Сим-карта, архивное фото

Изи ангушт мегирем: Хадамоти алоқа сабаби сабтиноми дубораи сим-кортҳоро гуфт

583
Хадамоти алоқаи Тоҷикистон тавзеҳ додааст, ки сабтиноми дубораи симкортҳо тариқи шиносномаи нав барои гирифтани изи ангушти ҳар як муштарӣ зарур аст

ДУШАНБЕ, 22 мар - Sputnik. Хадамоти алоқаи Тоҷикистон  сабаби сабтиноми  дубораисимкортҳо тариқи шиносномаи нав (ID - корт) тавзеҳ додааст.

Бино бар иттилои манбаъ, ин қарор бо зарурати гирифтани изи ангушти ҳар як муштарӣ вобаста аст. Тавре аз макатуби расмии  хадамот маълум мешавад, ин иқдом барои "пешгирӣ аз терроризм ва экстремизм" роҳандозӣ карда мешавад.

Нусхаи мактуби расмии хадамот дар Фейсбук мунташир шудааст.

"Барои пешгирии қонуншиканиҳои ҷиноӣ, таҳдиди терроризму эктремизм, ки ба воситаи телефонҳои млобилӣ сурат мегиранд, зарурати гирифтани изи ангушти ҳар як истифодабаранда пеш омад. Бо сабаби он, ки нусхаи шиносномаи соли 2014 имкон медиҳад, ки изи ангушти ҳар як муштарӣ гирифта шавад, сабтиноми дубораи истифодабарандагони алоқаи мобилӣ ба роҳ монда мешавад", - гуфта мешавад дар муктуб.

Охирҳои моҳи феврал хабар дода шуд, ки тартиби фурӯши симкортҳо тағйир ёфт.

Бар асоси тағйирот ба қарори Ҳукумат, “Дар бораи тартиб ва талаботи пайвастшавӣ ба шабакаи алоқаи барқӣ ва хизматрасониҳои вобаста ба он”,  ки аз ҷониби раисиҷумҳур 9 феврал имзо гардидааст, симкорти шахсоне, ки шиносномаи намунаи соли 2014 надоранд, аз нав ба қайд гирифта мешаванд.

Дар матни қарор инчунин зарурати пешниҳоди шиносномаи шаҳрванди Ҷумҳурии Тоҷикистон намунаи соли 2014 ҳангоми гирифтани симкорт таъкид шудааст.

Ҳукумат масъулини соҳаро барои насби камераҳои мушоҳидавӣ дар нуқтаҳои хариду фурӯши симкортҳо уҳдадор намуда, муваззаф кардааст, ки зиёда аз ду симкортро ба номи як шахс (дар ҳамаи операторони хизмати алоқаи барқӣ) ба расмият надароранд.

583
Новая операционная в районой больнице №5 в джамоате Далион Боло Деваштичского района

Дар вилояти Суғд 459 иншооти соҳаи тандурустӣ таъмир мегардад

1
(Таҷдидшуда 20:35 31.10.2020)
Дар нӯҳ моҳи соли равон дар вилояти Суғд, сохтмон, азнавсозӣ ва таъмири 64 оншооти тандурустӣ ба итмом расонида шудааст

ДУШАНБЕ, 31 окт — Sputnik. Ба муносибати ҷашни 30-солагии истиқлоли Тоҷикистон дар вилояти Суғд давоми солҳои 2019-2021 сохтмон, азнавсозӣ ва таъмири 459 иншооти соҳаи тандурустӣ ба нақша гирифта шудааст.

Бино ба гузориши Вазорати тандурустӣ, аз ин шумора 64 адад беморхонаҳо, 118 адад бунгоҳҳои саломатӣ, 86 адад марказҳои саломатӣ, 18 адад таваллудхонаҳо, 101 адад нуқтаҳои хатна ва 72 адад дорухонаҳо мебошанд.

Бино ба иттилои Раёсати тандурустии вилояти Суғд, соли 2020 бояд, 123 адад иншооти соҳаи тандурустӣ , аз ҷумла 15 адад беморхонаҳо, 39 адад бунгоҳҳои саломатӣ, 20 адад марказҳои саломатӣ, 5 адад таваллудхонаҳо, 13 адад нуқтаҳои хатна ва 31 адад дорухонаҳо бо маблағгузорӣ аз ҳамаи сарчашмаҳо сохтмон, азнавсозӣ ва таъмиру тармими онҳо ба итмом расонида шавад.

"Дар нуҳ моҳи соли равон сохтмон, азнавсозӣ ва таъмиру тамими 64 адад иншоотҳои тандурустӣ, аз ҷумла 10 адад беморхонаҳо, 16 адад бунгоҳҳои саломатӣ, 14 адад марказҳои саломатӣ, 2 адад таваллудхона, 8 адад нуқтаҳои хатнаи кӯдакон ва 14 адад дорухонаҳо ба итмом расонида шудааст", - омадааст дар хабарнома.

