Выступление Эмомали Рахмона на главной площади в Душанбе по случаю празднования Навруза

Табрикоти Эмомалӣ Раҳмон мардуми Тоҷикистонро ба ҷашни “Соли нави аҷдодӣ”

277
Раисҷумҳури Тоҷикистон Эмомалӣ Раҳмон ҳангоми таҷлили иди Наврӯз дар пойтахти кишвар шаҳри Душанбе, бо табрикоти нек нисбати мардуми Тоҷикистон, суханронӣ намуд

ДУШАНБЕ, 21 мар — Sputnik. Эмомали Раҳмон раисҷумҳури Тоҷикистон имрӯз 21 март дар арафаи “Корвони наврӯзӣ” мардуми Тоҷикистонро бо соли нави аҷдоди табрик гуфт.

Ҳамватанони азиз!

Ин лаҳзаҳо, ки ҷашни бузурги миллиамон – Наврӯзи ҷаҳонӣ фаро расидааст, тамоми сокинону меҳмонони пойтахти Тоҷикистони соҳибистиқлол — шаҳри Душанберо самимона табрик мегӯям.

Боиси сарфарозии ҳар яки мост, ки дар шаҳри Душанбе – пойтахти зебои давлати Тоҷикистон ва хонаи умеди тоҷикони ҷаҳон таҷлили Наврӯзи бостонӣ сол ба сол шукӯҳу шаҳомати хосса пайдо мекунад, ки маросими баргузории яке аз падидаҳои нодири фарҳанги наврӯз, яъне “Корвони наврӯзӣ” намунаи он мебошад.

Тибқи маълумоти таърихӣ гузаштагони мо дар яке аз рӯзҳои таҷлили ҷашни Наврӯз бо номи “Корвони наврӯзӣ” маросими муҳташаме ороста, бо ҳамдигар шодмониву хурсандӣ мекарданд, то ки тамоми сол ба кишвар хуррамиву хушрӯзӣ ва ба хонадони мардум бахту иқбол ҳамроҳ бошад.

Таваҷҷуҳ ба ҳикмату муҳтавои ин суннати наврӯзӣ як ҷанбаи хеле муҳимми он, яъне ойини пурра мардумӣ будани онро бори дигар собит месозад ва дар умум, Наврӯзро ҳамчун ҷашни хайру эҳсон, накӯкориву инсонпарварӣ ва созандагиву ободгарӣ муаррифӣ менамояд.

Ба маънии дигар, дар рӯзи таҷлили ин ҷашн одамони зиёд пиёдаву савора маҳаллаву гузарҳои шаҳрҳоро сайр мекарданд ва ба мардум аз омадани Наврӯз хушхабар мерасониданд.

Ҳамчунин, дар ин рӯз сарватмандон ва хайрхоҳону саховатпешагон ба корвони наврӯзӣ ҳамроҳ шуда, талош мекарданд, ки бо истифода аз фурсати муносиб ба ниёзмандону эҳтиёҷмандон хайру эҳсон намоянд.

Канори ҳамдигар омадани мардум ва дастҷамъона амалӣ намудани чунин иқдомоти нек боис мегардад, ки одамон бо иҷрои амалҳои хайр ба ҳамдигар кумак расонанд ва дар ин асос эҳсоси дӯстиву рафоқат ва ваҳдату якдигарфаҳмӣ миёни мардум тақвият пайдо намояд.

Корвони наврӯзӣ, ки имрӯз дар пойтахти кишвари азизамон — шаҳри Душанбе баргузор мешавад, беҳтарин суннатҳои Наврӯзи ниёгонамонро таҷассум намуда, суннату ойинҳои қадимаро бо қабои идона ва ба сурати нав, яъне мутобиқ ба падидаҳои даврони соҳибистиқлолии Тоҷикистон дигарбора эҳё гардонидааст.

Бо шакли нав ва мазмуну муҳтавои тоза доир намудани “Корвони наврӯзӣ” дар майдони марказӣ ва зебои пойтахтамон ба мардум шодиву нишоти нав мебахшад, ки сарчашмаи асосии он сулҳу суботи комил ва ваҳдати миллӣ мебошад.

Мақоми байналмилалиро касб кардани Наврӯз имкон фароҳам овард, ки мардуми олам аз фалсафаи эҳёгариву созандагӣ ва башардӯстонаи ин ҷашни бисёр қадима ҳарчи бештар огоҳ гарданд, зеро Наврӯз танҳо марбут ба қаламрави зуҳури он набуда, балки суннату анъанаҳои неки он метавонанд ҳамчун василаи ҳамзистии осоиштаи тамоми инсоният хизмат намоянд.

Ҳамватанони азиз!

Рӯҳияи баланди мардуми пойтахт, дастгирии самимонаи ташаббусҳои роҳбарияти давлат ва Ҳукумати мамлакат аз ҷониби онҳо далели равшани он аст, ки сокинони шарафманди шаҳри Душанбе дар баробари дигар ҳамватанони азизи мо бо орзуи он, ки Наврӯзи имсола ба пешвози арзандаи ҷашни 28 — солагии истиқлолияти давлатии Тоҷикистон саодату комронӣ ва дастовардҳои бузургро ба армуғон оварад, ин ҷашни мубораки миллиро бо шукӯҳу самимият ва ташаббусҳои созанда истиқбол мегиранд.

