдан бо корд гарданашро буридааст.

Дар натиҷа, зани ҷабрдида ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.

Оид ба ин ҳодиса парвандаи ҷиноятӣ оғоз гардида, тафтишот давом дорад.

424
Барчаспҳо:
ҳамсар, ВКД, куштор, Тоҷикистон