Манбаъ афзуда, ки ба муносибати истиқболи сазовори 30-солагии истиқлол корҳои ободонию созандагӣ, сохтмон, азнавсозӣ ва таъмиру тармим дар тамоми муассисаҳои тандурустии вилоят идома дорад.

1
Барчаспҳо:
азнавсозӣ, таъмир, беморхона, Суғд
Глава Комитета по архитектуре и строительству Джамшед Ахмадзода

Иншоотро бе иҷозати давлат месозанд: пули ҷаримаро дода, боз корро идома медиҳанд

93
(Таҷдидшуда 19:50 31.10.2020)
Ҷамшед Аҳмадзода, раиси Кумитаи меъморӣ ва сохтмони назди Ҳукумати Тоҷикистон, тағйироти ахир ба Кодекси ҳуқуқвайронкунии маъмурии ҷумҳуриро шарҳ дод, ки ҷазо барои нақзи қоидаҳои шаҳрсозиро пурзӯр кард

ДУШАНБЕ, 31 окт — Sputnik.  Аҳмадзода зимни ҷаласаи ахири парлумон гуфт, санҷишҳо дар соли сипаригашта дар бинову иншооти сохташавандаи шаҳру ноҳияҳои ҷумҳурӣ нишон доданд, ки дар 198 бинову иншоот аз ҷониби баъзе аз субъектҳои фаъолияти шаҳрсозӣ талаботи Кодекси шаҳрсозии Ҷумҳурии Тоҷикистон риоя карда нашудаанд.

Раиси Кумитаи меъморӣ зикр кард, ки соли гузашт а 19 иншоот бе қарори раисони шаҳру ноҳияҳо ва дар нуҳ моҳи соли 2020 – 15 иншоот сохта шудаанд.

“Инчунин  13 иншоот бе лоиҳаи корӣ (дар нуҳ моҳи соли 2020 – 12 иншоот), 67 иншоот бе хулосаи мусбати экпертизаи давлатӣ (дар нуҳ моҳи соли 2020 – 43 иншоот) ва 99 иншоот бе иҷозат барои оғоз намудани корҳои сохтмонӣ бунёд шуда истодаанд”, - навиштааст нашрияи “Садои мардум” аз қавли Аҳмадзода.

Раиси Кумитаи меъморӣ афзуд, гарчанде сохтмони иншооти бе лоиҳаи корӣ ва  бе дастрасии хулосаи мусбати экспертизаи давлатӣ сохташудаистода манъ, нисбат ба шахсони ҳуқуқвайронкунанда мутобиқи Кодекси ҳуқуқвайронкунии маъмурии Ҷумҳурии Тоҷикистон барои содир намудани ҳуқуқвайронкуниҳои маъмурӣ чораҷӯӣ шуда бошад ҳам, аммо корҳои сохтмонӣ идома дода мешаванд.

Эмомалӣ Раҳмон, раисиҷумҳури Тоҷикистон ва Бег Сабур, раиси Хадамоти алоқаи Тоҷикистон, акс аз бойгонӣ
© Официальная страница пресс-службы президента РТ в Facebook
“Мутобиқи моддаи 409 Кодекси ҳуқуқвайронкунии маъмурии Ҷумҳурии Тоҷикистон, барои риоя накардани қоидаҳои фаъолияти меъморию шаҳрсозӣ ва сохтмонӣ ба шахсони воқеӣ ба андозаи аз ҳафт то даҳ, ба шахсони мансабдор аз сӣ то панҷоҳ ва ба шахсони ҳуқуқӣ аз сад то дусад нишондиҳанда барои ҳисобҳо ҷарима муқаррар гардидааст, ки андозаҳои зикршуда барои амалӣ намудани сохтмонҳои ғайриқонунӣ ва ё худдорӣ кардан аз он таъсирбахш набуда, фармоишгарон ва ё пудратчиён бе ягон душворӣ онро пардохт намуда, фаъолиятро идома дода истодаанд”, - таъкид кард Аҳмадзода.

Ӯ афзуд, бар асоси тағйироти ҷадид барои қонунвайронкуниҳо ҳангоми амалӣ намудани фаъолияти меъморӣ ва сохтмонӣ андозаи ҷаримаҳои маъмурӣ зиёд карда мешаванд.

“Мақсад аз зиёд намудани андозаи ҷаримаҳои маъмурӣ пешгирӣ кардани сохтмонҳои ғайриқонунӣ, риояи талаботи санадҳои меъёрии ҳуқуқии шаҳрсозӣ ва дар асоси ҳуҷҷатҳои лоиҳавии тасдиқгардида амалӣ намудани фаъолияти шаҳрсозӣ дар ҳудуди Ҷумҳурии Тоҷикистон мебошад”, - тавзеҳ дод раиси Кумитаи меъморӣ.

Дар пайи муаррифӣ Маҷлиси намояндагони Тоҷикистон тағйирот ба Кодекси ҳуқуқвайронкунии маъмурии ҷумҳуриро қабул намуд.

93
Барчаспҳо:
лоиҳаи меъморӣ, сохтмон, Тоҷикистон