Таҷлили бошукӯҳу дастҷамъонаи Наврӯз ҳамаи моро ба он ҳидоят месозад, ки ба хотири боз ҳам ободу зебо гардонидани ҳар як гӯшаи Ватани муқаддасамон, аз лиҳози иқтисодӣ нерӯманду пешрафта гардонидани давлати соҳибистиқлоламон ва аз имрӯза беҳтар намудани зиндагии мардуми шарифи кишварамон ҳарчи бештар заҳмат кашем ва ҳамеша сарҷамъу муттаҳид бошем.

Бо ибрози ниятҳои нек барои амалӣ гардидани тамоми нақшаҳои ободгаронаи мардуми Тоҷикистон бори дигар сокинони сарбаланди шаҳри Душанберо ба ифтихори ҷашни Наврӯзи бостонӣ, яъне соли нави миллиамон самимона табрик гуфта, ба хонадони ҳар яки шумо бахту саодат, хайру баракат ва ба Тоҷикистони маҳбубамон сулҳу субот, ваҳдати миллии ҷовидона ва дастовардҳои бузург орзумандам.

Наврӯзатон муборак бошад, ҳамдиёрони азиз!

277
Барчаспҳо:
Тоҷикистон
Мавзуҳо:
Наврӯз-2019 дар Тоҷикистон (146)
Мэр города Душанбе Рустам Эмомали

Дархости Рустами Эмомалӣ аз Бонки миллӣ барои дастгирии соҳибкорон

24
 Рустами Эмомал, раиси шаҳри Душанбе аз Бонки миллии кишвар дархост кардааст соҳикоронро дастгирӣ намоянд.

ДУШАНБЕ, 31 мая — Sputnik. Тибқи иттилои дафтари матбуотии шаҳрдорӣ, Рустами Эмомалӣ, шаҳрдори пойтахт бо мақсади дастгирии соҳибкорӣ ҷиҳати мусоидат намудан дар масъалаҳои қарзию фоизии бонкии соҳибкорон ба унвони Бонки миллии Ҷумҳурии Тоҷикистон мактуби расмӣ ирсол намуд.

Ба иттили манбаъ, бо дастури шаҳрдорӣ ҳамчунин қисме аз ҷойҳои ҷамъиятитӣ барои пешгирӣ аз паҳншавии коронавирус боз ним моҳи дигар баста хоҳанд монд.

Манбаъ мегӯяд, танаффус дар ҳамаи бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳоро, сарфи назар аз шакли моликият ва тобеияти идоравӣ то 15 июни соли 2020 тамдид шуданд.

Гуфта мешавад, сохторҳои дахлдор вазифадор гаштаанд, ки дар ҳамкорӣ бо роҳбарон ва масъулини бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳо дар ин муддат корҳои безараргардонӣ ва дезинфексиониро мунтазам амалӣ намоянд.

Омори нави ошкоршавӣ, табобат ва фавт аз коронавирус дар Тоҷикистон

Ёдовар мешавем, ки бо мақсади пешгирии паҳншавии коронавирус дар Тоҷикистон як қатор ҷойҳои ҷамъиятӣ муваққатан баста шуда, чорабиниҳои варзишӣ ва оммавӣ боздошта шуда, қаҳвахонаҳо ва тарабхонаҳо барои мизоҷон баста шуданд.

24
Барчаспҳо:
соҳибкор, Бонки миллии Тоҷикистон, дархост, Рустами Эмомалӣ, Душанбе, Тоҷикистон
День 31 мая

Ҷашнҳои рӯзи 31 май дар Тоҷикистон ва ҷаҳон

38
(Таҷдидшуда 20:11 30.05.2020)
Рӯзи 31 май, Рӯзи байналмилалии бидуни тамоку ва мубориза бо нобаробарӣ буда, дар Русия – Рӯзи адвокатура, дар Туркманистон Рӯзи гилемҳои туркманӣ ва дар Бритониё Рӯзи баҳор мебошад

Рӯзи 31 май дар ҷаҳон чӣ рух дод

Соли 1850 дар Фаронса ҳуқуқи интихобкунии оммавӣ бекор карда шуд.

Соли 1859 соати Биг-Бен дар манораи машҳури Лондон насб гардида, аввалин маротиба ба кор дароварда шуд.

Биг-Бен. Архивное фото
© Flickr / ale
Биг-Бен. Архивное фото

Соли 1879 дар Олмон аввалин маротиба дар ҷаҳон роҳи оҳани барқӣ ба истифода дода шуд.

Соли 1911 киштии мусофирбари "Титаник" бо зиёда аз 2200 нафар мусофир ба  роҳ баромад, ки  270 метр дарозӣ, 30 метр паҳноӣ дошта, вазнаш 46 ҳазор тоннаро ташкил медод.

Титаник, архивное фото
Титаник, архивное фото

Соли 1961 Ҷумҳурии Африқои Ҷанубӣ аз Британияи Кабир истиқлолият ба даст овард.

Рӯзи 31 май дар Тоҷикистон чӣ рух дод

Соли 1960 корхонаи трансформаторбарории шаҳри  Бохтар (собиқ Қӯрғонтеппа) ба истифода дода шуд.

Соли 2012 палатаи поёнии Парлумони Тоҷикистон пешниҳоди Президенти Ҷумҳурии Тоҷикистон Эмомалӣ Раҳмонро ҷиҳати аз Кодекси чиноятӣ ба Кодекси  гражданӣ гузаронидани моддаҳои 135 (тӯҳмат) ва 136 (таҳқир) якдилона қабул намуданд.

День 30 мая
© Sputnik / Стас Этвеш / Вишнякова Мария

Соли 2012 дар Қасри миллат Президенти Ҷумҳурии Тоҷикистон Эмомалӣ Раҳмон муовини Дабири кулли СММ, Мудири иҷроияи Раёсати СММ оид ба маводи мухаддир ва ҷинояткорӣ Юрий Федотовро ба ҳузур пазируфтанд. Зимни мулоқот масъалаҳои ҳамгироии дуҷонибаи Ҷумҳурии Тоҷикистон ва Раёсати Созмони Милали Муттаҳид дар самти мубориза бар зидди қочоқи маводи мухаддир ва дигар таҳдиду хатарҳои муосири олам баррасӣ гардиданд.

Соли 2013 дар шаҳри Душанбе маросими расмии ба табъ расидани маҷаллаи чинии «Пули қора» баргузор гардид. Ин аввалин маҷаллаи махсуси Ҷумҳурии Мардумии Чин мебошад, ки бо забони тоҷикӣ нашр мешавад. Дар маҷалла дар бораи Тоҷикистон ва Чин, инчунин ҳамкории байнидавлатии ин ду кишвар маълумот дода мешавад.

Соли 2016 зимни маҷлиси навбатии Ҳукумати Ҷумҳурии Тоҷикистон аъзои Ҳукумат лоиҳаи Қонуни Ҷумҳурии Тоҷикистон «Дар бораи хизматрасониҳои пардохт ва низоми пардохт»-ро маъқул дониста, барои баррасӣ ба Маҷлиси намояндагони Маҷлиси Олии Ҷумҳурии Тоҷикистон ирсол намуданд.

Соли 2017 Эмомалӣ Раҳмон дар робита ба таркиши маргталабона дар шаҳри Кобул, ки боиси ба ҳалокат расидан ва ҷароҳати вазнин бардоштани теъдоди зиёди мардуми осоишта дар моҳи шарифи Рамазон гардид, ба раиси ҷумҳури Ҷумҳурии Исломии Афғонистон Муҳаммад Ашраф Ғанӣ барқияи таслият ирсол намуданд.

Соли 2018 Ташкилоти Умиҷаҳонии  Тандурустӣ (ТУТ) Президенти Ҷумҳурии Тоҷикистон Эмомалӣ Раҳмонро яке аз барандагони Ҷоиза барои саҳмгузорӣ дар роҳи мубориза бо тамоку эълон кард.

Ҷашнҳои рӯзи 31 май

  • Рӯзи байналмилалии бидуни тамоку.
  • Рӯзи байналмилалии мубориза бо нобаробарӣ.
  • Дар Русия – Рӯзи адвокатура.
  • Рӯзи гилемҳои туркманӣ дар Туркманистон.
  • Рӯзи баҳор дар Британияи Кабир.

Рӯзи 31 май кӣ ба дунё омадааст

Леон Баринштейн (1893-1976)- доктори илми тиб, прфессор.

Нелли Карасева (1924) – сарояндаи опера, Ҳунарпешаи шоистаи Тоҷикистон.

Бобоҷон Ниёзмуҳаммадов (1906 – 1979) – доктори илми филологӣ, академики АИ Тоҷикистон, Ходими шоистаи илми ҷумҳурӣ, дорандаи Ҷойизаидавлатии ба номи Сино.

Сергей Поляков (1932) – доктори илми таърих, профессор.

Эргаш Рўзиматов (1939 – 1998) – математик, профессор.

Сабзаҷон Шоисмоилова (1923 – 2002) – актрисаи театр, Ҳунарпешаи мардумии Тоҷикистон.

Файзигул Юсуфова (1974)- сароянда, Ҳунарпешаи шоистаи Тоҷикистон.

38
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 25 май дар Тоҷикистон ва ҷаҳон
Ҷашнҳои рӯзи 26 май дар Тоҷикистон ва ҷаҳон
Ҷашнҳои рӯзи 27 май дар Тоҷикистон ва ҷаҳон
Ҷашнҳои рӯзи 28 май дар Тоҷикистон ва ҷаҳон
Ҷашнҳои рӯзи 29 май дар Тоҷикистон ва ҷаҳон
Ҷашнҳои рӯзи 30 май дар Тоҷикистон ва ҷаҳон